Aðstoð

Vantar þig aðstoð?

Undir aðstoðinni finnur þú svör við ýmsu er varðar heimasímaþjónustu og ábendingar um það hvernig þú getur notfært þér sjálfsafgreiðslu á þjónustuvefnum. Ef þú ert með frekari spurningar þá geturðu hringt í 800 7000 eða sent okkur fyrirspurn/ábendingu.

Sjálfsafgreiðsla

Kláraðu málið sjálfur

Almennt

Um heimasímaþjónustu

Vandamál

Svör og lausnir

Aðgerðir

Leiðbeiningar

Navigation tree

Sjálfsafgreiðsla

Kláraðu málið

Á Þjónustuvefnum ræður þú ferðinni og getur sinnt þínum málum þegar þér hentar.

Aðgerðir á þjónustuvef

Almennt

Flutningur á heimasíma

Þjónustuver Símans og verslanir taka við öllum beiðnum um flutning á heimasíma. Einnig er hægt að ganga frá flutningi á heimasíma í gegnum Þjónustuvef.

Þú þarft að vita hvaða símanúmer var í húsinu eða íbúðinni áður en þú fluttir inn. Ástæðan er sú að tæknimenn okkar þurfa að vita hvar þeir eiga að tengja heimasímann og það geta þeir séð út frá fyrra númeri húsnæðis. Eftir að beiðni berst getur flutningur á heimasíma tekið 3 til 5 virka daga á höfuðborgarsvæðinu en 5 til 10 virka daga í dreifbýli.

Skráning úr símaskrá

Allar breytingar á skráningu í Símaskrá fara í gegnum Já. Hægt er að hafa samband við skrifstofu Já í síma 522 3200, senda fax í síma 522 3209 eða senda tölvupóst á ja@ja.is.

Ef þú vilt fá númerið þitt skráð sem leyninúmer hjá Símanum þá getur þú haft samband við þjónustuver Símans 800 7000 eða komið við í einni af verslunum okkur. Með leyninúmeri er komið í veg fyrir að símanúmerið sé skráð í Símaskrá, 118 og á ja.is.

Fast forval

Hvað er fast forval?

Viðskiptavinir sem eru með fast forval til samkeppnisaðila Símans greiða fyrir línuna til Símans en greiða fyrir notkun til samkeppnisaðila Símans. Hægt er að velja annað hvort eða bæði, fast forval innanlands og/eða fast forval til útlanda. Símtöl í stuttnúmer t.d. 118, 1414 ofl. falla ekki undir fast forval, þ.e. ef línan er hjá Símanum rukkar Síminn fyrir þá notkun.

Vandamál og lausnir

Símaónæði

Hvað skal gera ...

Síminn beinir öllum ábendingum er varða símaónæði til lögreglunnar á viðkomandi svæði.

Truflun á símaþjónustu

Aðstoð við að greina vandamál ...

Hvað veldur því að ég fæ ekki són?

Ef þú færð ekki són er ráðlegt að byrja á því að athuga eftirfarandi:

Er veggtengillinn örugglega í sambandi?
Virka önnur símtæki á heimilinu ef þau eru fyrir hendi?
Hefur síminn virkað á þessum stað áður?

Oft og tíðum eru símtæki mjög viðkvæm fyrir rafmagnstruflunum. Ef allt rafmagn slær t.d. út getur oft myndast spenna á símtækinu þegar rafmagnið kemst aftur á sem veldur því að tækið hættir að virka. Þess vegna er kjörið að kanna hvort símtækið hafi bilað með því að prófa annað símtæki í sama símatengli ef sá valkostur er fyrir hendi. Þetta getur sparað mikinn tíma og fyrirhöfn.

Hvers vegna heyrast skruðningar á línunni hjá mér?

Ef skruðningar eru á línunni hjá þér er ráðlegt að byrja á því að athuga eftirfarandi: Ef fleiri en eitt símtæki eru á heimilinu skaltu kanna hvort skruðningur er í öllum símtækjunum. Ef svo er geturðu prófað að taka eitt símtæki úr sambandi og athuga hvort skruðningurinn hverfi. Kannaðu þannig öll símtækin svo þú getir útilokað að bilunin stafi frá einhverju þeirra.

Símtæki geta verið mjög viðkvæm fyrir rafmagnstruflunum. Ef allt rafmagn slær t.d. út getur oft myndast spenna á símtækinu þegar rafmagnið kemst aftur á sem veldur því að tækið hættir að virka eða skruðningar heyrast á línunni. Þess vegna er kjörið að kanna hvort símtækið hafi bilað með því að prófa annað símtæki í sama símatengli ef sá valkostur er fyrir hendi. Þetta getur sparað mikinn tíma og fyrirhöfn.

Lásar og skammvalsminni

Kóðalás

Aðgerð	Lýsing
Gera kóðalásinn virkan	33 lykilnúmer#
Gera kóðalásinn óvirkan	#33* lykilnúmer#

Ef rangt lykilnúmer hefur verið stimplað óvart inn 3 sinnum eða oftar er ekki hægt að taka lásinn af. Þá þarf að hringja í þjónustuver Símans 8007000 og biðja um að taka lásinn af þannig þú getir aftur reynt að stimpla kóðann inn.

Ef þú hefur gleymt lykilnúmerinu fyrir kóðalás og ert rétthafi númersins, þá geturðu komið í verslun Símans og fengið það uppgefið.

Læsingar

Leiðbeiningar um hvernig hægt er að virkja eða afvirkja læsingar ...

Hvernig gagnast læsingar á heimasíma?

Þar sem margir notendur eru um sama síma kann að vera hentugt fyrir rétthafa símanúmers að geta takmarkað hringingar með læsingu. Læsing hindrar ákveðnar tegundir símtala og auðveldar rétthafa að stýra símnotkun, t.d. að læsa fyrir símtöl til útlanda eða í 900-númer sem eru dýrari en símtöl í heimilissíma. Tvenns konar læsing er í boði, föst eða með leyninúmeri:

Föst læsing - Rétthafi símans getur læst ákveðnum flokki númera. Læsingum þarf að segja upp skriflega eða á Þínum síðum.

Læsing með lykilnúmeri - Rétthafi símanúmers velur fjögurra stafa lykilnúmer og getur með því stýrt læsingum. Tíu númera skammvalsminni fylgir læsingu með lykilnúmeri og er hægt að hafa tíu númer opin. Þetta hentar t.d. þeim sem vilja læsa fyrir hringingar í farsíma almennt en vilja geta hringt í ákveðin farsímanúmer, t.d. vina og ættingja. Til að tengja skammval þarf að opna læsingu, setja inn skammvalið og læsa aftur.

Lýsing	Aðgerð
Tenging	33 lykilnúmer#
Aftenging	#33* lykilnúmer#

Skammvalsminni

Þú getur sett númer í minni, t.d. þau sem þú hringir oftast í, og þarft þá aðeins að ýta á 3-4 takka til að hringja í þau. Hægt er að hafa læst símanúmer í skammvalsminni ef það er sett í skammval áður en læsing er framkvæmd.

Aðgerð	Lýsing
Til að tengjast	51 skammvalsnúmer * símanúmer#
Til að aftengjast	#51* skammvalsnúmer #
Til að hringja	**skammvalsnúmer

Númeraþjónusta

Númerabirting

Virkja númerabirtingu

Númer þess sem hringir sést á númerabirti hjá þeim sem hringt er í. Þú getur notað skammtíma númeraleynd í stökum hringingum og þá birtist númerið þitt ekki hjá þeim sem þú hringir í: *31* og símanúmerið sem hringt er í.

Ef númerabirting virkar ekki

Til að númerabirting virki þarftu að sækja um þjónustuna hjá Símanum og vera með símtæki sem er með númerabirti eða annað númerabirtingatæki sem tengist við símtækið.

Númeraleynd

Virkja númeraleynd í heimasíma

Númerið sem hringt er úr sést ekki á númerabirti hjá þeim sem hringt er í. Þú getur notað skammtíma númerabirtingu í stökum hringingum og þá birtist númerið þitt hjá þeim sem þú hringir í: *31* og símanúmerið.

Munurinn á númeraleynd og leyninúmeri

Ef þú ert með leyninúmer, þá er númerið þitt hvorki skráð í símaskrá, né gefið upp í Já 118 eða á ja.is. Ef þú ert með númeraleynd, þá sést númerið þitt ekki á númerabirtinum hjá þeim sem þú hringir í.

Endurval

Þú getur endurvalið síðasta númer sem hringt var í með því einu að ýta á tvo takka.
Notkun: Ýttu á *0 til að endurvelja síðasta númer.

Ýmis þjónusta

Áminingar

Stillingar fyrir áminingar ...

Panta verður áminningu úr símanum sem hringja á í. Hringiflutningur hefur ekki áhrif á áminningu.

	Tengjast	Aftengjast	Lýsing
Áminning tímabundin	56tími* fjöldi daga#	#56#	Síminn vekur þig eða minnir á áríðandi fund á hverjum degi í allt að 99 daga í röð
Áminning kerfisbundin	57tími*kerfi#	#57#	Síminn vekur þig eða minnir á áríðandi fund eftir ákveðnu kerfi *
Áminning stök	55tími#	#55*tími#	Samskonar þjónusta og kynnt er hér fyrir ofan nema hvað aðeins er hægt að stilla eina vakningu í einu. Dæmi: vakning stillt á fimm mínútur fyrir sjö: 550655#

* 1 = alla mánudaga, 2 = alla þriðjudaga, 3 = alla miðvikudaga, 4 = alla fimmtudaga, 5 = alla föstudaga, 6 = alla laugardaga, 7 = alla sunnudaga, 8 = alla virka daga 9 = alla daga.

Bein lína

Síminn hringir sjálfkrafa í fyrirfram ákveðið númer þegar símtólið er tekið upp. Mikið öryggi getur falist í þessu, t.d. fyrir þá sem skyndilega þurfa hjálp en eiga erfitt með að hringja.

Aðgerð	Lýsing
Bein lína strax	Síminn hringir í fyrirfram ákveðið númer um leið og símtólið er tekið upp. Starfsmenn Símans tengja og aftengja þjónustuna.
Bein lína eftir 6 sek.	Síminn hringir í fyrirfram ákveðið númer 6 sekúndum eftir að símtólið er tekið upp. Hægt er að hringja í hvaða númer sem er innan þess tíma.
Notkun	Til að tengjast skal velja 53 símanúmer# Til að aftengjast #53#

Símtalsflutningur

Setja símtal á bið ; viðmælandi geymdur ; þriggja manna tal ...

Símtal bíður

Þú heyrir tvo stutta tóna ef hringt er á meðan þú ert í símanum. Þá getur þú lokið símtalinu og svarað þeim sem er að hringja eða geymt viðmælanda þinn á meðan þú svarar. Með símtalavíxl er hægt að tala við viðmælendur til skiptis.

Notkun: Veldu R2 til að skipta á milli viðmælenda.

Tenging: *43#
Aftenging: #43#

Hafðu í huga að þú þarft að tengja þjónustuna ef þú vilt vera var við þegar hringt er í þig meðan þú ert að tala.

Viðmælandi geymdur

Þú getur geymt viðmælandann á meðan þú hringir annað. Sá sem bíður heyrir ekki hitt símtalið.

Veldu R og númer seinni viðmælanda. Veldu R1 og samband fæst aftur við fyrri viðmælanda en slitnar um leið við þann seinni. Veldu R3 til að tala við báða samtímis.

Símtalavíxl

Þú getur skipt milli tveggja viðmælenda eins oft og þú vilt með því að ýta á tvo takka. Sá sem bíður hverju sinni heyrir ekki hitt símtalið.

Notkun:

Veldu R. Veldu númer seinni viðmælanda.
Veldu R2 í hvert sinn sem þú skiptir á milli viðmælenda.
Veldu R3 til að tala við báða samtímis.

Þriggja manna tal

Þú getur komið á þriggja manna samtali. Viðmælendur heyra hver í öðrum og geta verið hvar sem er á landinu eða jafnvel hvor í sínu landi. Tvö símtöl eru gjaldfærð og sá sem hringir greiðir fyrir þau.

Notkun:

Veldu fyrra númerið og þegar svarar velurðu R.
Veldu seinna númerið. Þegar svarar velurðu R3 og talar við báða.

Þegar R-skipanir eru notaðar er gott að hafa eftirfarandi í huga:

* R1 slítur sambandi.
* R2 skiptir á milli tveggja viðmælenda.
* R3 tengir þriðja viðmælanda við símtal.

Símtalspöntun

Símtal pantað í númer á tali. Hægt er að eiga pantað símtal í allt að fimm númer í einu.
Notkun: Þegar númerið losnar hringir síminn hjá þér og þegar þú tekur upp símtólið hringir sjálfkrafa í númerið sem þú pantaðir símtal í og áður var á tali.

Aðgerð	Lýsing
Tenging	Ýttu á 5 og bíddu eftir staðfestingu (frá talvél).
Athugað hvort þjónustan sé virk	Allar pantanir: #37# Ákveðið númer: #37# símanúmerið #
Aftenging	Allar pantanir: #37# Ákveðið númer: #37* símanúmerið #

Símtalspöntun virkar ekki ef sá sem hringt er í hringir aftur innan 5 sekúndna
Eigir þú átt pantað símtal og svarar ekki innan 10 sek. þegar hringir hjá þér er reynt aftur eftir 3 mín. Svarir þú ekki þá eyðist pöntunin.
Ef þú átt pantað símtal og það er á tali hjá þér þegar númerið losnar er beðið í 3 mín. og síðan reynt aftur. Ef enn er á tali hjá þér þá er pöntuninni eytt.
Ef þú pantar símtal og viðkomandi leggur ekki á innan 45 mín. eyðist pöntunin.
Ekki er hægt að panta símtal í eða frá númerum sem eru í GSM-kerfinu, NMT-kerfinu, í útlöndum eða innan PBX-símstöðva.

Skammvalsminni

Aðgerð	Lýsing
Til að tengjast	51 skammvalsnúmer * símanúmer#
Til að aftengjast	#51* skammvalsnúmer #
Til að hringja	**skammvalsnúmer

Þín hringing

Fáðu auka símanúmer með sérstakri hringingu fyrir heimasímann ...

Hvað er Þín hringing?

Þeir sem eru með hefðbundinn heimilissíma hjá Símanum geta fengið auka símanúmer með sérstakri hringingu. Velja má allt að þrjár aukahringingar með aðalhringingu. Hver hringing er sérstakt símanúmer, sem hægt er að skrá í Símaskrána hvort sem er á netinu eða á prenti.

Hver með sitt heimilisnúmer og hringingu

Panta þarf skráningu í símaskrá fyrir aukanúmer en ekki þarf að greiða aukalega fyrir hana. Með þessum hætti geta fjórir heimilismeðlimir verið með eigin númer og hringingu. Hægt er að hringja í aukanúmerið en ekki úr því. Ekki er um að ræða annan hringitón eins og þekkt er fyrir GSM síma heldur lengist hringingin eða styttist eftir því sem við á, og því aðeins hægt að nota hverja hringingu einu sinni með hverju aðalnúmeri.

Tíðni hringinga:

a. Aðalhringing
------- ------- ------- ------- ------- ------- ------- -------

b. AHRI1 aukahringing er svipuð hringing og notuð er við símtalspöntun en þó er lengra á milli hringinga.
--- --- --- --- --- --- --- --- ---

c. AHRI2 aukahringing er heldur styttri en aðalhringingin.
----- ----- ----- ----- ----- -----

d. AHRI3 aukahringing er löng og stutt hringing.
----- - ----- - ----- - ----- - -----

Hægt er að hringja í aukanúmerið en ekki úr því.

Sérþjónusta

Hægt er að fá númerabirtingu fyrir aukanúmer og er greitt sérstaklega fyrir hana. Sérþjónusta sem er á aðalnúmerinu virkar ekki fyrir aukanúmerið. Dæmi: Ef hringiflutningur er settur á aðalnúmerið flytjast ekki hringingar sem koma í aukanúmerin.

Hringingar

Aðeins er hægt að nota hverja hringingu einu sinni með hverju aðalnúmeri.

Dæmi um hringingar sem hægt er að fá með Þinni hringingu (MP3):

Hringing 1 (MP3, 168 KB)
Hringing 2 (MP3, 160 KB)
Hringing 3 (MP3, 176 KB)
Hringitónn á aðalnúmeri (MP3, 226 K)

Flyst aukanúmer í „Þinni hringingu“ með aðalnúmeri ef rétthafi flytur?

Ef þú ert er með þjónustuna „Þín hringing“, verður að flytja hvert og eitt aukanúmer með. Þau flytjast ekki sjálfkrafa með.

Hvað verður um aukanúmerið þegar ég segi upp „Þinni hringingu“?

Fyrir þjónustuna „Þín hringing“ gildir uppsögnin líka um aukanúmerið. Aukanúmer getur aldrei staðið eitt og sér.

Má skrá hvern sem er fyrir aukanúmeri í símaskrá ?

Rétthafi aðalnúmers getur skráð hvern sem er fyrir aukanúmeri í símaskrá. Þar sem rétthafi ber ábyrgð á aukanúmerinu má hann skrá barn undir lögaldri í skrána. Aukanúmer verða alltaf að vera á sama reikningi og aðalnúmerið.

Verðskrá: Þín hringing

Leiðarkerfi

Í boði

3G net í símanum