Hvað þarf til að geta tengst Sjónvarpi Símans?

Ekki er hægt að fá myndlykil fyrir Sjónvarp Símans í verslunum okkar og setja upp sjálfur. Ástæðan er sú að ef upp koma vandamál, t.d. vegna línugæða, stillinga á sýndarrás eða ef aðgangur að Interneti næst ekki þá verða starfsmenn Símans að vera á staðnum til leysa málið.

Í engum tilvikum er nauðsynlegt að kaupa einhvern af þeim áskriftarpökkum sem í boði eru, ef láta á duga að vera með opnu rásirnar RÚV og Skjáinn ásamt RúV+ og Skjáinn+ þar sem dagskrá stöðvanna er sýnd með klukkustundar seinkun. Auk þess hefur þú alltaf aðgang að SkjáBíói, vídeóleigunni (bundið staðsetningu), þar sem hægt er að leigja kvikmyndir og horfa á barnaefni, ásamt fréttum og veðri þegar þér hentar.

Það tekur að jafnaði 5 til 10 virka daga að koma á tengingu við Sjónvarp Símans.

Þú þarft að vera með SCART- eða RCA-tengi á sjónvarpinu, en slíkt á að vera á öllum nýlegri sjónvörpum sem og skjávörpum og myndbandstækjum. Það eru tvö scart-tengi á myndlyklinum.

Breiðbandsnotendur
Sért þú með Sjónvarp Símans um breiðband greiðir þú 600 kr. mánaðargjald fyrir myndlykilinn ef þú ert ekki með neinn áskriftarpakka.

Breiðbandsmyndlykla er hægt að nálgast í verslunum Símans. Hafa skal í huga að Breiðbandið nær einungis til rúmlega 50% notenda á höfuðborgarsvæðinu.