Ég á í vandræðum með sjónvarpsþjónustuna. Hvað er til ráða?

Ef Sjónvarp Símans virkar ekki sem skyldi er í flestum tilfellum nægjanlegt að endurræsa búnað. Þú byrjar á því að taka rafmagn af myndlykli og slekkur síðan á beini (router). Bíður í ca 15 til 20 sek. og kveikir þá á beininum (router) aftur. Þegar DSL-ljós er orðið stöðugt skaltu setja rafmagn aftur á myndlykil.

Ef endurræsingin hefur ekkert að segja og vandinn eru enn til staðar er best að hafa samband við þjónustuver Símans 800-7000.

Helstu villuboð eru sem geta komið upp

• Myndlykill nær ekki sambandi við þjónustu. Bendir til þess að tenging sé rofin milli myndlykils og símstöðvar. Við endurræsingu á búnaði er tengingin endurræst og lagast því í flestum tilfellum.
• Network error. Bendir til þess að tenging á milli myndlykils og beinis (router) sé vitlaust. Athugaðu hvort snúran sem liggur á milli myndlykils og beinis sé örugglega í hólfi 4 á beininum.
• Snjallkort vantar. Athugaðu hvort snjallkort sé örugglega vel fast í myndlykli og heilt. Strjúktu með klút yfir gyllta flötinn á kortinu (örgjörvi) og prófaðu aftur. 
• Villa í afruglun. Athugaðu hvort snjallkort sé örugglega vel fast í myndlykli og heilt. Strjúktu með klút yfir gyllta flötinn á kortinu (örgjörvi) og prófaðu aftur.
  

• Lita- og myndbrengl. Athugaðu hvort snjallkort séu kirfilega fest í sjónvarpi og í myndlykli. Öll vandamál sem tengjast brenglaðri mynd tengjast sennilega skarttengi. Ef tengið er fast skaltu prófa að skipta því út.
• Stafrænar truflanir (pixlar). Bendir til þess að um línuvandamál gæti verið að ræða. Yfirfarðu snúruna úr myndlykli í beini (router).  Er eitthvert mar á snúrunni, t.d. vegna núnings við hurð? Snúran frá beini í vegg á ekki að vera lengri en ca 2 metrar.  
• Ef þú ert með sjónvarpstengi skaltu athuga að það er ekki fullur stuðningur við það ef tengið er tengt í millistykki. Ef ómögulegt er að tengja það beint í vegg verður það að vera fremst í millistykkinu, þ.e. næst rafmagnssnúrunni.