Mig vantar upplýsingar um sjónvarpstengi?
Þráðlaust sjónvarpstengi er einfaldur og fyrirferðarlítill búnaður sem nýtir rafmagnslagnir heimilis fyrir flutning sjónvarpsmerkis innan heimilis og er því óþarfi að tengja snúru milli beinis og myndlykils.
Bitahraði netsambands um tengin er allt að 85 Mb/s, sem þýðir að Sjónvarp Símans er í fullum gæðum. Þráðlausu sjónvarpstengin eru fullkomlega örugg gegn óviðkomandi aðgangi. Á þeim er læsing sem tryggir að sambandið sé öruggt. Hvorki þarf að setja heimatengin upp né samtengja til að tryggja öryggi. Með þráðlausum sjónvarpstengjum getur búnaður verið í allt að 200 metra fjarlægð. Þú getur því horft á sjónvarp um ADSL hvar sem er á heimilinu.
Mismunandi sjónvarpstengi
• Hefðbundið tengi - Bitahraði netsambands er allt að 85 Mb/s, sem þýðir að sjónvarp um ADSL er í fullum gæðum.
• Öflugra tengi - Bitahraði þessara tengja er allt að 200 Mb/s, sem þýðir að þau styðja við háskerpuútsendingar og notkun aukamyndlykils á heimili.
• Þráðlaus aðgangspunktur - Með þessari lausn er hægt að breyta öllum rafmagnsinnstungum heimilisins í þráðlausan aðgangspunkt. Gagnaflutningshraðinn er allt að 85 Mb/s en allt að 54 Mb/s þráðlaust.
Í einhverjum tilfellum styður rafkerfi ekki við þráðlausu sjónvarpstengin og í þeim tilfellum getur viðskiptavinur skilað búnaði í verslun. Mikilvægt er að viðskiptavinur skili öllum snúrum með, cd, umbúðum og öðru sem fylgdi með í upphafi.
Uppsetning
Þráðlausu sjónvarpstengin eru auðveld í uppsetningu. Þú einfaldlega setur þau beint í rafmagnsinnstungu eða fjöltengi (næst snúru), eitt nálægt ADSL-beini (router) og annað nálægt myndlykli. Þú tengir netsnúru frá tengjunum til viðkomandi búnaðar. Athugaðu að snúran fer alltaf í tengi 4 á beini.
Ef búnaður er tengdur rétt við heimatengið birtast 2 ljós á tenginu (100/ACT og Power). Eftir örfáar sekúndur frá því seinna tengið hefur verið sett í samband kviknar á Link-ljósinu sem gefur til kynna að tenging sé komin á milli heimatengjanna tveggja. Nú á allt að virka sem skyldi og þú getur horft á sjónvarp um ADSL á hefðbundin hátt.
« Til baka
Svaraði þetta spurningunni þinni?
Ef þú hefur frekari spurningu þá sendu fyrirspurn til þjónustuversins eða hringdu í síma 800 7000, og við aðstoðum þig frekar. Þjónustuverið er opið frá 8 til 22 alla virka daga, og frá 10 til 22 um helgar. Neyðarnúmer 907-7000 er opið utan afgreiðslutíma Þjónustuvers.