Reikningaþjónusta

Skipti hf. er innheimtuaðili og mótttakandi greiðslna fyrir dótturfélögin Símann og Skjáinn.

Reikningaþjónusta Símans veitir upplýsingar og ráðgjöf um reikninga ásamt móttöku á greiðslum í síma 800 7000 alla virka daga frá kl. 9-17. Ef þú hefur spurningar varðandi reikninga hafðu þá samband við Reikningaþjónustu eða komdu við hjá Fjárstýringu Skipta í Ármúla 27 sem er opin alla virka daga frá 9-16.

Gjaldskrá reikninga
Skilmálar og eyðublöð

Almennt um reikningaþjónustu

Hvenær eru reikningar sendir út?

Síminn sendir út reikninga um miðjan mánuðinn, gjalddagi er 20. sama mánaðar og eindagi er 2. næsta mánaðar á eftir. Ef að eindagi lendir á helgi þá breytist eindagi í næsta virka dag.

Hvers vegna er rukkað fyrir heilan mánuði ef þjónustu var sagt upp í byrjun mánaðarins?

Reikningakeyrsla hefst í byrjun hvers mánaðar og ef þjónustu er sagt upp eftir mánaðarmót þá kemur rukkun fyrir heilum mánuði. Á næsta reikning kemur síðan endurgreiðsla frá þeim degi sem lokað var á þjónustuna. Hægt er að hafa samband við 8007000 látið endurgreiða eða jafna upp í ógreiddan reikning.

Hvers vegna hefur reikningur ekki borist?

Hefur eftilvill verið breytt um heimilisfang og það ekki tilkynnt? Einnig getur reikningurinn verið seinna á ferðinni en venjulega vegna tæknilegra orsaka. Vinsamlegast hafið samband við Þjónustuver Símans í s: 8007000 til að fá afrit af reikningum, einnig er hægt að nálgast afrit af reikningum í heimabanka eða inn á þjónustuvef Símans.

Hvernig breyti ég greiðslumáta?

Ef þú vilt greiða með greiðslukorti og vera í boðgreiðsluviðskiptum þá eru 3 leiðir í boði.

  • Þú getur haft samband við þjónustuver Símans í síma 8007000.
  • Þú getur skráð þig inn á þjónustuvef Símans og skráð þig í boðgreiðslur þar.
  • Þú getur sent okkur tölvupóst á netfangið 8007000@siminn.is. Í tölvupóstinum þarf að koma fram: Nafn rétthafa, kennitala, heimilisfang, símanúmer, þjónusta sem á að fara á kortið (t.d heimasími, gsm, sjónvarpsþjónusta),kortanúmer og gildistími korts.

Til að skrá sig í og úr beingreiðslum verður þú að hafa samband við viðskiptabankann þinn.


Kláraðu málin á þjónustvefnum

Fullkomin yfirsýn

Á Þjónustuvefnum ræður þú ferðinni og getur sinnt þínum málum þegar þér hentar. Þú getur fylgst með símnotkun, fengið upplýsingar um gagnanotkun hjá Internetþjónustu og flett upp PUK númeri simans þíns, svo eitthvað sé nefnt. Þjónustuvefurinn er í boði fyrir alla viðskiptavini Símans.


Allt á einum stað

Yfirlit fyrir heimasíma, farsíma, sjónvarp og netnotkun á einum stað.

Beiðnir

Þú getur til dæmis flutt þig milli leiða í farsímaáskrift, breytt um sjónvarpspakka, virkjað stillingar fyrir síma, eins og símtalsflutning eða lokað fyrir hringingar í 900 númer.

Reikningar

Þú getur skoðað greidda reikninga og prentað þá út. Einnig geturðu nálgast ógreidda reikninga.

Upplýsingar

Þú getur nálgast ýmsar hagnýtar upplýsingar eins og PUK númer símans þíns og internet lykilorð.

Farsími

Ég breytti um áskriftarleið en er ekki að fá þann afslátt sem mér var lofað?

Mánaðargjöld eru rukkuð fyrirfram hjá Símanum en notkun eftir á. Það þýðir að fullur afsláttur af notkun kemur ekki fram á reikning fyrr en mánuður er liðinn frá því að breyting átti sér stað.

Afslættir eru reiknaðir frá þeim degi sem áskriftin er gild og þar af leiðandi getur verið að þú sért ekki að fá allan þann afslátt sem innifalinn er í áskriftinni. Við hvetjum þig til að fylgjast með símnotkun þinni á þjónustuvefnum.


Hvað þýðir „símtöl í upplýsingaveitur?“

Símtöl í upplýsingaveitur eru símtöl í Já/118 eða Já/1811.

Internet

Hvers vegna er sama upphæð rukkuð í hverjum mánuði fyrir umframniðurhal?

Síminn er með verðþak á ADSL tengingum. Með því tryggjum við að viðskiptavinir fái aldrei rukkun sem er óþarflega há. Það getur borgað sig að breyta um áskrift og fara í stærri áskrift, en þá ertu með meira innifalið í erlendu gagnamagni. Kynntu þér áskriftaleiðir okkar, eða kláraðu málið á þjónustuvefnum.


Hvers vegna er rukkað fyrir „leigugjald beinis?“

Síminn rukkar þjónustugjald fyrir beina sem eru í eigu Símans. Innifalið í þessu þjónustugjaldi er ábyrgð sem Síminn tekur á sig ef að búnaðurinn bilar.

Orðskýringar

Útgáfudagur

Reikningstímabil miðast við almanaksmánuð og er útgáfudagur reikninga í lok mánaðar.

Gjalddagi

Gjalddagi kröfu er 20. hvers mánaðar.

Eindagi

Eindagi kröfu er 2. dagur hvers mánaðar sem er síðasti greiðsludagur áður en hún ber dráttarvexti.

Dráttarvextir

Dráttarvextir reiknast ef krafa er greidd eftir eindaga og reiknast frá gjalddaga.

Útskriftargjald

Útskriftargjald er innheimt fyrir hvern útsendan viðskiptareikning. Einstaklingar skráðir í netreikning greiða færslugjald í stað útskriftargjalds. Elli- og örorkulífeyrisþegar sem skráðir eru í sparnaðarleiðina "Plús 67" greiða ekki þessi gjöld. Fyrirtæki geta nýtt sér Viðskiptamiðju Símans og fengið rafræna reikninga og losnað þannig við greiðslu útskriftargjalds.

Netreikningur

Rafrænn reikningur fyrir einstaklingsmarkað. Viðskiptavinir sem skrá sig í netreikning afþakka heimsenda reikninga. Í stað þess að greiða útskriftargjald er greitt færslugjald. Reikningar eru aðgengilegir í heimabanka og á Þjónustuvef Símans.

Færslugjald

Viðskiptavinir skráðir í netreikning þurfa að greiða færslugjald að undanskildum elli- og örorkulífeyrisþegum sem skráðir eru í sparnaðarleiðina Plús 67. Færslugjald kemur á móti kostnaði við móttöku greiðslu.

Netgreiðsla

Er fyrir viðskiptavini í Netreikning. Með netgreiðslum greiða viðskiptavinir sjálfir kröfur sem birtast í heimabönkum.

Boðgreiðsla

Krafa er skuldfærð á kreditkort mánaðarlega.

Beingreiðsla

Krafa er skuldfærð af bankareikningi mánaðarlega. Viðskiptavinir verða að skrá sig í beingreiðslu í viðskiptabönkum.

Innheimtuviðvörun

Lögbundin innheimtuviðvörun er send viðskiptavinum vegna ógreiddra krafna 2. dögum eftir eindaga. Samhliða leggst á gjald kr. 650.

Innheimtuferli

Skipti hf. er innheimtuaðili og mótttakandi greiðslna fyrir dótturfélög sín og Já Upplýsingaveitur. Fjárstýring Skipta hefur umsjón með innheimtuferlum sem eru þrennskonar eftir tegund þjónustu. Hver þeirra er samsettur af mismunandi aðgerðum, þar með talið milliinnheimtu, og er kostnaður samhliða henni breytilegur. Sjá nánar um innheimtuferli

Samkomulagsgjald

Hægt er að óska eftir greiðsludreifingu vanskilakrafna en þá bætist samkomulagsgjald við greiðslu fyrstu kröfu.

Opnunargjald

Gjaldfært er fyrir enduropnun þjónustu sem hefur verið lokað vegna vanskila.

Navigation tree

Leiðarkerfi

Navigation tree

Þú ert hér:

Síminn - Ármúla 25, 108 Reykjavík - Hafa samband: 8007000 - Fyrirtækjaráðgjöf: 8004000 - Aðalnúmer: 5506000

Lagalegur fyrirvari - English version

Vefhlutar

Aðrir vefir