Aðstoð

Ráðstafanir á nettengingu vegna flutninga

Ef þú ert með nettengingu hjá Símanum og ert að flytja þá geturðu beðið um flutning á tengingunni á þjónustuvefnum, hringt í 800 7000 eða komið í næstu verslun Símans. Það tekur 3-5 virka daga að flytja símanúmer (ef þú ert með númerið sem var tengt fyrir í íbúðinni), en 5 til 7 daga að flytja internettengingu.

Passa verður upp á að tengja smásíur með sama hætti og á gamla staðnum.

Hvað þýðir „Allt að xMb hraði“ í interneti?

Auglýstur hraði er hámarkshraði við bestu mögulegu aðstæður. Síminn getur því miður ekki tryggt að allir þeir sem sækja um ADSL fái hámarkshraða.

Af hverju mælist hraði minni þegar ég hala niður efni en áskriftarleiðin mín segir til um?

Munurinn liggur í mælieiningunum bits eða bytes. Hraðinn á internettengingum er oftast mældur og ávallt auglýstur í kílóbitum, en forrit líkt og Internet Explorer sýna oftast niðurhalshraðann í kílóbætum.

Tökum sem dæmi að þú sért með hraðann ADSL 8000 en sérð aðeins 950 kb í tölvunni þinni. Í einu bæti (byte) eru átta bitar (bits). Til þess að sjá hversu mikinn hraða þú ert að fá í kílóbitum þá margfaldarðu 950 með 8, sem gerir 7600 kílóbitar.

Þó þessi tali nái ekki alveg upp í 8000 þá er það ekki óeðlilegt, hraði tengingar aðilans sem þú ert að ná í gögnin frá er stundum ekki nægur, stundum sýna forrit eins og Internet Explorer ekki rauntímaupplýsingar heldur meðaltal miðað við nokkrar sekúndur og hraði sambands er reiknaður við bestu mögulegu skilyrði en undir venjulegum kringumstæðum eru sveiflur eðlilegar.

Hvernig er erlent niðurhal mælt?

Allt efni sem sótt er frá vefþjónum sem staðsettir eru erlendis telst vera erlent niðurhal. Þótt vefþjónn hafi endinguna .is gæti hann verið hýstur erlendis.

Allt efni sem skoðað er á erlendum síðum á internetinu hvort sem að það er heimasíða, myndband eða tónlist telst sem niðurhal þar sem að allt það efni sem að tölva birtir á tölvuskjá eru gögn sem verður að hala niður og vinna úr til að geta birt. Í stuttu máli er semsagt ekki hægt að vafra um Internetið án þess að vera að niðurhala.

Athuga staðsetningu vefþjóns

Hvar get ég fundið internet lykilorðin mín?

Til þess að vernda öryggi lykilorðs þíns getur þú ekki fengið það uppgefið í gegnum síma. Þú getur hins vegar nálgast það inni á þjónustuvefnum. Einnig er hægt er að fá lykilorðið sent í bréfapósti á heimili rétthafa, eða að þú getur komið í verslun Símans og fengið lykilorðið uppgefið gegn framvísun skilríkja.

Skoða lykilorð

Get ég breytt Internet lykilorðinu mínu?

Já, þú getur breytt lykilorðinu þínu ef þú manst ekki fyrra lykilorð. Einnig geturðu haft samband við þjónustuver Símans 800 7000, og þjónustufulltrúar geta breytt lykilorði þínu ef þú manst eldra lykilorðið, eða komið í verslun Símans og fengið því breytt gegn framvísun skilríkja.

Breyta lykilorði