Vottanir Símans

Síminn er með sérstaka viðurkenningu í Small Business Specialist flokknum. Hún staðfestir sérhæfingu í þjónustu við Microsoft lausnir hjá smærri fyrirtækjum en styrkur Símans liggur ekki hvað síst í þjónustu og lausnum fyrir smærri og meðalstór fyrirtæki.

Síminn er eini gullvottaði samstarfsaðili Microsoft í upplýsingatæknigeiranum á Íslandi sem jafnframt er með svokallaðan Premier samning við Microsoft. Premier er þjónustusamningur með afar háu þjónustustigi sem tryggir beinan og tafarlausan aðgang að færustu sérfræðingum Microsoft á heimsvísu við úrlausn vandamála.

Síminn er eini IP þjónustusali á Íslandi sem hefur Cisco Powered vottun. Cisco Powered þýðir að þjónusta IPnets Símans er veitt með hágæða netbúnaði frá Cisco Systems sem er leiðandi framleiðandi IP netbúnaðar á heimsvísu. Færustu sérfræðingar Cisco Systems hafa yfirfarið allan búnað IPnets Símans, tegund búnaðar, hugbúnað, stillingar og nethögun til þess að tryggja að öryggi og gæði séu framúrskarandi.

Starfsemi hýsingarrekstrar Símans er vottuð samkvæmt ISO 27001:2005 staðlinum en hann tilgreinir starfsaðferðir og reglur sem viðhafa skal við stjórnun upplýsingaöryggis. ISO vottun Símans nær yfir allan hýsingarrekstur Símans, rekstur, sölu og þjónustu. Öll starfsemi samræmist staðlinum og er tekin út árlega af KPMG.