Gervihnattalausnir

Síminn býður úrval af lausnum fyrir gervihnattasíma sem tryggir öruggt fjarskiptasamband hvar sem er í heiminum.

Inmarsat

Traust og fjölbreytt þjónusta

Inmarsat veitir þjónustu í gegnum fjóra fasta gervihnetti sem eru í 35 þúsund km hæð yfir jörðu. Inmarsat fyrirtækið er traust og öflugt fyrirtæki sem hefur veitt fjölbreytta gervihnattaþjónustu í áratugi, bæði á landi og á sjó.

meira um Inmarsat

Nýtist fyrir

  • Tal og gögn
  • Tölvupóst
  • Tilkynningarskyldu
Þjónusta Lýsing

Inmarsat-A

Inmarsat-A er hliðrænt (analogue) kerfi, sem veitir talsíma-, fax-, telex- og gagnaflutningsþjónustu. Þetta er fyrsta kerfið sem Inmarsat bauð upp á og eru ennþá um 25.000 stöðvar í notkun í heiminum.

Inmarsat-B/M

 Inmarsat-B veitir nánast sömu þjónustu og Inmarsat-A, nema að hún er stafræn og nokkuð ódýrari en í gegnum Inmarsat-A. Gert er ráð fyrir að Inmarsat-A og Inmarsat-B verði rekin samhliða í mörg ár þótt reiknað sé með að B taki að lokum við af A. Inmarsat-M veitir talsíma-, fax- og gagnaflutningsþjónustu. Inmarsat-M tækin eru tiltölulega lítil og handhæg í notkun. Yfir 5.000 Inmarsat-B/M tæki eru nú í notkun í heiminum.

Inmarsat-C

Þetta er sú tegund Inmarsat þjónustu sem algengust er hér á landi. Inmarsat-C veitir gagnaflutningsþjónustu og nýlega var einnig gefinn kostur á að senda tölvupóst gegnum Inmarsat-C. Í Inmarsat-C er einnig hægt að senda hópskilaboð, svo kölluð FleetNET og SafetyNET boð. Yfir 39.000 Inmarsat-C tæki eru nú í notkun í heiminum.

Inmarsat mini-M

Inmarsat mini-M er fyrsti raunverulegi gervihnattasíminn sem kom á hinn almenna markaðinn. Sjálft mini-M tækið er á stærð við ferðatölvu (vegur um 2 kg) og er hægt að nota það nær allsstaðar í heiminum. Inmarsat mini-M þjónustan er stafræn og nýtist fyrir talsíma, faxsendingar og gagnaflutning. Með sérstökum loftnetum má nota þetta tæki jafnt í bifreiðum, skipum og bátum og sem farsíma. Rúmlega 18.000 Inmarsat símar eru nú í notkun í heiminum.

Önnur þjónusta

Aero-C, Aero-L, Aero-I og Aero-H eru Inmarsat kerfi sem notuð eru við flugumferðarstjórn og samskipti til/frá flugvélum. Inmarsat-D/D+ er hnattrænt boðkerfi.
Skráning í Eik® Internet C tölvupóstþjónustu á milli skipa og lands

Aðgangsnúmer jarðstöðvarinnar Eik


Þjónusta AOR-W AOR-E IOR POR
Inmarsat-A 04 04 04 04-05
Inmarsat-C 004 104 304 204
Inmarsat-B/M 004 004 004 004
Reiknivél
Verðskrá : Inmarsat

Iridium

Gott samband um allan heim

Iridium er fjarskiptakerfi sem byggir á neti 66 gervihnatta sem ganga á brautum í 850 km hæð yfir jörðu. Þessi mikli fjöldi gervihnatta tryggir öruggt samband hvar sem er í heiminum með símum sem eru bæði litlir og handhægir. Iridium kerfið býður auk venjulegrar talsímaþjónustu upp á fax- og gagnaflutning (2,4 Kbps).

meira um Iridium

Í stuttu máli

  • Samband um allan heim
  • Ótvírætt öryggi utan alfaraleiða
  • Einfalt í notkun

Fyrir hverja

Iridium hentar fyrir skip og báta á fjarlægum miðum og ferðamenn sem vilja tryggja öryggi sitt á svæðum þar sem þjónusta annara fjarskiptakerfa er ekki fyrir hendi.

Söluaðili

Iridium símar og annar búnaður fyrir þessa þjónustu er seldur hjá Radiomiðun, sem einnig sér um sölu áskrifta.

Verðskrá: Iridium

VSAT

Háhraða Internet um gervihnött

VSAT þjónusta Símans er breiðbandsþjónusta sem er ætluð fyrir stór úthafsveiðiskip, en hentar einnig fyrir önnur stór skip. Þjónustan byggir á DVB-RCS(S2) tækni og er veitt í gegnum jarðstöðina Skyggnis á Íslandi. Tenging þessi er hugsuð fyrir flutning á tali sem og gagnaflutningsleið milli skips og lands. Við uppbyggingu kerfisins er sérstaklega hugsað um að þjónustan sé eins örugg og frekast er unnt.

meira um VSAT

Í stuttu máli

  • Breiðbandsþjónusta
  • Öryggi í fyrirrúmi

Nánar um VSAT

Með VSAT lausninni eru skip sítengd með háhraða bandvídd og ótakmörkuðu niðurhali. Flestir notendur hafa valið 1024/256 Kbps tengingu, sem hægt er að stækka gerist þess þörf. Ef skip eru með VSAT tengingu opnast útgerðum möguleiki á að fá rauntímaupplýsingar frá vélum og öðrum tækjum um borð og frá landi er einnig hægt að tengjast tækjum um borð t.d vegna viðhalds og viðgerða.

Söluaðili

Allur búnaður, áskrift og þjónusta er veitt hjá Radiomiðun Radiomiðun.

Verðskrá: VSAT

Gjaldmælir

Gjaldmælir og eftirlitskerfi

Tel-Log er símaeftirlitskerfi sem er í senn gjaldmælir og eftirlitskerfi, og sem tengir saman notanda og fjarskiptakerfi. Þetta er hagkvæm heildarlausn við samtengingu óskyldra fjarskiptakerfa í eitt gjaldtökukerfi.

meira um VSAT

Í stuttu máli

  • Breiðbandsþjónusta
  • Öryggi í fyrirrúmi

Nánar um gjaldmæla

Tel-Log er hentug lausn fyrir þá sem vilja veita aðgang að fjarskiptamiðlum sínum og rukka hvern notanda fyrir sína notkun.

Með Tel-Log er hægt að mæla símanotkun einstakra notenda og stjórna aðgengi þeirra að ólíkum fjarskiptamiðlum með einföldum hætti. Tel-Log getur tengst flestum fjarskiptakerfum, svo sem almenna símakerfinu, Iridium, Inmarsat og Globalstar.

Tel-Log kerfið er hægt að reka og þjónusta frá fjarlægum stað, annað hvort í gegnum mótald, innranet eða Internetið. Þetta er sérlega þægilegt til dæmis fyrir útgerðarfyrirtæki sem reka Tel-Log kerfi um borð í skipum og bátum því þá þarf enga tölvu við Tel-Log búnaðinn um borð og hægt er að vinna úr upplýsingum frá kerfunum áður en skip koma að landi.

Tel-Log kerfið er hægt að tengja í gegnum Sjópóst kerfi Símans og þannig fá upplýsingar jafnóðum inn á aðgangsstýrða heimasíðu á Internetinu.

Söluaðili

Radiomiðun er söluaðili Tel-Log á Íslandi en þjónustuaðili þess er Rögg. Hægt er að nálgast Tel-Log vöru og þjónustu hjá Radíómiðun ehf í Klettagörðum 25 í Reykjavík og hjá öllum helstu þjónustuaðilum rafeindabúnaðar í skipum og bátum.

Tel-log vefur Röggvar
Sækja Soft-log hugbúnað
Handbækur
Námskeið

Navigation tree

Leiðarkerfi

Þú ert hér:

Síminn - Ármúla 25, 108 Reykjavík - Hafa samband: 8007000 - Fyrirtækjaráðgjöf: 8004000 - Aðalnúmer: 5506000

Lagalegur fyrirvari - English version

Vefhlutar

Aðrir vefir