Netvörður Símans

Með Netverði Símans er hægt að loka fyrir óæskilega vefumferð og tryggja öruggari netnotkun í fyrirtækjum. Netvörðurinn lokar á vefsvæði sem eru sýkt og hleypir notendum ekki inn á þau.

Til að nýta sér Netvörðinn þarf að vera með Magnmælt internet hjá Símanum.

Öryggi

Lengi vel var netnotkun aðallega fólgin í því að skoða vefi, en í dag er netið gjarnan notað til ýmiskonar samskipta, sem hefðbundnar vírusvarnir ná ekki yfir og hafa tölvuþrjótar notfært sér það. Talið er að 95% af öllum veirum dreifist einmitt í gegnum slík samskipti. Netvörðurinn lokar á vefsvæði sem eru sýkt og hleypir notendum ekki inn á þau.

Yfirsýn

Netvörðurinn veitir yfirsýn yfir netnotkun fyrirtækisins, og gerir kleift að stýra tengunni á einfaldan hátt. Hægt er að skoða margs konar skýrslur um netnotkun út frá einstaklingum eða hópum.

Sparnaður

Hagræðið af því að taka Netvörðinn í notkun er í flestum tilvikum mun meira en virðist í fyrstu. Um leið og takmarkanir eru settar á niðurhal minnkar álagið á nettenginguna, öll eðlileg umferð um hana verður greiðari og vinnan gengur hraðar fyrir sig.

Uppsetning

Viðskiptavinur fær aðgang að vefviðmóti, þar sem hann getur á einfaldan og þægilegan hátt sett inn þær reglur sem eiga að gilda um nettenginguna og keyrt út skýrslur varðandi notkunina.

• Uppsetning 1 - Síminn hýsir búnaðinn hjá sér. Öll umferð viðskiptavinar til útlanda fer í gegnum þennan búnað (spegluð) til samþykkis áður en hún sendist áfram.
• Uppsetning 2 - Viðskiptavinur hýsir búnaðinn hjá sér. Öll umferð viðskiptavinar fer í gegnum þennan búnað (spegluð) til samþykkis áður en hún sendist áfram.