ISDN stofntenging

Stofntengingar eru góður kostur þar sem gerð er krafa um að mörg samhliða símtöl geti átt sér stað og eru innvalsseríur í flestum tilvikum settar á stofntengingar.

Í stað þess að hvert símtæki þurfi að hafa sér símalínu fyrir sig geta símstöðvar sem styðja ISDN stofntengingar samnýtt línur. Þannig getur fyrirtæki verið með eins mörg símtæki og þeim sýnist en fjöldi þeirra sem getur talað í einu er háður fjölda rása sem stofntengingin hefur. Hefðbundin stofntenging hefur 30 talrásir en einnig er hægt að fá 12 rása tengingu.