Störf í boði

Sölustjóri úthringivers

Starfslýsing

Síminn leitar að metnaðarfullum leiðtoga til að stýra úthringiveri sínu á Einstaklingssviði. Í boði er krefjandi starf sem reynir á skipulagshæfileika, frumkvæði og mannleg samskipti. Sölustjóri úthringivers heyrir undir forstöðumann Sölu og vinnur náið með öðrum sölustjórum á Einstaklingssviði, markaðssérfræðingum og vörustjórum.

Sölustjóri úthringivers setur sölumarkmið fyrir úthringiver og ber ábyrgð á eftirfylgni og aðgerðum til að ná þeim. Í því felst að stjórna vali á úrtökum, hvetja hópinn og fylgjast með því sem er í gangi á markaðnum. Sölustjóri ber ábyrgð á sölufulltrúum og daglegum rekstri úthringivers. Þar með talið ráðningum og almennum starfsmannamálum. Úthringiver sér um sértæk söluverkefni, þjónustar viðskiptavini Símans um land allt og gegnir lykilhlutverki í söluaðgerðum Símans.

Menntunar og hæfniskröfur

Leiðtogahæfileikar

Talnaglöggur

Vinnur vel í hóp og leggur sitt af mörkum

Háskólapróf í viðskiptafræði, verkfræði, sálfræði eða skyldum greinum

Reynsla af félagsstörfum æskileg

Við bjóðum

Krefjandi verkefni

Frábæran hóp

Söluþjálfun

Góða stjórnunarreynslu

Umsóknarfrestur er til og með 15.febrúar næstkomandi.

UT-rekstur og þróun leitar að öflugum sérfræðingum til að takast á við ögrandi framtíðarverkefni. UT-rekstur og þróun er deild innan Símans sem vinnur samkvæmt Agile aðferðafræðinni og notar Scrum og Kanban í verkefnum sínum. Verkefni deildarinnar eru afar fjölbreytt, bæði á sviði innri og ytri starfsemi, og tengjast grunnkerfum (símstöðvar, sjónvarpskerfi, viðskiptakerfi) eða vörum og þjónustum Símans.

Forritun og kerfisþróun

Starfslýsing:

Starfið felst aðallega í forritunarverkefnum og kerfisþróun á stóru hugbúnaðarkerfi. Tengist gjaldfærslugögnum, samskiptum ýmissa kerfa og stórum gagnasöfnum.

Hæfniskröfur:

Háskólapróf í tölvunar- eða verkfræði

Reynsla af C, C++ og SQL fyrirspurnum æskileg

Þekking á Unix og Linux æskileg, Perl- og skeljaforritun er kostur

Viðkomandi verður að eiga auðvelt með að setja sig inn í viðamikil verkefni

Umsóknarfrestur er til 12. febrúar 2012