Athugið
Vinsamlega athugið að þessi grein tilheyrir fréttasafni Símans, og er orðin meira en árs gömul.Efnislegt innihald greinarinar gæti því verið úrelt eða ekki í samræmi við þjónustuframboð Símans í dag.
Breytt verðskrá hjá 118 og talsambandi við útlönd_
Fyrrgreind hækkun felst í því að upphafsgjald fer úr 15 kr. í kr. 27 en
mínútugjald helst óbreytt en það er kr. 49,90. Hægt verður að fá
áframtengingu fyrir 3 kr. en hún hefur hingað til kostað 19 krónur
aukalega. Ef upphafsgjald og áframtenging er lagt saman lækkar það úr 34
krónum í 30 við þessa breytingu.
GSM-notendur eru orðnir stór hluti viðskiptavina 118 og hentar þeim einkar
vel að fá beint samband, ekki hvað síst úti í umferðinni. Áframtengingin
eykur óneitanlega öryggi í umferðinni þar sem bílstjórinn þarf ekki að
skrifa hjá sér númerið sem hann er að spyrja um heldur getur fengið samband
strax. Með því að færa verð áframtengingarinnar niður í 2 krónur heldur
Síminn því áfram að stuðla að bættu umferðaröryggi en jólagjöf Símans til
lögreglunnar í Reykjavík var einmitt handfrjáls búnaður sem eykur einnig
öryggi í umferðinni. Síminn mun halda áfram að einfalda viðskiptavinum
sínum að nýta sér þjónustu 118 og verður innan skamms boðið uppá SMS
skilboðaþjónustu fyrir þá viðskiptavini GSM sem vilja fá númerin send til
sín. Sú þjónusta verður virk í lok janúar.
Samhliða þessu breytist verðskrá talsambands við útlönd. Meðalsímtal við
talsambandið er tæpar 2 mínútur og eftir breytinguna verður það á 340
krónur en kostar nú 153 krónur. Upphafsgjaldið hækkar úr 30 krónum í 60
krónur og mínútugjald úr 66 krónum í 150 krónur. Mikið tap hefur verið á
þessari handvirku þjónustu og hækkanir því nauðsynlegar til þess að hægt sé
að veita þessa þjónustu áfram. Til þess að ná fram aukinni hagræðingu hefur
Síminn samið við Tele Danmark sem mun sjá um að veita upplýsingar um erlend
símanúmer á kvöldin og um nætur.
Landssíminn 12. janúar 2001
