Fundarsíminn

Fyrir stóra sem minni fundi

Fundarsíminn er einföld og þægileg lausn til fundarhalda, þar sem notendur hringja í 755 7755 og slá inn fundarnúmerið. Staðsetning notenda og gerð símtækja hafa ekki áhrif á möguleika til þáttöku í símafundi.

Hvernig fer símafundurinn fram?

Hægt er að boða allt að fjórtán gesti til símafundar og jafnframt tengja saman mismunandi fundi. Hámarkslengd símafundar er 180 mínútur og fá fundarmenn tilkynningu fimm mínútum áður en fundinum lýkur.

  • Til að koma fundinum á þarf að ákveða fundartíma og 7 stafa fundarnúmer (til dæmis símanúmer sitt), og dreifa þessum upplýsingum til fundarmeðlima.
  • Ekki þarf að stofna fundinn sérstaklega, heldur hringja allir fundargestir í 755 7755 á tilsettum tíma, og verður fundurinn til í kerfinu við það að fyrsti þátttakandinn hringi inn.
  • Talvél svarar og biður um fundarnúmer, ákveðið af fundarstjóra.
  • Þátttakandi slær inn fundarnúmer fundarins á takkaborð símans.
  • Þátttakandi fær samband við fundinn.
  • Talvélin tilkynnir um nýjan þátttakanda.
  • Þátttakandi yfirgefur fundinn með því að leggja á.
  • Hægt er að koma aftur á fundinn með því að hringja aftur í 755 7755 og slá inn fundarnúmerið.

Þriggja manna tal

Þú getur komið á þriggja manna samtali. Viðmælendur heyra hver í öðrum og geta verið hvar sem er á landinu eða jafnvel hvor í sínu landi. Tvö símtöl eru gjaldfærð og sá sem hringir greiðir fyrir þau. Veldu fyrra númerið og þegar svarar velurðu R. Veldu seinna númerið og þegar svarar í því velurðu R3 og talar við báða.

Notkun R-skipanna

  • R1 slítur sambandi
  • R2 skiptir á milli 2 viðmælenda
  • R3 tengir 3ja viðmælanda

Voru þetta nægilegar upplýsingar?

Síminn kappkostar við að veita framúrskarandi þjónustu til viðskiptavina hvenær og hvar sem er. Ef frekari upplýsinga er þörf getur þú haft samband við okkur.

Netspjall

Fyrir einfaldar fyrirspurnir sem þú vilt fá svar við strax velur þú Netspjallið.

Tölvupóstur

Hægt er að senda okkur tölvupóst og við svörum þér innan sólarhrings á virkum dögum.

Facebook

Síminn er á samfélagsmiðlum eins og Facebook og viljum endilega fá þig með í hópinn þar.