Linksys

Uppsetning á ATA boxi

Hægt er að nota Tölvusímann með hefðbundnu POTS símtæki en til þess þarf að vera með svokallað ATA box. Síminn selur eina tegund af slíku boxi frá Linksys. Hér eru leiðbeiningar um hvernig boxið er sett upp svo hægt sé að nota hefðbundið POTS símtæki við tölvusímann.

Í upphafi

Pakkningin utan um tölvusímaboxið á að innihalda eftirfarandi:

  • Boxið sjálft
  • Spennubreytir, 100-240 volt
  • Netsnúru (bláa)
  • Símasnúru (gráa)

Tengingar

Byrja skal á því að tengja boxið við rafmagn með spennubreytinum. Því næst skal tengja netsnúruna í bláa tengið á boxinu (Internet) og hinn endann við beini (router) eða í nettengil sem tengdur er við Internetið.



Tengja skal hefðbundið símtæki við græna tengið á boxinu (Phone 1) með símasnúru. Til þess að hægt sé að setja boxið upp verður tölva að vera tengd sama beini eða neti (með snúru eða þráðlaust) og boxið er tengt við.

Leiðbeiningar

  1. Til að komast inn á boxið þarf að slá inn 4 stjörnur **** á takkaborði símans sem er tengdur við það.
  2. Þá heyrist rödd sem biður um að valin sé aðgerð (athugið að röddin talar ensku). Þá á að slá inn á takkaborði símans eftirfarandi skipun: 110#. Hægt er að endurtaka aðgerðina til að hlusta aftur.
  3. Við þetta les röddin upp IP-tölu sem notuð er til að tengjast boxinu (gott er að skrifa töluna niður). Dæmi um IP-tölu: 192.168.10.1
  4. Nú þarf að fara í tölvuna sem er tengd við sama net og boxið og opna vafra, t.d. Internet Explorer eða Firefox.
  5. Næst er IP-talan sem lesin var upp slegin inn í vafrann. Fyrir framan IP-töluna á að standa http://



  6. Ef rétt IP-tala var valin og tölvan er tengd sama neti og boxið (í sambandi við sama router (beini), þá ætti að opnast vefsíða fyrir uppsetningu á boxinu.



  7. Hérna þarf að smella á tengil ofarlega til hægri þar sem stendur Admin login.



  8. Því næst er smellt á Line 1. Hér er slegið inn símanúmer (User ID) og lykilorð (Password) og því næst Save Settings, neðst á síðunni. Nú ætti Tölvusímaboxið að vera klárt til notkunar.

Endurstilling

  1. Til að komast inn á boxið þarf að slá inn 4 stjörnur **** á takkaborði símans sem er tengdur við boxið.
  2. Því næst heyrist rödd sem biður um að valin sé aðgerð (athugið að röddin talar ensku). Þá á að slá inn á takkaborði símans eftirfarandi skipun: 73738
  3. Smellt er á 1 til að staðfesta og tækið mun endurræsa sig eða * til að hætta við

Voru þetta nægilegar upplýsingar?

Síminn kappkostar við að veita framúrskarandi þjónustu til viðskiptavina hvenær og hvar sem er. Ef frekari upplýsinga er þörf getur þú haft samband við okkur.

Netspjall

Fyrir einfaldar fyrirspurnir sem þú vilt fá svar við strax velur þú Netspjallið.

Tölvupóstur

Hægt er að senda okkur tölvupóst og við svörum þér innan sólarhrings á virkum dögum.

Facebook

Síminn er á samfélagsmiðlum eins og Facebook og viljum endilega fá þig með í hópinn þar.