Uppsetning á myndlykli

Til hamingju með Sjónvarp Símans

Hér má finna leiðbeiningar fyrir uppsetningu á myndlykli fyrir sjónvarpsþjónustu Símans. Ef þig vantar frekari aðstoð, hafðu þá samband og við leysum málið með þér.

Staðsetning myndlykils

Best er að staðsetja myndlykil sem næst sjónvarpi. Þar sem myndlykillinn tengist við beini (router) er mælt með því að hafa beininn sem næst myndlyklinum. Ef myndlykill er langt frá beini er betra að hafa lengri netkapal á milli beinis og myndlykils í staðinn fyrir að nota langa símasnúru frá beini í símatengil. Æskilegt er að símasnúra í beini sé ekki lengri en 2 metrar. Hægt er að kaupa þráðlaust heimatengi til að losna við snúrurnar.

Tenging myndlykils

Byrjaðu á að staðsetja myndlykilinn nálægt sjónvarpstækinu þínu. Ef þú ert með myndlykil með snjallkorti, setur þú snjallkortið í raufina framan á myndlyklinum og gætir þess að það snúi rétt.

  1. Tengdu netsnúru frá myndlykli (tengi númer 6) í port 4 á beini (sjá mynd).
  2. Tengdu HDMI snúruna sem fylgdi í pakkanum frá HDMI á myndlykli (tengi númer 5) yfir í HDMI í sjónvarpi. Ef sjónvarpið þitt er ekki með HDMI er hægt að skipta HDMI snúrunni í SCART snúru í næstu verslun Símans.
  3. Næst er myndlykillinn tengdur við rafmagn (tengi númer 4).

Kveikt á myndlykli

Stingdu myndlykli í samband við rafmagn, myndlykill keyrir sig upp og fer svo á „stand-by“. Kveiktu á myndlyklinum með fjarstýringunni og fylgdu leiðbeiningunum sem birtast á skjánum.

Þegar kveikt er á myndlykli eftir að hann hefur verið tengdur við rafmagn fer hann sjálfkrafa á rás 0 sem er kynningarrás Sjónvarp Símans. Þá snýst hringur efst uppi í hægra horninu á sjónvarpsskjánum. Athugaðu að ekki er hægt að skipta um sjónvarpsrás fyrr en að hringurinn hættir að snúast.

Aukamyndlykill

Hægt er að fá aukamyndlykil fyrir sjónvarp um ADSL að því gefnu að línan þín beri aukalykil. Stafrænu myndlyklarnir eru tengdir með SCART-snúrum sem ekki er hægt að framlengja að ráði vegna þess hve sjónvarpsmerkið dofnar hratt. Ef tengja á sjónvarp sem er í margra metra fjarlægð þarf að nota mótara til að færa vídeómerkið upp á burðartíðni svo að hægt sé að senda það lengra. Mögulegt er að nota myndbandstæki til þess.

Verð: Aukamyndlykill

Voru þetta nægilegar upplýsingar?

Síminn kappkostar við að veita framúrskarandi þjónustu til viðskiptavina hvenær og hvar sem er. Ef frekari upplýsinga er þörf getur þú haft samband við okkur.

Netspjall

Fyrir einfaldar fyrirspurnir sem þú vilt fá svar við strax velur þú Netspjallið.

Tölvupóstur

Hægt er að senda okkur tölvupóst og við svörum þér innan sólarhrings á virkum dögum.

Facebook

Síminn er á samfélagsmiðlum eins og Facebook og viljum endilega fá þig með í hópinn þar.