Aukakort

Algengar spurningar og svör um Fjölskyldukort, Krakkakort og Tvíburakort.

Fjölskyldukort og Krakkakort

Hvað er Krakkakort?

Fyrir utan hefðbundið Frelsi þá mælum við með Krakkakorti. Krakkakortin er hugsuð fyrir börn yngri en 18 ára og kosta ekkert aukalega. Börnin geta hringt og sent SMS endalaust innanlands og fá 1 GB en auðvelt er að bæta við gagnamagni. 

Krakkakort eru í boði ef þú ert í áskrift með að minnsta kosti 5 GB gagnamagni inniföldu. Hægt er að fá allt að 11 Krakkakort.  Panta Krakkakort hérna.

Ef þú ert með barn eldri en 18 ára þá mælum við með ÞRENNU. Sjá nánar um ÞRENNU hérna.

Hvernig fæ ég Krakkakort?

Ef barnið þitt er nú þegar með Frelsiskort hjá Símanum getur þú klárað skráningu á Krakkakorti á þjónustuvefnum. Hafðu samband við okkur í 800 7000 ef þig vantar Frelsisnúmer frá Símanum eða vilt flytja númerið þitt yfir til okkar.

Til að virkja Krakkakortið þarftu að skrá þig inn á Þjónustuvefinn. Bæta við Krakkakorti

Athugið að Frelsisnúmerið verður að vera skráð á barnið þitt áður þú skráir númerið sem Krakkakort.

Hvernig skrái ég Frelsisnúmer á barnið mitt?

Ef barnið þitt (18 ára og yngri) er ekki skráð fyrir Frelsisnúmerinu er hægt að fara á þjónustuvefinn og skrá númerið.  Í þessu tilfelli verður þú að fara inn á þjónustuvefinn með Frelsisnúmerinu (s.s. ekki inn á þinn aðgang) og færðu þá lykilorðið sent sem SMS í númerið.

Skrá Frelsisnúmer

Hvernig fylgist ég með notkuninni á Krakkakortinu?

Bæði foreldri og barn geta fylgst með notkuninni á Krakkakortinu.  Barnið getur náð í Símaappið og skráð sig inn með sínu símanúmeri. Foreldrar geta farið inn á sinn þjónustuvef og tengt númerið við sinn aðgang. Þannig geta foreldrar fylgst með notkuninni og fyllt á númerið til dæmis auka gagnamagn.  Athugaðu að hafa símann með Frelsisnúmerinu við höndina þar sem SMS verður sent í símann með staðfestingarnúmeri.

Tengja frelsisnúmer við innskráðan notanda 

Barnið mitt þarf meira en 1 GB. Hvað geri ég?

Sum börn nota meira en 1 GB í mánuði. Þú getur alltaf keypt aukagagnamagn á þjónustuvefnum, Stillt reglulegar eða sjálfvirkar áfyllingar.

Kaupa gagnamagn

Reglulegar áfyllingar
Dæmi, ef valið er 5 GB, þá fyllast 5 GB aukalega í hverjum mánuði. 

Sjálfvirkar áfyllingar virka þannig að þegar einungis 200 MB eru eftir af gagnamagninu, þá er sjálfkrafa fyllt á.

Hvernig tengi ég Krakkakortið við þjónustuvefinn minn?

Foreldrar geta farið inn á sinn þjónustuvef og tengt númerið við sinn aðgang. Þannig er hægt að fylgjast með notkuninni og fyllt á númerið t.d. keypt auka gagnamagn.  Athugaðu að hafa símann með Frelsisnúmerinu við höndina þar sem SMS verður sent í símann með staðfestingarnúmeri.

Tengja frelsisnúmer við innskráðan notanda

Hver er munurinn á Fjölskyldukorti og Krakkakorti?

Fjölskyldukort deila gagnamagni með Endalausum. Viðskiptavinir sem eru með Fjölskyldukort hafa því mun meira gagnamagn. 
Krakkakort eru Frelsiskort með endalausum mín og sms um. Í hverjum mánuði er svo fyllt á frelsið með 1 GB áfyllingu. Um Krakkakort gilda almennir skilmálar fyrir Frelsi.

Er hægt að fá Ferðapakka á Krakkakort?

Hægt er að nota Krakkakort og Frelsi erlendis. Það er gert með því að fara inn á Þjónustuvef og skrá Krakkakortið í áskriftarleiðina „Frelsi í útlöndum“. Það sem gerist þá er að erlenda notkunin er gjaldfærð á foreldrið sem er skráð fyrir aðalnúmerinu. Eftir að hafa skráð Krakkakortið í Frelsi í útlöndum er hægt að skrá símanúmer Krakkakortsins í Ferðapakkann.

Er hægt að hringja í upplýsingaveitur með Krakkakorti?

Lokað er fyrir hringingar í upplýsingaveitur og þjónustunúmer með gjaldi . 

Get ég farið umfram gagnamagnið?

Þar sem Krakkakort er Frelsiskort er hægt að fylla á gagnamagnið með hefðbundinni Netfrelsis áfyllingu og þannig stýra hversu mikið gagnamagn fylgir Krakkakortinu.

Hvað kosta aukakort?

Sjá nánar hérna.

Er hægt að fá 10x fleiri gígabæt fyrir Krakkakort?

Nei. Þetta er ekki fyrir Krakkakort. 10x er einungis fyrir greiddar þjónustur í föstum mánaðarlegum greiðslum. Þess vegna er Þrenna eina frelsisvaran sem hægt er að skrá í 10x fleiri GB.

Af hverju get ég ekki skráð Fjölskyldukort í 10x?

Ekki þarf að skrá sérstaklega aukakort eins og Fjölskyldukort og Gagnakort. Þau deila núna 10x meira gagnamagni með sínu Aðalnúmeri eins og áður.

Af hverju get ég ekki skráð Gagnakort í 10x?

Ekki þarf að skrá sérstaklega aukakort eins og Fjölskyldukort og Gagnakort. Þau deila núna 10x meira gagnamagni með sínu Aðalnúmeri eins og áður. 

Ég skráði símanúmer í 10x. Hvenær tekur það gildi?

Símanúmer sem skráð eru fá 10x fleiri gígabæt strax. Til upplýsingar er sent SMS þegar það gerist. 10x fleiri gígabæt gilda alltaf fyrir allan mánuðinn. Það þýðir að þegar númerið er skráð gildir það frá síðustu mánaðarmótum, þ.e. þann 1. þess mánaðar.

Tvíburakort

Ef ég fæ sent SMS, í hvorn símann fæ ég skeytið?

SMS eru eingöngu aðgengileg í aðalsímanum og flytjast ekki á milli símtækja.

Hvernig virkar að fá símtöl?

Ef ekki er svarað í aðalsímann þá flyst hringingin í aukasímann, eins og um venjulegan hringiflutning sé að ræða. Ef ekki er svarað í aukasímann þá flyst símtalið í talhólf. Eitt talhólf fylgir þjónustunni þó að tvö kort liggi á bak við.

Er sendur einn reikningur fyrir notkun á báðum símunum?

Aðalsíminn og aukasíminn verða að vera skráðir á sömu kennitölu en hægt er að setja notkunina á sitthvorn reikninginn.

Get ég sótt um sérþjónustur á aukasímann?

Læsingar og aðrar sérþjónustur speglast af aðalsímanum yfir á aukasímann.

Er lokað á báða símana ef reikningar fara í vanskil?

Já, lokun virkar á báða símana.

Er hægt að hringja í 1100 og kollekt úr aukasímanum?

Nei, það er ekki hægt að nota 1100 og kollektþjónustu úr aukasímanum en hægt er að nýta þær þjónustur úr aðalsímanum.

Ég er með síma og tölvu, get ég fengið Tvíburakort?

Nei, Tvíburakort virka bara á símtæki. Ef þú ert með síma og spjaldtölvu þá borgar sig frekar að fá sér Aukakort.