Frelsi

Hér er að finna aðstoð og leiðbeiningar fyrir þá sem eru með Þrennu og hefðbundna Frelsisþjónustu Símans.

Þrenna

Hvað er Þrenna?

Þrenna er mánaðarleg áfylling í Frelsi. Fyrir fast verð í hverjum mánuði fást endalaus símtöl í alla farsíma og heimasíma á Íslandi óháð farsímakerfi. SMS eru það sömuleiðis og þú færð annaðhvort 5 eða 25 GB af Safnamagni.

Hvað er Safnamagn?

Í Þrennu hjá Símanum eyðist gagnamagnið ekki í lok mánaðar heldur færist yfir á næsta mánuð og safnast upp – Safnamagn. Þú getur safnað allt að 50 GB ef þú ert með 5 GB og 100 GB ef þú ert með 25 GB leið.

Hvernig er rukkun á umframnotkun í Þrennu?

Þrenna er áfylling í Frelsi sem innifelur Endalausar mínútur og sms í alla farsíma og heimasíma á Íslandi óháð farsímakerfi.

Fyrir aðra notkun eins og símtöl og sms í upplýsingaveitur, símatorg, í erlend símanúmer, símastyrkir og kosningar er keypt inneign á frelsið fyrir fasta upphæð. Inneignir eru frá 1.000kr – 5.000 kr. Greitt er svo fyrir notkunina samkvæmt gjaldskrá.

Þú getur alltaf fylgst með allri notkun í Símaappinu.

Virkar Þrenna í útlöndum?

Allir viðskiptavinir í ÞRENNU sem eru eldri en 18 ára eru ávallt sjálfkrafa skráðir í þjónustuna Þrenna í útlöndum sem er eftirágreidd þjónusta. Á meðan viðskiptavinur er staddur erlendis og nýtir Þrennu í útlöndum geymist inneignin óhreyfð á Íslandi.

Viðskiptavinir yngri en 18 ára þurfa að skrá sig sjálfir í Þrennu í útlöndum á Þjónustuvef eða hringja í 8007000 þar sem ávallt þarf eldri einstakling en 18 ára til að ábyrgjast eftirágreiddu notkunina erlendis. Að skrá sig í þjónustuna er gjaldfrjálst. Einungis er greitt fyrir þá notkun sem fellur til þegar viðskiptavinur er staddur erlendis.

Reiki í Evrópu (RE) virkar fyrir Þrennu í útlöndum. Innifalið í þjónustunni þegar þú ert í EES löndum eru endalausar mínútur og sms hvort sem þú hringir í íslensk númer eða í númer innan EES landa. Innifalin eru 5 GB á mánuði til notkunar innan EES landa. Á meðan viðskiptavinur er staddur erlendis og nýtir Þrennu í útlöndum geymist gagnamagnið í Frelsinu óhreyft á Íslandi.

Við mælum með að viðskiptavinir sem ferðast utan Evrópu skrái sig í Ferðapakkann sem er frábær leið til að lækka símkostnað á ferðalögum. Virkjaðu Ferðapakkann með því að senda textann “ferdapakki” í númerið 1900 og hann virkjast um leið og þú tengist þjónustuaðila í landinu. Upplýsingar um virkni og verð má finna hér. 

Þú getur alltaf haft samband við netspjallið, þjónustufulltrúa okkar í 8007000, sem og mætt í verslanir okkar á Höfuðborgarsvæðinu og á Akureyri.




 

 

Hvers vegna næ ég ekki sambandi í útlöndum?

Í langflestum tilfellum þarf ekki að hafa sérstaklega fyrir því að tengjast þjónustuaðila erlendis og þarf eingöngu að kveikja á símtækinu eða taka það af airplane mode þegar komið er á áfangastað.

Ef þú hinsvegar lendir í vandræðum og símtækið þitt nær ekki sambandi við þjónustuaðila þegar kveikt er á símanum getur verið að velja þurfi þjónustuaðila handvirkt.

Þú finnur upplýsingar um samstarfsaðila okkar í útlöndum hér.

 

Hvernig virkar Spotify hjá Símanum?

Spotify hjá Símanum er eftirágreidd þjónusta og berst reikningur í heimabanka í hverjum mánuði fyrir mánaðargjaldi áskriftarinnar.

Spotify er ein stærsta tónlistarveita í heimi og með Premium aðgangi hjá Símanum færð þú aðgang að yfir 30 milljón lögum og óteljandi lagalistum. 

Kynntu þér kosti Spotify hjá Símanum hér.

Er hægt að fá 10x fleiri gígabæt fyrir Þrennu?

Já. Það er hægt að vera með Þrennu, bæði 5 GB og 25 GB. Þrennu símanúmer sem skráð eru fá aukalega áfyllingu í hverjum mánuði. Uppsafnað gagnamagn getur mest verið 250 GB.

Safnast 10x gígabætin upp í Þrennu?

Safnamagnið i Þrennu, þ.e. 5 GB eða 25 GB sem eru innifalin í Þrennu safnast upp. 
GB sem bætt er við vegna 10x safnast ekki upp. Hámarksfjöldi gígabæta í Þrennu er 180 GB.

Ég skráði símanúmer í 10x. Hvenær tekur það gildi?

Símanúmer sem skráð eru fá 10x fleiri gígabæt strax. Til upplýsingar er sent SMS þegar það gerist. 10x fleiri gígabæt gilda alltaf fyrir allan mánuðinn. Það þýðir að þegar númerið er skráð gildir það frá síðustu mánaðarmótum, þ.e. þann 1. þess mánaðar.

Frelsi

Hvernig tek ég Frelsisnúmer í notkun?

  • Settu kortið í GSM símann og kveiktu á honum.
  • Þegar þú hefur kveikt á símanum þarftu að slá inn fjögurra stafa PIN númer sem er undir skafröndinni á GSM kortinu.
  • Hinkraðu smástund á meðan símtækið er að tengist GSM kerfi Símans.
  • Hringdu í númerið 1441 til að virkja Frelsisnúmerið. Þú færð 100 kr. inneign sem gildir í sex mánuði. Ef þú keyptir startpakka með 2.000 kr. inneign virkjast hún um leið og Frelsisnúmerið.
  • Við mælum með því að þú skráir Frelsisnúmerið þitt. Ef þú þarft að hringja í 112 er betra að hafa númerið skráð. Þegar þú skráir númerið færðu jafnframt 500 kr. inneign.

Hvernig skrái ég frelsisnúmer?

Ef þú þarft að hringja í 112 er betra að hafa númerið skráð. Með því að skrá númerið eykur þú öryggi þitt ef eitthvað kemur upp á. Skráðu númerið þitt á þjónustuvefnum eða hringdu í 800 7000.

Þegar þú skráir númerið færðu jafnframt 500 kr. inneign og við getum jafnframt látið þig vita þegar breytingar eiga sér stað á verði eða skilmálum.

Hvernig nota ég Frelsi í útlöndum?

Ertu á leið til útlanda?
Til þess að geta notað Frelsisnúmer erlendis þarftu að skrá þig í Frelsi í útlöndum þar sem símanotkun erlendis er greidd eftirá. Skráningin fer fram á þjónustuvefnum en allir viðskiptavinir hafa aðgang. Þú færð reglulega send SMS-skilaboð um kostnað frá erlendum farsímafyrirtækjum.

Skrá frelsi í útlöndum

Ertu yngri en 18 ára ?
Ef þú ert yngri en 18 ára þarft að fá aðila sem er 18 ára eða eldri til að gangast í ábyrgð fyrir notkun þinni erlendis. Ábyrgðarmenn fá tölvupóst með upplýsingum um notkun í útlöndum þegar þær berast frá erlendum farsímafyrirtækjum. Ábyrgðarmaður getur óskað eftir því að þjónustan verði aftengd fyrir það Frelsisnúmer sem hann er í ábyrgð fyrir.

Hvernig get ég fyllt á Frelsi?

Með símanum
Það er einfalt og auðvelt að kaupa inneign á Frelsisnúmerið þitt með því að hringja í talvélina 1441. Til þess að geta nýtt þessa leið og fyllt á hvar og hvenær sem er þarftu að byrja á því að skrá debet- eða kreditkortið þitt á Þjónustuvefnum.

Á Þjónustuvefnum
Það er einfalt að nota Þjónustuvef Símans. Þú skráir símanúmerið þitt í innskráningargluggann og færð lykilorð sent í símann. Þú þarft ekki að muna þetta lykilorð því þú færð sent nýtt í hvert skipti sem þú skráir þig inn.

Á Þjónustuvefnum velur þú „kaupa inneign“ og velur þá áfyllingu sem hentar þér. Við mælum með því að skrá greiðslukort á Þjónustuvefnum. Þá þarftu ekki að hafa kredit- eða debetkortið við hendina þegar þú fyllir á númerið næst hvort sem er í gegnum vefinn eða símann.

Skrá debet- eða kreditkort

Með tölvu eða spjaldtölvu
Á forsíðu siminn.is og á frelsissíðunni getur þú valið að fylla á Frelsi án þess að skrá þig sérstaklega inn á Þjónustuvefinn. Þú velur annaðhvort áfyllingu eða frábæra pakka sem henta þinni notkun. Einnig eru í boði gagnapakkar ef þú ferð oft á netið í símanum.

Kaupa áfyllingu

Ertu með snjallsíma?
Það er einfalt og auðvelt að kaupa inneign á Frelsisnúmerið þitt í gegnum Símaappið ef þú átt snjallsíma. Til þess þarftu ekki annað en að hafa skráð debet- eða kreditkortið þitt á þjónustuvefnum.

Sækja Símaappið

Skafkort
Skafkort fást í fjölmörgum verslunum, pósthúsum, bensínstöðvum, söluturnum og myndbandaleigum um land allt. Heimabankar Þú getur fyllt á Frelsi í öllum íslenskum heimabönkum.

Hraðbankar
Þú getur fyllt á Frelsi í hraðbönkum Íslandsbanka, Arion Banka og sparisjóða.

Hvernig sé ég stöðuna á Frelsinu?

Þægileg leið til að vita stöðuna er að nota Símaappið sem er í boði fyrir bæði Android og iPhone. Auk þess getur þú nálgast notkunaryfirlit á þjónustuvefnum eða hringt í 1441, valið 1 og staðan er lesin upp.

Hversu lengi gildir inneignin?

Virk
Inneign er virk í 6 mánuði eftir að síðast var bætt við hana. Þú getur hringt fyrir verðmæti inneignar þinnar í 6 mánuði að meðtöldum kaupdegi. Þú getur móttekið símtöl út þetta tímabil þótt engin inneign sé eftir. Ef þú kaupir aðra inneign og fyllir á innan þessara 6 mánaða er þeirri upphæð bætt ofan á eftirstöðvar af fyrri inneign, ef einhverjar eru, og nýtt 6 mánaða tímabil hefst.

Óvirk
Ef 6 mánuðir hafa liðið frá síðustu áfyllingu verður inneignin óvirk og þú getur hvorki hringt né móttekið símtöl. Þú getur þó hringt í Málsvarann 1441, þjónustunúmer Frelsis 800 7000 og 112. Þú getur fyllt á Frelsi hvenær sem er á þessu 6 mánaða tímabili. Þá bætist sú upphæð við eftirstöðvarnar af fyrri inneign, ef einhverjar eru, og nýtt 6 mánaða tímabil hefst.

Útrunnin
Eftir að óvirka tímabilinu lýkur, ári eftir síðustu áfyllingu, fyrnist inneignin, ef einhver er. Einnig áskiljum við okkur rétt til að aftengja þjónustuna.

Hvað er Klink þjónusta?

Er inneignin búin?
Ef inneignin er 50 krónur eða lægri, getur þú fengið 150 krónur lagðar inn á númerið þitt með því að senda SMS textann KLINK á símanúmerið 1441. Upphæðin er síðan dregin af númerinu þínu næst þegar þú fyllir á Frelsið. Athugaðu að einungis er hægt að fá eitt KLINK-lán á milli áfyllinga.

Er lánið ekki að skila sér?
Klinkþjónustan virkar þannig að ef þú sendir röng skilaboð, t.d. ¿klonk¿ í 1441 þá áttu að fá til baka boð um að þú hafir sent texta sem passar ekki við þjónustuna. Ef þú færð ekki SMS athugaðu þá hvort þú hafir örugglega sent SMS í síma 1441.

Hvernig sé ég hver hringdi ef það er slökkt á símanum?

Þú veist alltaf hver hringdi í þig á meðan slökkt var á farsímanum þínum eða hann utan þjónustusvæðis ef þú notar Hver hringdi. Þegar þú ert aftur kominn í samband færðu SMS með upplýsingum um þá sem reyndu að hringja.

Upplýsingarnar eru geymdar í allt að þrjá daga og við sendum þér þær í SMS þegar kveikt er á símanum eða þegar samband næst við hann. Hver hringdi er í boði bæði í áskrift og Frelsi.

Svona virkar Hver hringdi:

Athugið að ekki er hægt að hafa virkan flutning í talhólf á sama tíma.
Svona virkjar þú Hver hringdi: Þú slærð inn: **62*8800300# og smellir svo á
Til að afvirkja Hver hringdi: ##62# og smellir svo á "hringja" takkann.
Hver hringdi er þjónusta án endurgjalds.

Hvað er hringdu?

Þarftu að ná í einhvern?

Sendu skilaboðin: Hringdu og símanúmer þess sem á að hringja (t.d. Hringdu 8009999) í 1441. Viðkomandi fær þá SMS skilaboð um að þú óskir eftir símtali. Einungis í boði fyrir þá sem eru með Frelsi Símans.

Hvað eru Kollekt símtöl?

Bjóddu öðrum að borga símtalið með *888*
Ef þú ert með GSM númer hjá Símanum geturðu boðið öðrum aðila, sem einnig er hjá Símanum að greiða fyrir símtal ykkar á milli. Veldu *888* á undan númerinu sem þú vilt hringja í og þú færð að vita hvort viðkomandi, samþykkir að greiða fyrir símtalið eða ekki.

Kollekt símtal ekki samþykkt
Ef þú nærð ekki að hringja Kollekt er líklegt að sá sem þú vilt ná í hafi hafnað beiðni þinni eða hafi látið loka fyrir þennan möguleika hjá sér. Einnig er mögulegt að viðtakandi sé hjá öðru símafyrirtæki en Símanum, enda aðeins hægt að hringja Kollekt símtöl innan Símans. Ekki er hægt að hringja Kollekt símtal í útlöndum.

Loka fyrir Kollekt símtöl

Þú getur látið loka fyrir að aðrir hringi Kollekt í þig, og þú sért þar með að greiða fyrir símtalið. Þú einfaldlega hringir í þjónustuverið okkar, 800 7000, og biður um að láta loka fyrir þennan möguleika.

Hvaða möguleikar eru í boði fyrir börn?

Fyrir utan hefðbundið Frelsi þá mælum við með Krakkakorti. Krakkakortin er hugsuð fyrir börn yngri en 18 ára og kosta ekkert aukalega. Börnin geta hringt og sent SMS endalaust innanlands og fá 1 GB en auðvelt er að bæta við gagnamagni. 

Krakkakort eru í boði ef þú ert í áskrift með að minnsta kosti 10 GB gagnamagni inniföldu. Hægt er að fá allt að 11 Krakkakort.  Panta Krakkakort hérna.

Við mælum líka með ÞRENNU fyrir börn sem þurfa meira en 1 GB þar sem þá er í boði meira gagnamagn. . Sjá nánar um ÞRENNU hérna.

 

Er hægt að fá 10x fleiri gígabæt fyrir Frelsi og Krakkakort?

Nei. Þetta er ekki fyrir almennt Frelsi eða Krakkakort. 10x er einungis fyrir greiddar þjónustur í föstum mánaðarlegum greiðslum. Þess vegna er Þrenna eina frelsisvaran sem hægt er að skrá í 10x fleiri GB.

Ég skráði símanúmer í 10x. Hvenær tekur það gildi?

Símanúmer sem skráð eru fá 10x fleiri gígabæt strax. Til upplýsingar er sent SMS þegar það gerist. 10x fleiri gígabæt gilda alltaf fyrir allan mánuðinn. Það þýðir að þegar númerið er skráð gildir það frá síðustu mánaðarmótum, þ.e. þann 1. þess mánaðar.