Símnotkun í útlöndum

Það er ekki síður mikilvægt að kynna sér góð ráð um farsímanotkun í útlöndum heldur en að muna eftir farseðlunum. Hér finnurðu nokkur góð ráð sem hjálpa þér að halda kostnaðnum niðri þegar þú ert á ferðalagi erlendis.

Símtöl í útlöndum

Hvort er ódýrara að hringja eða taka á móti símtölum í útlöndum?

Þegar þú ert í útlöndum er í flestum tilfellum ódýrara að móttaka símtöl að heiman heldur en að hringja heim. Enda þótt þú greiðir fyrir móttekið símtal erlendis þá er gjaldið lægra en þegar þú hringir heim. Mikilvægt er að kynna sér hvort viðbótargjald bætist við móttekin símtöl hjá viðkomandi fjarskiptafyrirtæki.

Hvað kostar að hringja í annan íslenskan farsíma sem líka er í útlöndum?

Ef hringt er úr einum íslenskum farsíma í annan í útlöndum greiðir sá sem hringir fyrir símtal innanlands, alveg eins og ef viðkomandi sem hringt er í sé staddur á Íslandi.

Sá sem hringt er í og er staddur erlendis greiðir fyrir móttekið símtal samkvæmt verðskrá fyrir viðkomandi land. Alltaf er hægt að fletta upp verðskrá hvers lands á siminn.is/utlond. 

Hvað kostar að senda SMS í útlöndum?

Hægt er að slá hér inn heiti á landi og fá upplýsingar um hvað kostar að senda skilaboð eða hringja úr íslenskum farsíma til útlanda. 

Hvað kostar að senda myndir eða video í útlöndum?

Þegar MMS skilaboð eða myndir eru sendar á samfélagsmiðla erlendis þá er um gagnanotkun að ræða og slíkt getur verið kostnaðarsamt ef skeytin eru stór. Hægt er að senda MMS skilaboð til útlanda ef móttakandinn er með íslenskt númer. Ekki er hinsvegar hægt að senda MMS úr íslensku númeri í erlend farsímanúmer.

Greiði ég fyrir notkun á talhólfinu mínu á meðan ég í útlöndum?

Já og gott sparnaðarráð er að aftengja talhólfið áður en þú ferð til útlanda. Ástæðan er sú að þú greiðir fyrir símtöl sem enda í talhólfinu þínu eins og um móttekin símtöl sé að ræða þegar þú ert erlendis.

Hvaða verðskrá gildir um borð í ferjum á borð við Smyril?

Ef ferðast er með ferju/skemmtiferðaskipi er yfirleitt um tvo kosti að ræða ef viðskiptavinir vilja nýta sér símaþjónustu um borð:

  1. Að tengjast wifi um borð eða
  2. að reika, þ.e. að hafa kveikt á roaming og nota reikisamninga Símans.

Við mælum með að viðskiptavinir kynni sér verðskrá hvers skips fyrir notkun á wifi um borð. Síminn sendir viðskiptavinum SMS skeyti með upplýsingum um hvað kostar að nota símann ef kveikt er á roaming. Við mælum alltaf með að viðskiptavinir hafi slökkt á roaming þar sem mjög dýrt er að nota símann í reiki úti á hafi. 

Gagnanotkun í útlöndum

Er gagnanotkun erlendis innifalin í áskriftinni minni?

Gagnanotkun erlendis er almennt ekki innifalin í farsíma áskriftum heldur er greitt sérstaklega fyrir hana. Reiki í Evrópu lönd eru þó undanskilin og rétt að kynna sér vel þær reglur sem um þau gilda.

Verðskrá erlendra farsímafyrirtækja er umtalsvert hærri en hér heima og mikill kostnaður getur því hlotist af notkuninni. Við hvetjum þig til að kynna þér verðið vel áður en þú notar netið í símanum erlendis. Einnig gæti verið hagstætt að kaupa Ferðapakkann.

Er þak á gagnanotkun í útlöndum?

Vegna kostnaðar sem getur hlotist af því að fara á netið í símanum erlendis er þak á slíkri notkun. Þakið á notkuninni er þrepaskipt og ættir þú að fá SMS skilaboð þegar 80% af því er náð, nema óskað hafi verið eftir öðru. 

Hafa ber þó í huga að upplýsingar um gagnanotkun geta verið allt að einnar klukkustundar gamlar þegar þær berast og því möguleiki að reikningur verði hærri en sem nemur þak upphæð. Lokað verður fyrir gagnanotkun þegar eftirfarandi þrepum er náð:

Fyrsta þrep 7.200 kr.
Annað þrep 20.000 kr.
Eftir það er þakið hækkað í 30.000 kr., 45.000 kr og svo framvegis í 15.000 króna þrepum.

Hægt er að hækka þakið með því að hringja í þjónustuver Símans eða senda SMS í númerið 1900 með textanum REIKI. Ekki er hægt að opna fyrir ótakmarkaða reikinotkun, en mögulegt er að festa þak fyrir netnotkun í símanum í ákveðinni upphæð með því að hringja í þjónustuver eða koma í einhverja af verslunum Símans.

Get ég notað netlykla í útlöndum?

Vegna kostnaðar við gagnanotkun erlendis þurfa viðskiptavinir með netlyklaáskrift (eftirágreidda þjónustu) að óska sérstak­lega eftir því að láta opna fyrir notkun. Öll skilaboð munu berast í hugbúnaðinn sem fylgir netlyklinum. Hægt er að hringja í þjónustu­ver, fyrirtækjaráðgjöf eða fara í verslun Símans og láta opna fyrir möguleika á notkun erlendis.

Við mælum með því að þú kannir hvort hægt sé að kaupa fyrirframgreitt NetFrelsi í því landi sem þú dvelur.

Hvaða stillingum þarf að huga að í útlöndum?

Margir snjallsímar eru stilltir þannig að þeir sækja reglulega töl­vupóst og GPS staðsetningu yfir Internetið. Í reiki getur verið gott að breyta þessum stillingum til að forðast óþarfa kostnað.

Símar sem hafa innbyggt GPS notast yfirleitt við stutt GPS (e. aGPS eða AGPS) sem þýðir að ef GPS er notað, fer síminn á Internetið (2G/3G) til að finna hvar hann er og fá nákvæmari staðsetningu. AGPS hraðar til muna ferlinu sem tekur að fá staðsetningu en getur líka verið mjög kostnaðarsamt í reiki.

Hægt er að slökkva á þessari virkni (AGPS) og nota eingöngu hrátt GPS, sem talar beint við GPS tunglin. Sé það ekki gert, notar GPS virknin Inter­ nettenginguna með tilheyrandi gagnamagni og kostnaðarálagi.

Reiki í Evrópu

Hvaða lönd eru hluti af RE (innan EES) ?

Öll lönd sem eru hluti af EU/EES eru hluti af RE.
Austurríki
Belgía
Búlgaría
Króatía
Kýpur
Tékkland
Danmörk
Eistland
Finnland
Frakkland
Þýskaland
Gíbraltar
Grikkland
Ungverjaland
Írland
Ítalía
Lettland
Liechtenstein
Litháen
Lúxemburg
Malta
Holland
Noregur
Pólland
Portúgal
Rúmenía
Slóvakía
Slóvenía
Spánn
Svíþjóð
Bretland
Færeyjar (Eru hluti af RLH eingöngu hjá Símanum)
Gvadelúp
Saint Martin
Saint Barthélemy
Martiník
Franska Gvæjana
Réunion
Mayotte

Ég er í Frelsi/Krakkakort. Hvernig virkar RE?

Inneign í Frelsi virkar ekki í útlöndum. Síminn býður viðskiptavinum sínum að skrá sig í áskriftarleiðina Frelsi í Útlöndum til þess að nota símann erlendis og njóta allrar sömu þjónustu og viðskiptavinir í áskrift. Símnotkun erlendis er þá greidd eftir á. Ekkert er innifalið í áskriftinni og er eingöngu greitt samkvæmt notkun sem á sér stað erlendis. 

Öll inneign, mínútur, sms og gagnamagn, sem viðskiptavinur á í Frelsi geymist á Íslandi á meðan hann er erlendis.

Gjaldskrá í Reiki í Evrópu löndum er samkvæmt innanlandsverðskrá, sjá nánar hérna. 


 

Ég er með Ferðapakka. Hvernig virkar RE?

Ferðapakkinn tekur breytingum og mun frá 15 júní 2017 ekki gilda í Reiki í Evrópu löndum.
Sjá nánar hérna í hvaða löndum Ferðapakkinn gildir.

Ég er með áskrift að 500 mín til útlanda. Hefur RE áhrif á það?

Reiki í Evrópu gildir eingöngu fyrir símtöl sem eiga sér stað á meðan viðskiptavinir eru staddir erlendis.

Þjónustan „500 mínútur til útlanda“ gildir fyrir símtöl sem eiga sér stað á Íslandi og til útlanda. Innifaldar mínútur í pakkanum gilda Roam like home landa eins og áður.

Ég er í farsímaáskrift. Hvernig virkar RE?

Þú notar innifaldar mínútur og sms þegar þú ert í útlöndum og ert í RE landi hvort sem þú hringir í íslensk númer eða í númer innan RE landa. Ef þú ert í áskriftarleið með engri innifaldri notkun er greitt samkvæmt verðskrá áskriftarleiðar.
 
Takmarkanir eru á hversu mikið gagnamagn má nota og fer það eftir áskriftarleið. Ef innifalið gagnamagn klárast þegar viðskiptavinur er staddur í erlendu neti er gjaldfært 0,75 kr fyrir hvert 1 MB. Það þýðir að 1024 MB kosta 768 kr. Innifalið gagnamagn getur klárast á tvo vegu, með því að klára erlent gagnamagn eða innifalið gagnamagn í áskriftinni.
 
Ef þú ert í áskriftarleið með engu inniföldu gagnamagni er greitt 0,75 kr fyrir hvert 1 MB sem notað er erlendis.

Dæmi:
Viðskiptavinur er í 10 GB áskrift. Þar af má nota að hámarki 7 GB erlendis.
Ef 7 GB eru kláruð er gjaldfært 0,75 kr fyrir hvert MB umfram það.

Viðskiptavinur er í 10 GB áskrift. Þar af má nota að hámarki 7 GB erlendis. Viðskiptavinur hefur notað 7 GB áður en hann fer erlendis. Ef 3 GB eru kláruð og þar með öll 10 GB í áskriftinni er gjaldfært 0,75 kr fyrir hvert MB umfram það.
 
Sjá lista yfir áskriftir og innifalið gagnamagn í spurningunni
"Hvað er sanngjörn notkun (e. Fair use policy) ?"
 
Ávallt er hægt að sjá hversu mikið má nota erlendis í Símaappinu eða með því að hafa samband í Netspjalli eða 8007000.


Ég er í Þrennu. Hvernig virkar RE?

Viðskiptavinir í Þrennu eru skráðir í erlendu þjónustuna Þrenna í útlöndum. Með þjónustunni getur þú notað endalausar mínútur og sms þegar þú ert í RE löndum hvort sem þú hringir í íslensk númer eða í númer innan RE landa. Auk þess færðu 5 GB til að nota innan mánaðar í RE landi.

Ef innifalið gagnamagn klárast þegar viðskiptavinur er staddur í erlendu neti er gjaldfært 0,75 kr fyrir hvert 1 MB. Það þýðir að 1024 MB kosta 768 kr.

Öll inneign, gagnamagn, mínútur og sms sem er til staðar á frelsisnúmerinu þínu nýtist ekki á meðan þú ert erlendis heldur bíður eftir að þú komir aftur heim. Viðskiptavinir yngri en 18 ára þurfa að skrá sig sjálfir í þjónustuna.

Ég er að fara til útlanda. Þarf ég að gera eitthvað til þess að virkja RE?

Nei. Það verður sjálfkrafa virkt frá 15 júní 2017.  

Hvað kostar mig að hringja frá Íslandi í farsíma í RE löndum?
Hvað kostar mig að hringja í farsíma innan RE ef ég er í RE landi? (ekki á Íslandi)

Ef þú ert í áskriftarleið með engri innifaldri notkun er greitt samkvæmt verðskrá áskriftarleiðar. Ef þú ert í áskriftarleið með innifaldri notkun, notar þú innifaldar mínútur og sms þegar þú ert í RE löndum og hringir í númer innan RE landa.

Takmarkanir eru á notkun á inniföldu gagnamagni og fer það eftir áskriftarleið.

Sjá nánar í skilmálum hvað er innifalið í þinni áskrift

Ég er með 4G netáskrift, get ég tekið hana með mér til útlanda?

Já, 4G Netáskrift er hægt að taka með til Reiki í Evrópu landa og nota eins og innanlands.

Takmarkanir eru á notkun á inniföldu gagnamagni og fer það eftir áskriftarleið. Sjá nánar í skilmálum hvað er innifalið í þinni áskrift

 

Hvað er sanngjörn notkun (e. Fair use policy) ?

Takmarkanir á gagnamagni Reiki í Evrópu

Viðskiptavinir með áskrift að farsímaþjónustu og/eða gagnaflutningsþjónustu um farsímanet hjá Símanum geta nýtt það gagnamagn sem er innifalið í viðkomandi áskriftarleið með þeim takmörkunum sem koma fram í verðskrá hverrar áskriftarleiðar innan Evrópska efnahagssvæðisins. Sérstaklega er tekið fram hvort innifalið gagnamagn sé að öllu leyti innifalið innan EES eða eingöngu að hluta.

Sjá nánar í skilmálum hvað er innifalið í þinni áskrift

Hversu mikið gagnamagn er innifalið í áskriftinni minni?

Þú getur skoðað hérna hversu mikið gagnamagn er innifalið í ES/EES í þinni áskrift. 

Einnig er hægt að sjá hversu mikið má nota erlendis í Símaappinu eða með því að hafa samband í gegnum Netspjalli eða 8007000.

Fást 10x fleiri gígabæt í Reiki í Evrópu (e. Roam like home)?

Nei. Tífalt fleiri gígabæt eru til afnota á Íslandi.