Reiki í Evrópu

Helstu spurningar og svör vegna Reiki í Evrópu (e. Roam Like Home).

Reiki í Evrópu (RE)

Hvaða lönd eru hluti af RE?

Öll lönd sem eru hluti af EU/EES eru hluti af RE.
Austurríki
Azoreyjar (Portúgal)
Álands eyjar (Finland)
Belgía
Bretland
Busingen am Hochrhein (Þýskaland)
Búlgaría
Campione d'Italia (Ítalía)
Canary Islands (Spánn)
Danmörk
Eistland
Finnland
Frakkland
Franska Gvæjana (Frakkland)
Færeyjar
Gíbraltar (Bretland)
Grikkland
Gvadelúp (Frakkland)
Heligoland (Þýskaland)
Holland
Írland
Ítalía
Króatía
Kýpur
Lettland
Liechtenstein
Litháen
Livigno (Ítalía)
Lúxemburg
Madeira (Portúgal)
Malta
Martinique (Frakkland)
Mayotte (Frakkland)
Mount Athos (Grikkland)
Noregur
Portúgal
Pólland
Réunion (Frakkland)
Rúmenía
Saint Martin (Frakkland)
Slóvakía
Slóvenía
Spánn
Svíþjóð
Tékkland
Ungverjaland
Þýskaland

Ég er í Frelsi/Krakkakort. Hvernig virkar RE?

Inneign í Frelsi virkar ekki í útlöndum. Síminn býður viðskiptavinum sínum að skrá sig í áskriftarleiðina Frelsi í Útlöndum til þess að nota símann erlendis og njóta allrar sömu þjónustu og viðskiptavinir í áskrift. Símnotkun erlendis er þá greidd eftir á. Ekkert er innifalið í áskriftinni og er eingöngu greitt samkvæmt notkun sem á sér stað erlendis. 

Öll inneign, mínútur, sms og gagnamagn, sem viðskiptavinur á í Frelsi geymist á Íslandi á meðan hann er erlendis.

Gjaldskrá í Reiki í Evrópu löndum er samkvæmt eftirfarandi innanlandsverðskrá:

Upphafsgjald 13 kr.
Mínútuverð 23 kr.
Verð pr. SMS er 15 kr. 

Ef notað er gagnamagn er gjaldfært daggjald, 500 kr fyrir 500 MB.   

 

 

Ég er með Ferðapakka. Hvernig virkar RE?

Ferðapakkinn tekur breytingum og mun frá 15 júní 2017 ekki gilda í Reiki í Evrópu löndum. Hann mun þó áfram gilda þegar ferðast er til Andorra, Ástralíu, USA, Grænlands, Jersey, Hong Kong, Ísrael, Kanada, Kína, Man, Saint Barthlemy, Sviss, Tyrklands og Rússlands. Fleiri lönd munu bætast í Ferðapakkann síðar.

Ég er með áskrift að 500 mín til útlanda. Hefur RE áhrif á það?

Reiki í Evrópu gildir eingöngu fyrir símtöl sem eiga sér stað á meðan viðskiptavinir eru staddir erlendis.

Þjónustan „500 mínútur til útlanda“ gildir fyrir símtöl sem eiga sér stað á Íslandi og til útlanda. Innifaldar mínútur í pakkanum gilda Roam like home landa eins og áður.

Ég er í farsímaáskrift. Hvernig virkar RE?

Þú notar innifaldar mínútur og sms þegar þú ert í útlöndum og ert í RE landi hvort sem þú hringir í íslensk númer eða í númer innan RE landa. Ef þú ert í áskriftarleið með engri innifaldri notkun er greitt samkvæmt verðskrá áskriftarleiðar.
 
Takmarkanir eru á hversu mikið gagnamagn má nota og fer það eftir áskriftarleið. Ef innifalið gagnamagn klárast þegar viðskiptavinur er staddur í erlendu neti er gjaldfært 0,86 kr fyrir hvert 1 MB. Það þýðir að 1000 MB kosta 881 kr. Innifalið gagnamagn getur klárast á tvo vegu, með því að klára erlent gagnamagn eða innifalið gagnamagn í áskriftinni.
 
Ef þú ert í áskriftarleið með engu inniföldu gagnamagni er greitt 0,86 kr fyrir hvert 1 MB sem notað er erlendis.

Dæmi:
Viðskiptavinur er í 10 GB áskrift. Þar af má nota að hámarki 7 GB erlendis.
Ef 7 GB eru kláruð er gjaldfært 0,86 kr fyrir hvert MB umfram það.

Viðskiptavinur er í 10 GB áskrift. Þar af má nota að hámarki 7 GB erlendis. Viðskiptavinur hefur notað 7 GB áður en hann fer erlendis. Ef 3 GB eru kláruð og þar með öll 10 GB í áskriftinni er gjaldfært 0,86 kr fyrir hvert MB umfram það.
 
Sjá lista yfir áskriftir og innifalið gagnamagn í spurningunni
"Hvað er sanngjörn notkun (e. Fair use policy) ?"
 
Ávallt er hægt að sjá hversu mikið má nota erlendis í Símaappinu eða með því að hafa samband í Netspjalli eða 8007000.


Ég er í Þrennu. Hvernig virkar RE?

Viðskiptavinir í Þrennu eru skráðir í erlendu þjónustuna Þrenna í útlöndum. Með þjónustunni getur þú notað endalausar mínútur og sms þegar þú ert í RE löndum hvort sem þú hringir í íslensk númer eða í númer innan RE landa. Auk þess færðu 5 GB til að nota innan mánaðar í RE landi.

Ef innifalið gagnamagn klárast þegar viðskiptavinur er staddur í erlendu neti er gjaldfært 0,86 kr fyrir hvert 1 MB. Það þýðir að 1000 MB kosta 881 kr.

Öll inneign, gagnamagn, mínútur og sms sem er til staðar á frelsisnúmerinu þínu nýtist ekki á meðan þú ert erlendis heldur bíður eftir að þú komir aftur heim. Viðskiptavinir yngri en 18 ára þurfa að skrá sig sjálfir í þjónustuna.

Ég er að fara til útlanda. Þarf ég að gera eitthvað til þess að virkja RE?

Nei. Það verður sjálfkrafa virkt frá 15 júní 2017.  

Hvað kostar mig að hringja frá Íslandi í farsíma í RE löndum?

Greitt er skv. verðskrá Símans fyrir símtöl til útlanda.

Hvað kostar mig að hringja í farsíma innan RE ef ég er í RE landi? (ekki á Íslandi)

Ef þú ert í áskriftarleið með engri innifaldri notkun er greitt samkvæmt verðskrá áskriftarleiðar. Ef þú ert í áskriftarleið með innifaldri notkun, notar þú innifaldar mínútur og sms þegar þú ert í RE löndum og hringir í númer innan RE landa.

Takmarkanir eru á notkun á inniföldu gagnamagni og fer það eftir áskriftarleið.

Sjá nánar um sanngjarna notkun hér fyrir ofan.

Ég er með 4G netáskrift, get ég tekið hana með mér til útlanda?

Já, 4G Netáskrift er hægt að taka með til Reiki í Evrópu landa og nota eins og innanlands.

Takmarkanir eru á notkun á inniföldu gagnamagni og fer það eftir áskriftarleið. Sjá nánar um sanngjarna notkun hér fyrir ofan.

 

Hvað er sanngjörn notkun (e. Fair use policy) ?

Takmarkanir á gagnamagni Reiki í Evrópu

Viðskiptavinir með áskrift að farsímaþjónustu og/eða gagnaflutningsþjónustu um farsímanet hjá Símanum geta nýtt það gagnamagn sem er innifalið í viðkomandi áskriftarleið með þeim takmörkunum sem koma fram í verðskrá hverrar áskriftarleiðar innan Evrópska efnahagssvæðisins. Sérstaklega er tekið fram hvort innifalið gagnamagn sé að öllu leyti innifalið innan EES eða eingöngu að hluta.

Sjá nánar í skilmálum hvað er innifalið í þinni áskrift

Er Spotify streymi frítt í útlöndum?

Nei, eingöngu meðan þú ert á Ísland, þá greiðir þú ekki fyrir tónlistarstreymi á farsímaneti Símans. Spotify streymi telur því af gagnamagni þegar þú ert erlendis þar sem það er annað fyrirtæki sem þjónustar númerið.

Hversu mikið gagnamagn er innifalið í áskriftinni minni?

Þú getur skoðað hérna hversu mikið gagnamagn er innifalið í ES/EES í þinni áskrift. 

Einnig er hægt að sjá hversu mikið má nota erlendis í Símaappinu eða með því að hafa samband í gegnum Netspjalli eða 8007000.

Fást 10x fleiri gígabæt í Reiki í Evrópu (e. Roam like home)?

Nei. Tífalt fleiri gígabæt eru til afnota á Íslandi.