1. Að rækta garð
Skoðaðir kostir þess að vera með garð og það að forma hann. Hvað þarf að hafa í huga og hvað þarf að varast. Við ræðum grisjun og viðhald m.a. á runnum og trjágróðri. Hafsteinn fjallar um nokkrar kryddplöntur.
2. Sáning og plöntun
Hvað er best að rækta? Veðurfar og vaxtarsvæði. Sáning og uppeldi á sumarblómum. Við vorum viðstödd plöntuskipta daginn. Hafsteinn fjallar um dalíur.
3. Vorlaukar og sumarblóm
Vorlaukar, sem sumir geta verið erfiðir, Vilmundur kennir trixin og hvernig sneiða megi hjá algengum mistökum í byrjun. Vilmundur kynnir helstu tegundir sumarblóma og umhirðu þeirra. Hafsteinn fjallar um hortensíur.
4. Hangandi garðar
Hangandi garðar geta verið litríkar veggplöntur í hangandi körfum á verönd eða svölum. Tilvalið fyrir þá sem eiga ekki garð. Gróðurveggurinn í Grósku vísindagörðum er stórkostlegt dæmi um slíkan garð. Hafsteinn fjallar um tóbakshorn.
5. Gróðurhús og garðskálar
Undanfarin ár hefur það færst í vöxt að fólk reisi gróðurskála við íbúðarhúsið og lengi þannig sumarið verulega.
Sumir hafa reist gróðurhús utanum íbúðarhúsið og á vestari bakka Ytri-Rangár, gegnt Hellu stendur fallegt kúluhús umlukið skógi. Hafsteinn og Hugrún heimsækja Auðkúlu með blóm í hönd.
6. Matjurtagarðurinn
Vilmundur fræðir um kartöflur og skoðar matjurtir ræktaðar í gróðurkössum í Grasagarðinum Laugardal. Fjallað um óværu í matjurtagörðum og hvernig á að bregðast við.
Listakonan Kitty von Sometime er með matjurtagarð við heimili sitt og auk þess garðskála þar sem hún ræktar grænmeti og kryddjurtir af miklum móð. Hún notast við hagkvæm upphækkuð beð í mittishæð til þess að létta sér umsýsluna.
7. Kryddjurtir
Vilmundur fjallar um kryddjurtarækt og skoðar gott úrval allra helstu kryddjurta sem vaxa á Íslandi en þær má sjá í Grasagarðinum í Laugardal. Hugrún bregður upp smá fróðleik um upphaf garðyrkju í Reykjavík og við skoðum hvað er ólíkt með görðum á Íslandi og í helstu nágrannalöndum okkar. Við skoðum Urtagarðinn í Nesi. Þar er fjölbreytt safn jurta sem ýmist hafa gegnt hlutverki í lækningum eða verið nýttar til næringar og heilsubótar.
8. Tveir ólíkir garðar
Þau Pálmi Gestsson og Sigurlaug Halldórsdóttir settust nýlega að við bakka Heytjarnar skammt utan bæjarmarkanna. Þar hafa þau tekið til við að endurhanna nánasta umhverfi sitt, stundum með nokkuð stórvirkum verkfærum því Pálmi lærði á gröfu. Þá bregðum við okkur í gamlan og gróinn garð í Holtunum sem er svolítið hippalegur en þar býr Anna Saari og nokkrir kettir. Hafsteinn fræðir um tannhvassa tengdamömmu.
9. Mikilvægi garða og gróðurs
Í Garðabæ er afskaplega fallegur garður sem hefur fjórum sinnum hlotið viðurkenningu fyrir smekklega og vel hirta lóð af hálfu bæjarstjórnar Garðabæjar, og nú síðast skömmu eftir að við mynduðum garðinn. Þar vekja einkum athygli grasflötin og val og samsetning lita eftir árstíðum.
Þau Sigrún Andrésdóttir og Sigurður Þórðarson hönnuðu garðinn og annast hann af stakri prýði.
Páll Jakob Líndal umhverfissálfræðingur veltir vöngum yfir mikilvægi garða og gróðurs í umhverfi okkar og í lok þáttar mun Hafsteinn fjalla um monsteru.
10. Ávaxtatré á Íslandi
Að Elliðahvammi við Elliðavatn býr Þorsteinn Sigmundsson bóndi. Hann reisti konu sinni og sér gróður hús sem er með þeim veglegri á landinu og í því ræktar hann ávexti sem maður týnir yfirleitt ekki af trjánum á Íslandi. Kaktusar hafa lengi notið mikilla vinsælda, en þeir geta verið mjög formfagrir og þarfnast yfirleitt ekki mikillar umhirðu.Vilmundur veit allt um þá. Hafsteinn fjallar um lummulauf.
11. Fallegir og framandi garðar
Í þessum þætti skoðum við tvo garða sem hafa svolítið útlenskt yfirbragð. Fyrst garð sem er svolítið breskur en hann er sköpunarverk þeirra Öldu Möller og Dereks Mundell. Stór partur af heildarútliti garðsins er grasflötin, og að þar er hvergi beina línu að sjá. Þá er þar mikið er um þekjuplöntur, svo sem hostur, skemmtileg útfærsla á hengiplöntum og sérkennilega lagað lerkitré að japönskum sið.
Þá skoðum við garð með ævintýralegu mið-evrópsku útliti en maður stígur inn í litla ævintýraveröld þegar gengið er inn í garðinn og eigendur sem eru þau María Hákonardóttir og Erich Köppel fara sannarlega ótroðnar slóðir þegar kemur að garðrækt.
Hafsteinn fræðir okkur um kóngabegóníu.
12. Rósarrækt á Íslandi
Ekkert blóm á sér lengri eða skrautlegri sögu en rósin og ræktun hennar hefur verið stunduð í Kína um aldir. Hún barst þaðan til Asíu nær og síðan til Evrópu. En hvernig gengur að rækta rósir á Íslandi? Það vita þau Ásta Thorleifsdóttir og Vilhjálmur Lúðvíksson í Rósaklúbbnum og hann frumsýnir alveg nýja rós í þættinum. Hafsteinn fræðir okkur um haustplöntur.
13. Haustið í garðinum
Haustið í garðinum. það er ekkert sem jafnast á við það að borða nýtt grænmeti og ber úr eigin garði. Jóhanna B. Magnúsdóttir sýnir okkur uppskeruna úr garðinum og fræðir um geymslu grænmetis og kryddjurta, þurrkun og frystingu. Vilmundur sýnir hvernig á að gróðursetja haustlauka í ker. Upp úr kerinu sprettur síðan mikil litadýrð að vori. Við skoðum hvernig á að planta hvítlauk. Hafsteinn fjallar um haustplöntur og um árstíðina haustið.
