Í samvinnu við Helga Björns og hans fólk mun Síminn telja í sérstaka hátíðarútgáfu af þættinum næstkomandi laugardag. Jólin nálgast og það er ljóst að hátíðirnar verða mörgum heimilum þyngri róður en áður. Við hjá Símanum ætlum að leggja okkar að mörkum með því að þátturinn verði ekki eingöngu skemmtiþáttur heldur einnig söfnunarþáttur.
Þættirnir eru aðgengilegir í Sjónvarpi Símans Premium.
Undanfarnar vikur og mánuði höfum við verið á ævintýralegu ferðalagi með Helga Björns, Vilborgu og Reiðmönnum vindanna ásamt góðum gestum þeirra.
Það verður því öllu til tjaldað í veglegum lokaþætti og við látum gott af okkur leiða í leiðinni.
Með því að nota Síminn Pay eða senda SMS með textanum „Helgi“ í númerið 1900 skuldfærast 1000 kr. af símareikningi og fer öll fjárhæðin óskipt til þessa mikilvæga málefnis og samtaka sem aðstoða þá sem minnst mega sín.
