Stóraukið úrval í Sjónvarpi Símans Premium

Við höfum bætt við miklum fjölda mynda og sjónvarpsþátta með íslensku tali fyrir yngstu kynslóðina. Af talsettum kvikmyndum sem bætast við má nefna:

• Fyrstu þrjár Madagascar myndirnar  
• Að temja drekann sinn (How to Train Your Dragon)  
• Goðsagnirnar fimm (Rise of the Guardians)  
• Megamind, Hlaðan (The Barnyard)  
• Stígvélaði kötturinn (Puss in Boots)  
• Kamelljónið Rango  
• Hákarlasaga (Shark Tale)  
• Skolað í burtu (Flushed away)  
• Vefur Karlottu (Charlotte's Web)  
• Skrímsli móti geimverum (Monsters vs. Aliens)  
• Býflugumyndin (Bee Movie)
• Yfir limgerðið (Over the Hedge)

Til að bregðast við gríðarlegum vinsældum Love Island í Sjónvarpi Símans Premium þá setjum við inn eldri þáttaröð fyrir aðdáendur þáttanna. Love Island eru vinsælustu raunveruleikaþættir Bretlands og hafa slegið í gegn á Íslandi síðustu mánuði. Fylgst er með hópi af einstaklingum í afskekktri glæsivillu keppast við að finna ástina.

Fjórða þáttaröð hefst í Sjónvarpi Símans Premium föstudaginn 20.mars. Þá koma inn tveir þættir og í framhaldi af því koma tveir þættir á dag næsta mánuðinn.

‍

Vönduð bresk þáttaröð frá BBC um fráskilda vel stæða konu sem leikin er af Juliu Ormond. Konan fellur fyrir yngri manni en uppkomin börn hennar eru sannfærð um að hann sé bara á eftir peningum hennar. Brot úr þáttunum má sjá hér. Öll þáttaröðin er komin inn.

‍

Hvað gerist þegar maður er afbrýðisamur? En svangur? Hvað borðar Þorgerður Katrín í morgunmat og hvernig hannar maður skó?  Samfélagsmiðlastjarnan og gleðigjafinn Eva Ruza svarar þessum og fleiri áríðandi spurningum í nýju lífstílsþáttunum Mannlífi. Þættirnir verða sýndir í opinni dagskrá í Sjónvarpi Símans á þriðjudögum og eru væntanlegir í Sjónvarp Símans Premium.

‍

Ný bresk spennuþáttaröð frá Sky One með Robert Carlyle í aðalhlutverki sem fjallar um átök þegar landlægt rafmagnsleysi gerir vart við sig í Bretlandi. Í kjölfarið verður mikill óróleiki, samfélagið leggst á hliðina og fjöldi mannslífa er í hættu. Cobra samanstendur af helstu sérfræðingum og stjórnmálamönnum Bretlands sem þurfa að taka erfiðar ákvarðanir og berjast við tímann til að koma ljósunum aftur á. Þáttaröðin er væntanleg í Sjónvarp Símans Premium síðar í mars.

Hörkuspennandi kanadískt læknadrama þar sem fylgst er með lækni á bráðamóttöku sem þurfti að flýja heimaland sitt, Sýrland, í leit að betra lífi. Hann þarf að yfirstíga fjölda hindrana til að endurheimta starf sitt sem læknir í nýju landi. Nánar um þættina á IMDB. Þáttaröðin er hafin í Sjónvarpi Símans Premium.

‍

Frá Óskarsverðlaunahafanum Ron Howard kemur dramatísk þáttaröð með gamansömu ívafi. Nútímaútgáfa af sígildu þáttunum Spítalalífi eða M.A.S.H. sem margir ættu að kannast við. Öll þáttaröðin kemur í Sjónvarp Símans Premium fimmtudaginn 19. mars.

‍

Ný bresk gamanþáttaröð frá Sky One með David Schwimmer í aðalhlutverki sem margir þekkja betur sem Ross úr Friends. Schwimmer leikur sérstakan útsendara bandaríska heimavarnarráðuneytisins sem sendur er til Bretlands til að vinna með kollegum sínum þar.  Þáttaröðin kemur í heild sinni í Sjónvarp Símans Premium í næstu viku.