Símavist hefur nú verið uppfærð í heimsklassa lausn, Webex sem kemur í stað UC-One hugbúnaðarins sem mun hverfa á braut.

Webex er nútímaleg lausn þar sem öryggi notenda og upplýsinga er í forgrunni ásamt því að öll virkni viðmótsins í bæði tölvu og síma er hönnuð frá grunni til að einfalda allar aðgerðir og þannig á tæknin ekki að flækjast fyrir í daglegum störfum.

Webex sameinar á einn stað öll símtöl, skilaboð, fundi, skjöl og fleira og einfaldar þannig alla teymisvinnu og samskipti á vinnustaðnum.

Það hefur sjaldan verið jafn mikilvægt að ná utan um og efla samskipti á vinnustöðum en þátttaka og helgun starfsfólks hefur sjaldan verið minni eftir krefjandi aðstæður síðustu ára. Öllu skiptir að starfsfólk taki virkan þátt og helgi sig starfi fyrirtækisins til að rekstur þeirra og vinnustaðarmenning komist á flug.

Workplace frá Meta er rétta tólið til að koma hlutunum í betra horf. Þjónustan virkar bæði á vef sem og í smáforriti í snjallsímanum og þannig tengir Workplace vinnustaðinn saman óháð staðsetningu þeirra eða stöðu.

Workplace frá Meta er í grunninn byggt upp á sama máta og Facebook sem gerir öll samskipti gagnvirk, léttari og skemmtilegri. Auðveldara er að ná til starfsfólks í stað endalausra tölvupósta og einfalt er að koma tilkynningum, streymi frá starfsmannafundum og öðru til allra á einu augabragði. Með því að nota Workplace getur því allt starfsfólk með auðveldum hætti tekið þátt í daglegum samskiptum vinnustaðarins og þjónustan færir starfsfólk nær hvort öðru.

Þjónustan er nú hluti af vöruframboði Símans en Síminn hefur notað Workplace frá Meta með góðum árangri eins og fjölmörg önnur fyrirtæki og stofnanir á Íslandi.