Fyrirtæki með rafrænar beiðnabækur fyrir starfsfólk hefur fullkomna yfirsýn yfir stöðu beiðna.
Rafrænt úttektarferli er auðrekjanlegt og enginn vafi á hver tók út, hvar og hvenær.
Öruggt úttektarferli með Síminn Pay appinu sem lausn fyrir rafrænar beiðnabækur.
Stjórnendur geta stillt í kerfinu hvaða starfsmenn geta tekið út með rafrænum beiðnabókum.
Rafrænar beiðnir
Með Síminn Pay appinu geta notendur haldið utan um útgáfu á rafrænum beiðnum á einfaldan og öruggan hátt. Haldið er utan um auðkenningu starfsmanna gagnvart bæði útgáfu- og söluaðila og þannig tryggt að viðkomandi starfsmaður hafi umboð til að taka út vörur og þjónustu í nafni útgáfuaðila.
Einfalt er að stofna beiðni við innkaup þar sem starfsmaður er leiddur í gegnum ferli sem flokkar innkaupin eftir fyrirfram skilgreindum flokkum. Einnig er hægt að hengja mynd af kassakvittun við beiðnina.
Þjónustuvefur
Útgáfuaðilar hafa rauntíma yfirsýn yfir útgáfu beiðna í þeirra nafni á einum stað. Stjórnendur geta stýrt úttektarheimildum starfsmanna eftir söluaðilum. Hægt er að taka út lista af beiðnum eftir starfsmönnum og söluaðilum.
Útgáfuaðilar fá aðgang að vefþjónustu frá Síminn Pay þar sem hægt er að nálgast beiðnagögn til samþættingar við bókhaldskerfi.
