Mikilvægt er að tryggja að síminn styðji nýrri tækni því annars getur þú upplifað sambandsleysi. Fjarskiptafyrirtæki víða um heim eru farin að slökkva á 2G og 3G kerfum sínum sem þýðir að eldri tæki sem ekki styðja nýrri tækni ná engu sambandi. Símtækið verður að styðja VoLTE til að geta hringt símtöl og tekið við þeim og 4G/5G til að ná gagnasambandi.

Líkt og innanlands þá eru endalausar mínútur og SMS innifalin í farsímaáskriftinni þegar þú ert í Reiki í Evrópu landi hvort sem þú hringir í íslensk númer eða í númer innan EES-landa. Þú getur séð hve mikið gagnamagn þú getur notað í Reiki í Evrópu í Símaappinu og á þjónustuvef. Ef innifalið gagnamagn í EES klárast greiðir þú 0,28 kr fyrir hvert 1 MB. Það þýðir að 1 GB kostar 287 kr. Ef þú hringir frá EES til landa utan EES er upphafsgjaldið 17 kr. og mínútuverðið 160 kr.

Frelsi virkar innan landa EES alveg eins og heima á Íslandi. Ef þú ert í fyrirframgreiddri áskrift með engri innifaldri notkun er greitt samkvæmt verðskrá. Ef hringt er frá EES til landa utan EES er upphafsgjaldið 17 kr. og mínútuverðið 160 kr. og þarf að eiga inneign fyrir þeim kostnaði. Með Krakkakortum fylgir 1GB til notkunar innan EES, en annars er hægt að kaupa auka gagnamagn í Símaappinu og á þjónustuvef Símans.

Reiki í Evrópu á einungis við um símnotkun sem á sér stað á meðan viðskiptavinir eru staddir erlendis innan EES. Ef þú hringir oft til útlanda frá Íslandi mælum við með sérstökum mínútupökkum.

Fjarskiptafyrirtækin í Bandaríkjunum eru langt komin með að slökkva á 2G og 3G farsímanetum sínum og vegna þessa gætu viðskiptavinir Símans sem staddir eru í Bandaríkjunum upplifað einhverjar truflanir á símtölum yfir farsímanet. Símtöl yfir öpp eins og Messenger, Facetime, WhatsApp, Teams ofl. verða ekki fyrir áhrifum og eiga að virka eðlilega. Til að koma í veg fyrir truflanir þarf að notast við VoLTE tækni en þá fer símtalið yfir 4G/LTE kerfi viðkomandi fjarskiptafélags. Ef síminn þinn styður VoLTE mælum við með að tengjast farsímaneti AT&T. Ef síminn þinn styður ekki VoLTE mælum við með að tengjast neti T-Mobile. Ef þú ert með Frelsis áskrift hjá Símanum mælum við einnig með að velja farsímanet T-Mobile.

Vegna kostnaðar sem getur hlotist vegna netnotkunar erlendis setur Síminn hámark á slíka notkun, sem við köllum reikiþak. Þakið er þrepaskipt og þú ættir að fá SMS þegar 80% af því er náð, nema þú hafir afþakkað tilkynningar. Hafðu í huga að upplýsingaru m gagnanotkun erlendis geta verið allt að klukkutíma gamlar þegar þær berast og því getur reikningur mögulega verið hærri en þakið ef mikil notkun á sér stað á skömmum tíma. Lokað verður fyrir gagnanotkun þegar eftirfarandi þrepum er náð: • Fyrsta þrep er 9.000 kr. • Annað þrep er 20.000 kr. • Þriðja þrep er 30.000 kr. • Eftir það hækkar þakið í 15.000 kr. þrepum: 45.000 kr., 60.000 kr. og svo framvegis. Þú getur hækkað þakið upp í næsta þrep með því að hafa samband við þjónustuver Símans eða senda SMS í númerið 1900 með textanum "REIKI". Ekki er hægt að opna fyrir ótakmarkaða reikinotkun, en þú getur hækkað hámarkið fyrir fyrsta þrepið með því að hafa samband við þjónustuver Símans eða í verslunum okkar.

Flestir símar framleiddir 2018 og síðar styðja VoLTE. Ef þú ert ekki viss má leita upplýsinga á heimasíðu framleiðanda eða fá aðstoð hjá þjónustuveri Símans. Dæmi um tæki sem styðja VoLTE eru t.d. iPhone 8 og nýrri, Samsung Galaxy S10 og nýrri ásamt þriggja ára og yngri Samsung símum úr A-línunni.