Forgangsröðun gagna

Tölvukerfi, símkerfi og hugbúnaður fyrirtækja gera mismiklar kröfur til gæða gagnaflutnings. Sum kerfi eru viðkvæm fyrir töfum en önnur mega vel við þeim. Síminn býður því viðskiptavinum sínum að forgangsraða gögnum.

Forgangsröðun gagna gerir fyrirtækjum kleift að velja hvaða samskipti eða rekstrarkerfi mega ekki verða fyrir töfum og má þannig láta þau samskipti sem eru síður háð tíma víkja fyrir rauntímagögnum. Þetta opnar til dæmis möguleika á að samnýta tal- og gagnaflutning um sömu tengingu þar sem hægt er að tryggja gæði talsambands. Forgangsröðun gagna tryggir því að hægt er að nýta bandvídd betur en ella.