10 góðar ástæður til að koma í VIST hjá Símanum

1. Betri nýting á UT-þekkingu innanhúss

Með útvistun upplýsingatækni skapast augljóst hagræði í rekstri fyrirtækja sem gerir stjórnendum og starfsmönnum kleift að einbeita sér að sinni kjarnastarfsemi. Á meðan einbeitir útvistunarfyrirtækið sér að því að fylgjast með, vaxa og þrífast í heimi örra tæknibreytinga.

2. Minni UT-yfirbygging

Með því að minnka kostnað, umfang og mannafla við kerfis- og netstjórnun losnar um fjármagn sem hægt er að nota í viðskiptatengdum aðgerðum, s.s. markaðsstarfi, þróun og framleiðslu. Í nýlegri könnun alþjóðlega markaðsrannsóknafyrirtækisins IDC kom í ljós að þau fyrirtæki sem hafa útvistað UT-starfseminni nutu betri rekstrarafkomu.

3. Minni fjármögnunarkostnaður

Útvistun UT-starfsemi getur minnkað verulega og komið jafnvægi á fjárfestingar fyrirtækja í tækni og innri grunnviðum. Með því að greiða þjónustuaðilum fyrir notkun samkvæmt þörf á hverjum tíma geta fyrirtæki stýrt kostnaði eftir mismunandi þörfum hverju sinni og fylgt betur sveiflum og aðstæðum á markaði.

4. Bætt UT-afköst og öryggi

Einn helsti kostur UT-útvistunar er sá að hægt er að minnka eða jafnvel útrýma rekstrarvillum og niðritíma. Útvistunarfyrirtæki hafa á að skipa þjálfuðu starfsfólki sem fylgir vottuðum og skipulögðum verkferlum. Afraksturinn er dýrmæt reynsla sem skilar sér í meira rekstraröryggi og rekstrarhagræði en flest lítil og meðalstór fyrirtæki geta náð með hagkvæmum hætti.

5. Tæknilegt forskot á keppinauta

Framsækin fyrirtæki hafa um árabil leitað til upplýsingatækninnar til að finna ný tækifæri í rekstri og sóknarfæri í tekjusköpun sem skapa forskot í samkeppni. Með útvistun geta fyrirtæki hagnýtt dýrmæta þekkingu útvistunaraðilans eftir því sem við á án umfangsmikillar uppbyggingar innanhúss.

6. Aðgengi að tækniþekkingu og getu

Útvistunarfyrirtæki geta með auðveldum hætti aukið og minnkað þjónustu til að mæta breytingum í rekstrarumhverfi viðskiptavina. Reynslu og þekkingu ólíkra sérfræðinga er hægt að nýta af fullum krafti á meðan þess er þörf en draga svo verulega úr henni þegar kemur að reglubundnum rekstri.

7. Aukinn hraði frá þróun til sölu

Það er vel þekkt staðreynd að innri þróunarverkefni geta orðið fyrir alls konar skakkaföllum. Útvistunarfyrirtæki í háum gæðaflokki getur boðið starfsfólk með nauðsynlega sérfræðiþekkingu og reynslu svo ljúka megi verkefnum á réttum tíma og tryggja að ferlið frá þróun og smíðum til sölu og markaðssetningar (time-to-market) sé ekki of langt.

8. Minni áhætta af óskipulögðum niðritíma

Einn af ávinningum af útvistun á UT-starfsemi er að færri stundir glatast vegna óvænts niðritíma. Vönduð ferli, vottuð vinnubrögð og fullkomnara umhverfi minnka áhættuna á niðritíma sem ekki er gert ráð fyrir í venjulegu rekstrarumhverfi.

9. Átakaminni og ódýrari breytingar í tækni

Með UT-starfsemi í útvistun eru kerfin uppfærð reglulega og færast í minni skrefum milli útgáfa. Að auki geta útvistunaraðilar veitt aðgengi að kerfum sem nú þegar eru full leyfi fyrir og státa af stöðugleika í rekstri. Fyritæki geta því tekið í notkun nýja tækni með minni tilkostnaði og óvissu en ella.

10. Áframhald viðskipta við áföll og slys.

Útvistunaraðilar veita aðgang að öruggu rekstrarumhverfi með tryggu aðgengi að rafmagni, varatengingum á neti og mikilli vélbúnaðargetu. Margir útvistunaraðilar eru með sérstakar stórslysaáætlanir eða varavélasali í rekstri sem gera þeim kleift að bregðast við ef um stórslys eða meiriháttar áföll er að ræða. Fæst fyrirtæki geta fjármagnað slíkt öryggi á eigin spýtur.