Vettvangsþjónusta Símans

Vinnureglur

Ef upp kemur bilun varðandi þjónustu sem viðskiptavinur er með frá Símanum skal hafa samband við Þjónustuver í síma 800 7000. Sé hægt að leysa málið í símtali er það viðkomandi viðskiptavini að kostnaðarlausu. Sé ekki unnt að leysa málið í símtali skráir þjónustufulltrúi beiðni með ítarlegri bilanalýsingu. Sé þörf á að senda tæknimann heim til viðskiptavinar má hann búast við kostnaði vegna heimsóknarinnar  samkvæmt verðskrá sem finna má hér. Ef bilunin reynist vera á búnaði í eigu Símans tekur fyrirtækið á sig kostnað vegna greiningar og bilunar en þó ekki kostnað sem viðskiptavinur telur sig verða fyrir vegna skertrar þjónustu eða annarra afleiddra óþæginda.

Tæknimaður mætir til viðskiptavinar og metur hvar líklegast er að leita bilunar og greinir síðan og gerir við bilun sé þess nokkur kostur.

Til viðmiðunar eru notaðar reglur Póst- og fjarskiptastofnunar um innanhússlagnir (PDF) en þar segir meðal annars í 4. grein:

Ábyrgð á lögnum
Húseigendur eru ábyrgir fyrir innanhússlögnum fyrir fjarskipti frá nettengipunkti. Byggingarfulltrúi samþykkir teikningar af fjarskiptalögnum og hefur eftirlit með því að lagnir séu í samræmi við samþykktar teikningar. Húseigendur bera ábyrgð á öllu viðhaldi, breytingum og endurnýjun innanhússlagna. Húseigendur bera ábyrgð á því að heildstæði almennra fjarskiptaneta raskist ekki af tengingu þeirra við innanhússlagnir.