Farsímaáskrift

Hvernig bæti ég við gagnamagni?

Allir viðskiptavinir hafa aðgang að þjónustuvefnum en þar er hægt m.a. að bæta við gagnamagni

Smelltu hérna ef þú vilt fara á þjónustuvefinn til að bæta við gagnamagni.

Hvað er hraðahindrun?

Til að koma í veg fyrir óvæntan kostnað hjá viðskiptavinum okkar þá er Síminn hættur að bæta gagnamagni sjálfvirkt við farsímaáskriftir ef innifalið gagnamagn klárast.

Þess í stað getur þú valið um að auka gagnamagnið eða fá hraðahindrun út mánuðinn. Með hraðahindrun þá hægist á netinu en enginn auka kostnaður bætist við. Þegar gagnamagnið er að klárast sendum við SMS og tölvupóst þar sem hægt verður að velja að auka innifalið gagnamagn.

Ef heimilið er með Heimilispakka Símans er hægt að tífalda gagnamagnið í farsíma heimilisins án aukakostnaðar.

Smelltu hérna ef þú vilt fara á þjónustuvefinn til að bæta við gagnamagni.

Hvað get ég gert ef síminn er týndur eða hefur verið stolið?

Ef þig grunar að símanum þínum hafi verið stolið eða að hann hafi glatast, þá skaltu hafa samband við þjónustuver Símans og tilkynna það. Þá lokum við á allar hringingar úr símanum til að koma í veg fyrir að hann sé notaður af öðrum aðila.

Ef símanum þínum hefur verið stolið og þú vilt panta leit á honum, þarftu að byrja á því að fá lögregluskýrslu og koma með hana í verslun Símans. Leitin kostar 4.900 kr. Við leitum eingöngu af símum sem eru með skráða þjónustu hjá okkur.

Hvernig set ég á númeraleynd?

Númeraleynd er sett á þjónustuvefnum.

Fara á þjónustuvef Símans

Þú getur notað skammtíma númerabirtingu í stökum hringingum og þá birtist númerið þitt hjá þeim sem þú hringir í: #31# og símanúmerið.

Ef þú ert með leyninúmer, þá er númerið þitt hvorki skráð í símaskrá, né gefið upp hjá þeim sem veit upplýsingar um símanúmer. Jafnframt þá sést númerið þitt ekki á númerabirtinum hjá þeim sem þú hringir í.

Hvar breyti ég skráningu í símaskrá?

Breyting á skráningu í símaskrá er gerð af þínum þjónustuaðila með heimasíma eða farsíma.

Ef þú vilt skrá þig í símaskrá, breyta upplýsingum um þig (eins og að setja þig bannmerkingu við símtölum frá söluaðilum, breyta heimilisfangi og slíkt) eða eyða upplýsingum um þig úr símaskrám hafðu endilega samband við okkur í síma 8007000 eða komdu á netspjallið.

Hvað kostar símtalsflutningur úr farsíma?

Þú getur flutt hringingar sem berast í númerið þitt í annað númer hvar sem er á landinu, í heimilissíma, farsíma, talhólf eða svarhólf. Við símtal gegnum hringiflutning eiga sér stað tvö símtöl. Sá sem hringir í númer með flutningi greiðir fyrir símtal í það númer en eigandi númersins sem flutt er úr greiðir fyrir flutninginn, nema flutt sé í talhólf.

Hringiflutningur úr farsíma í heimasíma eða í farsíma hjá öðrum kostar ekkert ef þú ert í áskriftinni Endalaust en í öðrum áskriftarleiðum kostar hringiflutningur úr farsíma í heimasíma eða í farsíma (ekki hjá Símanum) upphafsgjald + mínútuverð og það er rukkað fyrir hverja mínútu sem símtalsflutningurinn á sér stað. Það kostar 0 kr. að flytja símtöl á milli farsíma þegar bæði númerin eru hjá Símanum.

Get ég látið loka fyrir hringingar úr farsímanúmeri?

Rétthafi getur látið loka fyrir hringingar úr símanúmeri (eða númerum) sem hann er skráður fyrir. Einnig lokast fyrir hringingar í 112.

Hvernig loka ég fyrir símtalsflutning?

Þú velur *15# á símtækinu ef þú vilt :

  • loka fyrir að hringingar séu fluttar í viðkomandi númer.
  • loka fyrir hringingar frá leyninúmeri.
  • loka fyrir að hringt sé í viðkomandi númer úr leyninúmeri.

Ef þú vilt aftengja velur þú  #15#

Mánaðarverð 100 kr.

Þjónustan er ekki í boði fyrir síma í beini (voip).

Hvernig fæ ég 10x fleiri GB með farsímaáskriftinni minni?

Viðskiptavinir með Heimilispakka og farsímanúmer í ákveðnum áskriftarleiðum hjá Símanum býðst að fá 10x fleiri gígabæt fyrir fjölskylduna til að nota á 4G neti Símans.

Símanúmer sem skráð eru fá 10x fleiri gígabæt strax. Til upplýsingar er sent SMS þegar það gerist. 10x fleiri gígabæt gilda alltaf fyrir allan mánuðinn. Það þýðir að þegar númerið er skráð gildir það frá síðustu mánaðarmótum, þ.e. þann 1. þess mánaðar.

Skrá númer í 10x á þjónustuvefnum

Hvert get ég leitað vegna símaónæðis?

Síminn beinir öllum ábendingum er varða símaónæði til lögreglunnar á viðkomandi svæði.

Hvar sé ég notkun, breyti áskrift og sæki um aukaþjónustu?

Á þjónustuvefnum getur þú breytt áskriftinni þinni og sótt um aukaþjónustur t.d. númeraleynd og númerabirtingu. Allir viðskiptavinir hafa aðgang að þjónustuvefnum.

Fara á Þjónustuvefinn