Myndlykill


Hér má finna leiðbeiningar fyrir uppsetningu á hefðbundnum myndlykli (AirTies) og þráðlausum myndlykli (Sagemcom 4k).

Snúrutengdur myndlykill

Hvað fylgir með í kassanum?

  • Myndlykillinn
  • Straumbreytir
  • Netsnúra
  • HDMI snúra
  • Leiðarvísir

 

 

Hvernig tengi ég myndlykilinn?

1. Tengdu netsnúru úr myndlyklinum og yfir í tengi 3 eða 4 á beini.
2. Tengdu HDMI snúruna úr myndlyklinum og yfir í sjónvarpið þitt. Við mælum með að tengja í HDMI1.
3. Tengdu straumbreytinn við myndlykilinn og settu í samband við rafmagn.
4. Kveiktu á sjónvarpinu og stilltu á rétta HDMI rás. Á flestum sjónvörpum stendur númer hjá HDMI tenginu á sjónvarpinu hjá þér. Á flestum sjónvarpsfjarstýringum er skipt milli HDMI tengja með því að ýta á takka merktur Source eða Input (sjá dæmi) og nota örvatakka á fjarstýringunni  til að velja á milli HDMI rása.  

Dæmi um Source eða Input takka
input_takki

5. Myndlykillinn kveikir á sér sjálfur og upp kemur skjár sem á stendur „Bíðið augnablik“.

Eftir stutta stund ætti viðmótið á Sjónvarpi Símans að birtast. Ef viðmótið birtist ekki gæti þurft að kveikja á myndlyklinum með fjarstýringunni.

Sagemcom 4k

Hvernig tengi ég myndlykil ef beinir er á öðrum stað í húsinu?

Hægt er að kaupa svokallaðar Videóbrýr sem senda netmerkið þráðlaust sín á milli. 

 

Þráðlaus myndlykill

Upplýsingar um virkni

  • Virkar eingöngu Sagemcom 4k myndlykillinn á þráðlausu neti.
  • Myndlyklar tengdir þráðlaust hafa takmarkað stöðvaframboð og notkun á honum telur í gagnamagnsnotkun.
  • Þráðlaus myndlykill sýnir þær áskriftir sem þú ert með en þó mest 18 stöðvar sem raðað er eftir vinsældum. Stöðvarnar eru RÚV, Sjónvarp Símans, Stöð 2, N4, Eurosport, Eurosport 2, Stöð2 sport, Stöð2 sport2, DR1, SVT1, History Channel, Discovery, National Geographic, Sky News, Boomerang, E, RÚV 2, NRK1. Einnig er hægt að horfa á Sjónvarp Símans Premium, Frelsi, SíminnBíó og SíminnKrakkar.
  • Það er hægt er að nota myndlykilinn þráðlaust heima við. Þá telur notkunin af inniföldu gagnamagni. Við mælum þó með að tengja myndlykil frekar beint við beini. Þá er notkunin ekki tengd við gagnamagnið og engar takmarkanir á sjónvarpsþjónustunni.
  • Ef þú ætlar að tengja hann í gegnum farsímanet (3G/4G) gæti verið hagstætt að breyta áskriftarpökkum þínum í samræmi við notkun. Hægt er að sjá pakkana sem eru í boði hér.

Hvað fylgir með í kassanum?

  • Myndlykillinn
  • Straumbreytir
  • Netsnúra
  • HDMI snúra
  • Leiðarvísir

Hvernig tengi ég myndlykilinn

1. Staðsettu myndlykil sem næst beininum þínum eða símanum sem myndlykillinn á að tengjast við. Ef það er ekki nógu góð þráðlaus tenging milli myndlykils og netbúnaðar geta komið truflanir á útsendingunni.

2. Byrjaðu á að tengja HDMI snúru milli myndlykilsins og sjónvarpsins.

3. Kveiktu á sjónvarpinu og stilltu á rétta HDMI rás. Á flestum sjónvörpum stendur við HDMI tengið þar sem þú tengdir snúruna, númer hvað HDMI rásin er.

4. Tengdu straumbreytinn við myndlykilinn og settu í samband við rafmagn.

5. Á skjánum mun koma tilkynning um að netsamband náist ekki og þarf þá að ýta á „Menu“ til að fara í stillingar á þráðlausu neti.

6. Fylgdu leiðbeiningunum sem koma á skjáinn hvernig þú tengir myndlykilinn þráðlaust.

Eftir stutta stund kemur upp viðmót Sjónvarps Símans.

Mynd og hljómgæði

Myndlykillinn aðlagar myndgæðin eftir því hversu hröð nettengingin er. Ef hraði fer niður á tengingunni þá minnka gæðin í kjölfarið, eins ef hraðinn eykst aukast gæðin á útsendingunni. Yfir gott netsamband getur streymið verið að nota allt að 2 GB af gagnamagni á klukkustund. Það er því mikilvægt að vera með rétta áskrift á netbúnaðinum.

Við mælum með að fylgjast vel með gagnamagnsnotkun þinni og breyta áskriftum ef þess þarf. Við mælum með því að tengja myndlykilinn í gegnum 4G búnað eins og 4G router eða slíkt, hægt er að skoða úrvalið sem er í boði hjá Símanum í vefverslun okkar.

Myndlykillinn styður Dolby hljómgæði, framleitt samkvæmt leyfi frá Dolby Laboratories. Dolby, Dolby Audio og tvöfalda D-táknið eru vörumerki Dolby Laboratories.

Sagemcom 4K

Sjónvarp Símans með þér í fríið

Sagemcom 4K er þráðlaus myndlykill sem hægt er að nálgast í næstu verslun Símans. Hann sýnir sama viðmót og er heima í stofu. Myndgæðin laga sig að þeirra bandbreidd sem er í boði. Yfir gott samband getur streymið tekið allt að 2 GB gagnamagn á klukkustund.