"
Nú þegar aðgerðir vegna COVID-19 hafa verið hertar á landinu öllu höfum við þurft að breyta enn frekar hvernig verslanir Símans sinna viðskiptavinum okkar.
Verslanir munu nú aðeins sýsla með afhendingar á búnaði, útskiptingum á búnaði og sölu á tækjum og tólum. Allt sem hægt er að afgreiða með símtali í 800 7000 eða netspjalli á siminn.is óskum við eftir að fari þá leið. Það á því við um tæknilega aðstoð og fyrirspurnir og allt sem viðkemur reikningum og öðru.
Vefverslun Símans er auðvitað opin allan sólarhringinn og pantanir þaðan eru sendar beint heim að dyrum, því má mæla með stafrænni heimsókn þangað.
Við minnum á að grímuskylda er í gildi í verslunum Símans eins og áður. Hægt er að taka númer á numer.siminn.is fyrir verslanir Símans og þannig bíða úti í bíl í rólegheitum þangað til að röðin kemur að þér í stað þess að bíða utandyra.
Síminn þakkar öllum viðskiptavinum fyrir skilninginn, það hefur gengið vel hingað til að halda verslunum Símans opnum við krefjandi aðstæður í góðu samstarfi við viðskiptavini okkar. Saman förum við í gegnum þetta.
