Þóra Karítas hittir fyrir þjóðþekkta einstaklinga í þáttaröðinni Hver ertu? Þetta eru Lilja Pálmadóttir, Hannes Þór Halldórsson, Ágústa Eva Erlendsdóttir, Unnsteinn Manúel Stefánsson, Hera Hilmarsdóttir og Bogi Ágústsson.
Við teljum okkur þekkja þessa einstaklinga ágætlega, höfum myndað okkur skoðanir á þeim en hvað vitum við um þau og hvað vita þau sjálf um uppruna sinn? Við förum í ferðalag með þessu ágæta fólki um slóðir fortíðar og upprunans, stundum torfarnar slóðir og finnum ræturnar.
Við fáum svör við spurningum sem stundum svala forvitninni og stundum varpa ljósi á áður óþekkta hluti. Þættirnir bjóða upp á skemmtilegt og fræðandi ferðalag með ykkar besta fólki hérlendis og erlendis. Hverra manna eru þau, hverjar eru ættir þeirra, eru forfeður þeirra snillingar, draumórafólk, letingjar eða dugnaðarforkar.
Allir eiga sér sögu ef grannt er skoðað, og oft á tíðum merkilega og áhugaverða. Við ætlum að draga fram sögur um okkar fólk, gera þær ljóslifandi, með það eitt í huga að skrásetja og varðveita þann fjársjóð sem hver og einn á í fólkinu sínu og lífshlaupi.
LILJA PÁLMADÓTTIR:
Hver er Lilja Pálmadóttir. Heimsborgari sem gerðist hestabóndi ? Fagurkeri í stígvélum? Margir vita hver hún er, en fáir þekkja hana í raun og veru.
HANNES ÞÓR HALLDÓRSSON:
Hver er þessi geðugi markmaður og auglýsingastjóri. Eru forfeður hans eintóm ljúfmenni eða leynist eitthvað óvænt í ættartrénu. Við skoðum markmanninn með stóra baklandið.
ÁGÚSTA EVA ERLENDSDÓTTIR:
Söng og leikkonan með dularfulla brosið. Hver er hún og hvaðan kemur hún? Er hún reiðubúin í ferðalag til fortíðar, sama hvað kemur í ljós?
UNNSTEINN MANÚEL STEFÁNSSON:
Maður tveggja heimsálfa, stórættaður í báðum álfum. Unnsteinn Manúel á áhugaverða sögu þótt ungur sé. Við heimsækjum fjarlæg lönd í þessum þætti og komumst að ýmsu óvæntu.
HERA HILMARSDÓTTIR:
Leikkonan Hera er hlédræg og með báða fætur á jörðinni. Forfeður og- mæður hennar voru umsvifamikil á okkar landi á síðustu öld. Hera á framtíðina fyrir sér en er hún tilbúin að skoða fortíðina?
BOGI ÁGÚSTSSON:
Bogi Ágústsson talar til þjóðarinnar á hverju kvöldi. Hann er vinur okkar allra en hvað vitum við um hann? Leynist drama í ættarsögu þessa dagfarsprúða fréttaþular og Kr ings úr vesturbænum?
