Panta
Nafn á þjónustu
Undirtexti á
Þjónustuvefnum.
Nafn
Kennitala
Netfang
Símanúmer
Heimilisfang
Skilaboð
Texti undir formi
Texti2 undir formi
Texti falinn
Ertu hjá Símanum?
Færslu/útskriftargjald bætist á reikning skv. verðskrá.
0
kr.
mán.
Takk fyrir!
Við munum hafa samband eins fljótt og unnt er.
Úps!
Eitthvað hefur farið úrskeiðis. Vinsamlegast endurhlaða síðu og reyndu aftur.
Fréttir
2021-09-15

Apple kynning

Vinir okkar hjá Apple voru með kynningu í gær og eins og alltaf á haustin var verið að kynna nýja síma en einnig kynntu þau uppfærðar iPad spjaldtölvur, nýtt Apple úr og fleira. Rennum aðeins yfir hvað var kynnt.

Apple kynningApple kynning

Vinir okkar hjá Apple voru með kynningu í gær og eins og alltaf á haustin var verið að kynna nýja síma en einnig kynntu þau uppfærðar iPad spjaldtölvur, nýtt Apple úr og fleira. Rennum aðeins yfir hvað var kynnt.

iPhone kynningu haustsins er lokið, Apple kynnti fullt af flottum nýjungum en nýr iPhone 13 og nýtt Apple Watch er eflaust það sem flest okkar biðum eftir.

Ef þú hefur ekki áhuga á löngum lestri má benda á umfjöllun The Verge þar sem rennt er yfir allt það helsta á 15 mínútum.

Nýju símanir koma formlega í sölu hjá Símanum föstudaginn 8. október. Mögulega fer fram forskráning sem verður auglýst þegar nær dregur.

iPhone 13

Stærð iPhone helst óbreytt, það er hin hefðbundna 6,1“ stærð og svo er það hinn netti en samt öflugi iPhone 13 Mini sem er 5,4“ að stærð. Skjárinn er uppfærður lítillega og getur orðið enn bjartari ásamt því að svarti ramminn fyrir myndavélarnar að framan hefur verið minnkaður.

Nýr örgjörvi er í iPhone 13, A15 Bionic sem Apple segja vera enn hraðari og eyða minna af rafhlöðunni en áður og skv. Apple er um að ræða hraðasta snjallsíma örgjörva í heimi.

Ekkert nema jákvæðar fréttir má segja um rafhlöðuna en iPhone 13 Mini sem dæmi á að endast 90 mínútum lengur en forveri hans á meðan iPhone 13 ætti að ná tveimur og hálfum tíma lengur þökk sé stærri rafhlöðu, betri orkunýtingu hins nýja örgjörva og einhverra forritunar galdra í iOS.

Stærsta breytingin á iPhone 13 eru þó myndavélarnar. Myndavélatæknin úr iPhone 12 Pro Max eru nú komin í iPhone 13 og þannig er mætt talsvert öflugri myndflaga en áður til að taka inn gögn og upplýsingar frá linsunni sem gerir símanum kleift að taka betri og skarpari myndir, taka inn meira ljós og þannig taka betri myndir þar sem dimmt er og skilyrði til myndatöku ekkert endilega upp á sitt besta.

Um er að ræða 12MP venjulega linsu, 12MP ofurvíðlinsu og iPhone 13 notar sérstaka tækni sem gerir mynd flögunni kleift að hreyfast til inni í símanum með hreyfingum þínum sem á að minnka hristing og annað.

iPhone 13 kemur í 128 GB, 256 GB og 512 GB útgáfum og fimm litir verða í boði.

iPhone 13 er frábær uppfærsla á annars fullkomnu tæki, hér er búið að besta og skerpa á hlutum og alltaf vill maður betri myndavél sem sannarlega er hér á ferðinni.

iPhone 13 Pro / iPhone 13 Pro Max

Stærri símanir fá líka að vera með, iPhone 13 Pro og iPhone 13 Pro Max fá líka A15 Bionic örgjörva, þrjár nýjar myndavélar, enn betri skjá og stærri rafhlöðu.

Byrjum á skjánum. Loksins eru hér mættir iPhone símar með 120Hz skjá. Hærri hertz tala þýðir að skjárinn endurnýjar og teiknar allt upp aftur sem birtist á skjánum. 120 Hz endurnýjunartíðni færir því notandanum enn fumlausari og snarpari hreyfingar og þannig virðist allt vera hraðara, fallegra og bara betra. Og skjárinn færir sig sjálfvirkt frá 10Hz og upp í 120Hz allt eftir hvað er í gangi. Skjárinn er líka bjartari en nokkru sinni fyrr, getur farið allt upp í 1000 nits.
Þegar maður hefur upplifað skjá sem getur farið upp í 120 Hz með eigin augum er ekki aftur snúið, svona eiga skjáir að vera.

Allar þrjár myndavélarnar á iPhone 13 Pro og Pro Max hafa verið uppfærðar. Venjulega linsan er enn betri þar sem birta er af skornum skammti þökk sé nýju myndflögunni, ofur víðlinsan er með betra ljósop (aperture) en áður og aðdráttarlinsan styður nú þrefaldan aðdrátt, en allt að sexfaldan með stafrænum aðdrætti. Þær styðja svo allar næturstillingu og macro ljósmyndun sem maður notar t.d. þegar mynda á mjög smáa hluti.

Einnig er möguleiki á því að taka upp myndbönd í 4K og 30 römmum á sekúndu í ProRes, sem þýðir enn meiri sveigjanleiki þegar vinna á myndböndin áfram í klippiforritum.

Geymslupláss verður 128GB og allt upp í 1TB sem er það mesta sem Apple hefur nokkru sinni sett á markað.

Apple Watch

Snjallúrin frá Apple eru frábær, en nýjasta útgáfan Series 7 kemur með nýju og uppfærðu útliti. Útlit Apple Watch hefur lítið breyst í gegnum tíðina en nú er búið að stækka skjáinn og hann flæðir betur yfir flötinn og virkar því í raun enn stærri. Stærri skjár þýðir líka að nú er hægt að nota lyklaborð á skjánum og svara þannig frá úlnliðnum með nokkrum smellum.

Allt hitt

Apple uppfærðu iPad Mini, litlu spjaldtölvuna sína sem nú er komin með betri myndavél, nýjum örgjörva og nútímalegri hönnun, sem svipar til iPad Air sem kom út í fyrra. iPad Mini styður aðra kynslóð af Apple Pencil sem hægt er að festa á hlið spjaldtölvunnar. Apple hafa svo breytt hleðslutengingu úr Lightning tengi og yfir í USB-C.

Hinn venjulegi iPad fékk svo uppfærslu líka, nýr öflugri örgjörvi og uppfærð myndavél. Hinir nýju iPad og iPad Mini styðja báðir Center Stage, þá hugbúnaðartækni Apple að myndavélin getur elt þig og passar að þú sért alltaf í ramma í FaceTime símtölum og á myndfundum.

"
No items found.