Bætt fjarskiptasamband við Litla Hrút

Síminn hefur virkjað nýjan sendistað sem bætir farsímasamband á gossvæðinu við Litla Hrút. Þannig geta þau sem heimsækja gosið, viðbragðsaðilar og vísindafólk verið í betra sambandi á gossvæðinu. Hinn nýi sendistaður er á Hafnhóli við Vatnsleysuvík en snýr í átt að gossvæðinu sem tryggir betra farsímasamband.

Uppsetning á bráðabirgðasendum sem þessum er unnin í samstarfi við Mílu, Almannavarnir, Neyðarlínuna, og önnur fjarskiptafélög en verið er að skoða frekari aðgerðir sem fara þarf í til að auka öryggi vegfarenda á svæðinu.

‍