"
Eftir að hafa verið alin upp á fjórum tungumálum, sungið fyrir allan heiminn í bráðum 30 ár og fengið að finna fyrir því að lífið er ekki alltaf dans á rósum, er Emilíana Torrini nú alsæl fjölskyldukona í Kópavogi og myndi hvergi annars staðar vilja vera.
Logi Bergmann sækir þessa mögnuðu tónlistarkonu heim í næsta þætti Með Loga og þau ræða allt milli himins og jarðar, um sorg jafnt sem sigra, lífið án geðheilsu, gleði, sannleika og lygar.
Þátturinn kemur í Sjónvarp Símans Premium fimmtudaginn 11.mars og er sýndur í opinni dagskrá sama kvöld.
