Eva Ruža mætir í Sjónvarp Símans

Í þáttunum mun Eva Ruža fá til sín góða gesti í beina útsendingu til að kryfja allt það helsta í heimi raunveruleikasjónvarps. Þættirnir verða í opinni dagskrá á Sjónvarp Símans rásinni sem er aðgengileg öllum í gegnum Sjónvarp Símans appið og munu svo í kjölfarið fara inn í Sjónvarp Símans Premium!

Þættirnir verða í sýningu seinasta miðvikudag hvers mánaðar og verður farið yfir allt það helsta í viðtækum heimi raunveruleikasjónvarpsins þann mánuðinn. Í fyrsta þætti verða engin önnur en Eva Laufey Kjaran og Hjálmar Örn gestir og ætla þau að fara í saumana á dramatíkinni í Love Island All Stars, Real Housewives of Beverly Hills og Below Deck!