Horfðu til góðs á síðustu Fiskidagstónleikana

Á annan í jólum koma stórtónleikar Fiskidagsins mikla á Dalvík 2023 í Sjónvarp Símans en tónleikarnir verða aðgengilegir fyrir alla áskrifendur með Sjónvarp Símans Premium. Síminn hefur ákveðið að leggja til 100kr. fyrir hverja spilun til Slysavarnafélagsins Landsbjargar í formi styrkjar til að þakka fyrir það góða starf sem þar er unnið. Mikið hefur mætt á félaginu og fjölmörgum sjálfboðaliðum þeirra undanfarna mánuði en ávalt eru þau til staðar þegar mest á reynir.Tónleikarnir voru haldnir í boði Samherja í ágúst síðastliðnum en hægt verður að spila þessa frábæru tónleika skemmtun út janúar 2024. Um er að ræða einhverju stærstu tónleika ársins þar sem engu var til sparað og rjómi íslensks tónlistarfólks stígur á stokk til að skemmta þeim fjölmörgu sem sóttu Dalvíkinga heim og njóta alls þess sem Fiskidagurinn bíður upp á. Með því að horfa á þessa stórtónleika styrkja áskrifendur Sjónvarps Símans Premium um leið það göfuga starf sem Landsbjörg sinnir um allt land.