Samsung Unpacked er nú lokið en þar sviptu Samsung hulunni af því sem þau hafa verið að vinna að síðustu misserin. Samanbrjótanlegir snjallsímar voru þemað að þessu sinni, næsta kynslóð snjallsíma virðist vera að fara í þá átt og Samsung hafa þar verið leiðandi. Þess vegna var spennandi að sjá þau sýna okkur afrakstur vinnu sinnar og sýna okkur hversu langt þessi tækni er nú komin.
Þau kynntu tvo nýja síma, Samsung Galaxy Z Fold 4 og Samsung Galaxy Z Flip 4. Einnig kynntu þau tvenn ný snjallúr, Galaxy Watch 5 og Galaxy Watch 5 Pro ásamt nýjum þráðlausum heyrnartólum, Samsung Galaxy Buds 2 Pro.
Ef þú vilt horfa á stutta umfjöllun um hvað var kynnt í stað þess að lesa þennan texta bendum við á myndband The Verge á YouTube.
Forsalan á Samsung Galaxy Z Fold 4 og Samsung Galaxy Z Flip 4 er hafin í vefverslun Símans.
Samsung Galaxy Z Fold 4
Galaxy Z Fold 4 er flaggskipið, besti og fullkomnasti samanbrjótanlegi snjallsími sem til er, búið er að ítra hönnun fyrri ára og gera góðan síma enn betri. Fold 4 er nettari að sjá en forverar hans og ögn léttari. Hann er búinn Snapdragon 8 Plus Gen 1 örgjörva, þeim besta sem völ er á í dag sem gerir alla vinnslu leikandi létta ásamt því að 12 GB vinnsluminni gera alla upplifun hnökralausa sama hvort tækið er lokað eða opið.
Þegar síminn er lokaður virkar hann eins og venjulegur snjallsími, með 6,2“ skjá en þegar maður opnar hann breytist snjallsíminn í 7,6“ ofurtæki sem mætti helst líkja við netta spjaldtölvu. Bæði framhliðin og stóri skjárinn eru AMOLED skjáir með 120Hz endurnýjunartíðni eins og alvöru flaggskipum sæmir, því hærri sem tíðnin er því betra en hann styður líka HDR10+. Skjárinn hefur einnig verið styrktur sérstaklega til að endast í daglegri notkun, 45% sterkari skv. Samsung þökk sé styrktu næfurþunnu gleri.
Samsung hafa einnig uppfært og bætt One UI viðmótið á símanum þannig að enn þægilegra er að hafa mörg forrit opin í einu og vinna á milli þeirra. Þannig mætti segja að hann færist nær því að vera lítil fartölva eða því sem næst.
Myndavélin að aftan er 50 megapixlar, mikilvæg uppfærsla ásamt því að þar má finna 3x aðdráttarlinsu, víðlinsu og ofurvíðlinsu ásamt því að hægt er að taka upp 4K myndbönd í 60 römmum á sekúndu.
Samsung Galaxy Z Flip 4
Flip 4 er minni og nettari samanbrjótanlegi síminn, sem verður að nær engu þegar hann er brotinn saman en þegar hann er opnast birtist 6,7“ Super AMOLED skjár sem styður 120hz endurnýjunartíðni og HDR fyrir enn hvítari hvítan og enn dekkri svartan lit.
Undir húddinu má finna Snapdragon 8 Plus Gen 1 örgjörva ásamt 8GB af vinnsluminni sem þýðir að allt mun keyra hnökralaust áfram, sama hvað þú ert með mörg forrit opin eða hvað þú ert að sýsla. Flip 4 er orðin enn nettari í hendi en forverar hans ásamt því að búið er að styrkja hjarir og gler.
Þegar Flip 4 er lokaður er lítill 1.9“ skjár þar sem hægt er að sjá allar tilkynningar og helstu upplýsingar án þess að þurfa að opna símann. Lokaður lætur Flip 4 nefnilega ekki mikið fyrir sér fara og passar vel í töskur og vasa en um leið og maður opnar hann birtist frábær snjallsími sem nú er með stærri rafhlöðu en áður, hann hleður sig líka hraðar og hann styður þráðlausa hleðslu.
Myndavélin, 12 megapixla er keyrð áfram af stærri myndflögu en áður ásamt 12 megapixla víðlinsu og 10 megapixla myndavél að framan fyrir sjálfurnar.
Samsung snjallúr
Samsung kynntu tvenn ný snjallúr á Unpacked í ár, Samsung Galaxy Watch 5 og Watch 5 Pro. Í fyrra þegar Samsung kynntu Watch 4 var mikil spenna og eftirvænting í loftinu enda er Watch 4 rétt eins og nýju úrin að keyra á Wear OS, stýrikerfi frá Google sem er sérhannað fyrir snjallúr en Samsung og Google hófu samstarf og sameina þannig krafta sína til að hanna frábær snjallúr með öllu því helsta sem talar óaðfinnanlega við Android snjallsíma.
Samsung Galaxy Watch 5 kemur í tveimur stærðum, 40mm og 44mm en Galaxy 5 Pro kemur aðeins í 45mm útgáfu. Bæði úrin eru einnig með nýjum nema sem skila enn betri mælingum þegar kemur að hjartslætti, súrefnismettun, svefnmælingum og fleiru. Rafhlöðurnar í báðum úrum eru einnig stærri en áður og þau eru fljótari að hlaða sig, allt jákvæðar breytingar.
Google Assistant, Google Maps, Spotify, Strava og fleiri þjónustur eru allar í boði á Galaxy Watch og úrið lætur vita ef forrit fyrir úrið eru í boði eftir því hvaða forrit þú ert með uppsett á símanum þínum, enn fleiri forrit má svo finna í Play Store ásamt því að einfalt er að breyta útliti úrsins en ótrúlegt fjölbreytt úrval útlita má finna í Play Store til að breyta útliti skjásins.
Galaxy Watch 5 Pro er stærra en Watch 5 og hentar áhugafólki um útivist og hlaup sérstaklega. Watch 5 Pro er með styrktu gleri og styður GPX skrár þannig að hægt er að setja þær inn í úrið fyrir leiðarlýsingar og það hjálpar þér að snúa við og fara sömu leið til baka ef þú villist af leið.
Heyrnartól
Samsung kynntu einnig ný þráðlaus heyrnartól, Samsung Galaxy Buds 2 Pro. Buds 2 Pro eru minni og þægilegri en fyrri útgáfa og þau styðja 24 bita hljóðspilun sem er nýjung sem þýðir enn meiri hljóðgæði.
Nýju heyrnartólin eru 15% minni en fyrri útgáfa og sérstök loftgöt má finna á þeim sem einfaldar langvarandi notkun og möguleg óþægindi sem gætu skapast af því að hafa þau lengi í notkun í einu svo loft geti auðveldlega farið inn og út um eyrun þín.
Yfir 90% plasts í Galaxy Buds 2 Pro eru úr endurunnu plasti og rafhlaðan ætti að endast um 5 klukkustundir í stöðugri afspilun með ANC (Active Noise Cancelling sem lokar á umhverfishljóð) í gangi en 8 klukkustundir án ANC. Galaxy Buds 2 Pro eru frábær viðbót með Fold 4 og Flip 4 eða hvaða Samsung síma sem er.
