IoT Hlutanet

Hvað er IoT?

Hlutanet (IoT) er í sinni einföldustu mynd er kerfi nettengdra tækja sem hafa þann eiginleika að safna saman upplýsingum, skiptast á upplýsingum og senda þær áfram.

Mælar, nemar, rofar og í raun hvaða tæki sem er verður snjallt með hjálp tækninnar og tengist internetinu eða lokuðu neti fyrirtækja. Þannig verður hægt að stýra tækjum og vinna úr öllum þeim gögnum sem tækin safna. Með hjálp hlutanets er hægt að bregðast fljótt við því sem gögnin sýna, finna ný tækifæri og ná fram auknu hagræði í rekstri.

Hlutanet nýtist í öllum geirum. Tækifærin eru mörg í t.d. framleiðslu, flutningum, heimilum, í heilbrigðiskerfinu, í landbúnaði, jarðfræði og svo mætti lengi telja.

Hlutverk Símans í sítengdum heimi er að veita fjölbreytt úrval tæknilausna til að koma allri þessari umferð örugglega á milli staða sem best. Hvort sem um er að ræða ljósleiðara eða xDSL, 3G, 4G og sérhæfðar NB-IOT (Narrowband), Cat-M eða gervihnattalausnir getur Síminn tryggt að upplýsingarnar sem þú safnar saman komist hnökralaust áfram.

Með NB-IoT sem er hluti af farsímakerfi Símans opnast fyrir möguleika eins og að ná til staða sem fjarskipti eru erfið og farsímamerki almennt næst illa. Góð orkustýring gerir svo tækjum kleift að endast í fjöldamörg ár sem sparar rekstrarkostnað tengdum rafhlöðuskiptum.

Kerfið getur einnig nýtt sér 700Mhz tíðnisvið sem Síminn einn getur boðið sem bætir langdrægni til muna, þannig getur tæki í allt að 100km fjarlægð náð sambandi við bestu aðstæður.

Mikilvægt er að vanda val á búnaði svo hann virki sem best við þær aðstæður sem honum er ætlaður í. Skiptir engu hvort að tækin noti hefðbundin SIM kort eða eSIM, Síminn styður bæði. Hægt er að hafa góða yfirsýn á Þjónustuvef Símans eða í gegnum hefðbundin vefskil (API) sem tengd eru við kerfi fyrirtækja.

Fjölmörg verkefni, bæði hjá fyrirtækjum og í háskólasamfélaginu hafa gefið góða raun um möguleika hlutaneta. Þannig hefur mikil reynsla og þekking orðið til hjá starfsfólki Símans í fjölmörgum ólíkum verkefnum.