Fréttir

Allt það helsta um iPhone 12

Apple kynnti í gær næstu iPhone síma, alls fjóra nýja síma sem kallast iPhone 12, iPhone 12 mini, iPhone 12 Pro og iPhone 12 Max. Þessi nýja kynslóð iPhone síma kynnir uppfærða hönnun til leiks, nýja útlitið leitar til fyrri tíma og minnir talsvert á iPhone 4 og iPhone 5. iPhone 12 línan öll færir okkur kristaltæra OLED skjái með keramik húð sem á að verja skjáinn betur en áður, A14 Bionic örgjörva sem Apple segir 15% hraðari en fyrri kynslóð og auðvitað uppfærðar myndavélar. 5G er líka fasti í öllum iPhone 12 símum, 5G eða fimmta kynslóð farsímakerfa er að takast á loft þó einhvern tíma muni taka að ná því sem víðast.

iPhone 12 er svo með eitthvað sem kallast „Smart Data Mode“ en með því velur síminn að nota 4G telji hann það henta betur umfram 5G.

En rennum nú aðeins yfir hvaða fjórir símar þetta eru.

 Allt það helsta um iPhone 12 Allt það helsta um iPhone 12

Apple kynnti í gær næstu iPhone síma, alls fjóra nýja síma sem kallast iPhone 12, iPhone 12 mini, iPhone 12 Pro og iPhone 12 Max. Þessi nýja kynslóð iPhone síma kynnir uppfærða hönnun til leiks, nýja útlitið leitar til fyrri tíma og minnir talsvert á iPhone 4 og iPhone 5. iPhone 12 línan öll færir okkur kristaltæra OLED skjái með keramik húð sem á að verja skjáinn betur en áður, A14 Bionic örgjörva sem Apple segir 15% hraðari en fyrri kynslóð og auðvitað uppfærðar myndavélar. 5G er líka fasti í öllum iPhone 12 símum, 5G eða fimmta kynslóð farsímakerfa er að takast á loft þó einhvern tíma muni taka að ná því sem víðast.

iPhone 12 er svo með eitthvað sem kallast „Smart Data Mode“ en með því velur síminn að nota 4G telji hann það henta betur umfram 5G.

En rennum nú aðeins yfir hvaða fjórir símar þetta eru.

iPhone 12

6.1“ OLED skjár með nýrri 12MP myndavél með uppfærðu f/1.6 ljósopi ásamt víðlinsu. Uppfærða myndavélin á að vera enn betri að taka góðar myndir þar sem birta er af skornum skammti, eitthvað sem verður spennandi að prófa þar sem iPhone 11 var fyrir ansi lúnkinn að ná góðum myndum að kvöldi til.

Myndavélin að framan mun sömuleiðis fá Night Mode stuðning og geta tekið fínar sjálfur í lítilli birtu. Myndavélin er sömuleiðis hraðari en nokkru sinni fyrr.

Nýji OLED skjárinn styður HDR10, HLG og Dolby Vision og hentar því afskaplega vel fyrir spilun á myndefni sem styður þetta aukna birtustig eins og t.d. á Netflix og YouTube. HDR10, HLG og Dolby Vision eru staðlar sem gera skjánum kleift að sýna enn hvítari hvítan og svartari svartan, myndefni sem styður þessa staðla lítur talsvert betur og úrval af slíku efni er alltaf að aukast.

Forpöntun á iPhone 12 hefst 23. október og forpöntuð tæki verða afhent 30. október. Athugið er að takmarkað magn verður í boði og því miður verður ekki hægt að ábyrgjast að allir forpantanir skili sér á þeim degi.

"

iPhone 12 mini

iPhone 12 mini er alveg eins og iPhone 12, með öllu því nýja og fína sem með honum kemur nema í minna tæki. iPhone 12 mini er með 5.4“ OLED skjá og frábær viðbót í iPhone flóruna.

Þegar símar hafa verið að stækka og stækka síðustu ár er frábært að fá minna og léttara tæki sem gefur samt ekkert eftir þegar kemur að eiginleikum og virkni.

Forpöntun á iPhone 12 mini hefst 6. nóvember og forpöntuð tæki verða afhent 13. nóvember. Athugið er að takmarkað magn verður í boði og því miður verður ekki hægt að ábyrgjast að allir forpantanir skili sér á þeim degi.

No items found.

iPhone 12 Pro og iPhone 12 Pro Max

iPhone 12 Pro og Pro Max eru stærri og meiri símar, hér hafa verkfræðingar Apple tjaldað öllu til sem þau hafa þróað og skellt í öflugustu iPhone síma frá upphafi.

iPhone 12 Pro er með 6.1“ skjá á meðan Pro Max er 6.7“. Rammi símanna er úr burstuðu stáli og tækin hafa LiDAR nema. LiDAR er á mannamáli leysigeisla ratsjá sem mun hjálpa myndavélum símanna að ná enn betri fókus að næturlagi en ratsjána má líka nota til að skynja fjarlægðir og skilja rými betur sem mun gera viðbættan veruleika (Augmented Reality) enn betri. Það verður áhugavert að sjá allskonar öpp nýta sér þennan LiDAR eiginleika til að gera skemmtilega hluti með viðbættum veruleika.

Báðir símarnir hafa keramik húð yfir skjánum sem Apple segir sterkustu vörn sem nokkru sinni hafi verið sett á snjallsíma sem vonandi mun verja símana betur fyrir hnjaski. Skjáir beggja síma eru með Super Retina XDR tækni og styðja HDR og Dolby Vision.

Þrjár myndavélar eru á bakhlið símanna. 12MP víðlinsa, 12MP ultravíðlinsa og svo aðdráttarlinsa.  Pro Max síminn er með stærri myndflögu en hinir símarnir sem þýðir meiri gæði og enn betri myndir við verri birtuskilyrði.

Stóru símarnir tveir nýta svo Deep Fusion tækni Apple þar sem gervigreind er notuð til að ná enn bjartari og skarpari litum ásamt því að áhugafólk um ljósmyndun mun kunna að meta að símarnir tveir styðja Apple ProRAW ásamt því að hægt er að taka og klippa myndbönd í 10 bita Dolby Vision sem engin annar snjallsími getur í dag.

Forpöntun á iPhone 12 Pro hefst 23. október og forpöntuð tæki verða afhent 30. október.

Forpöntun á iPhone 12 Pro Max hefst 6. nóvember og forpöntuð tæki verða afhent 13. nóvember. Athugið er að takmarkað magn verður í boði og því miður verður ekki hægt að ábyrgjast að allir forpantanir skili sér á þeim degi.