Ný þáttaröð Með Loga er farin af stað og telur hún sex þætti. Fyrri þáttaraðir hafa vakið talsverða lukku en Logi Bergmann Eiðsson stýrir þessum skemmtilega viðtalsþætti. Hann fær til sín spennandi og áhrifamikla einstaklinga sem teknir eru tali með einlægum en léttum hætti eins og Loga einum er lagið.
"
Það eru mikil forréttindi að fá að velja sér fólk í svona þátt, gefa sér tíma og geta aðeins dvalið við hluti. Venjuleg viðtöl eru stutt, 5-10 mínútur, og um eitthvað ákveðið. Þetta er meira samtal en viðtal og um allt mögulegt. Það er líka frábært að vera í Gamla bíói. Það er mikil saga í húsinu og við náum að breyta því eftir okkar þörfum en samt halda í karakterinn,“ segir Logi.
