Lokun 2G og 3G

Síminn eins og önnur fjarskiptafélög á Íslandi hefur tilkynnt um lokun á 2G og 3G farsímakerfum sínum. Áætlað er að þau kveðji með öllu í lok árs 2025 en kerfin eru komin til ára sinna og hafa sinnt hlutverki sínu með miklum sóma um allt land í fjölda ára.
‍

Ný og betri tækni tekur við keflinu sem færir viðskiptavinum Símans meiri hraða, lægri svartíma og betri upplifun að öllu leiti. Innviðir farsímakerfa eru takmörkuð auðlind og rýma þarf það þau tíðnisvið sem eldri kerfin nýta til að skapa pláss fyrir nýjustu sem og framtíðartækni.
‍

Lokun 2G og 3G getur haft áhrif á einstaklinga og fyrirtæki ef þau eru að notast við búnað sem ekki styður 4G og nýrri tækni. Þannig geta mælar, öryggiskerfi, neyðarsímar, öryggishnappar og fjarstýrð tæki sem notast við farsímakerfin hætt að virka ef þau styðja ekki við nýrri tækni.
‍

Við hvetjum því viðskiptavini Símans til að kanna málin í tíma og bregðast við ef þarf svo truflanir verði ekki þegar loks verður slökkt í lok árs 2025.

‍