"
Sigga Beinteins á stað í hjarta okkar allra enda hefur kraftmikil rödd hennar hljómað hátt og víða, svo áratugum skiptir. Hún er næsti gestur Loga Bergmanns í nýjustu þáttaröðinni af Með Loga og tekur á móti honum á heimili sínu, fer með honum í bíltúr þar sem þau ræða heima og geima og lífsins áskoranir um leið og þau leita að æskuheimili hennar í Elliðaárdalnum þar sem hún ólst upp í stórum systkinahópi í pínulitlu húsi.
Þátturinn kemur í Sjónvarp Símans Premium fimmtudaginn 25.febrúar og er sýndur í opinni dagskrá kl. 20 sama dag.
