Stór ævintýri á íslensku

Leggjum af stað í björgunarleiðangur með Hvolpasveitinni, syngjum með Lubba, könnum heiminn með Dóru eða eigum bíóstund með Paddington. Barnaefnið í Sjónvarpi Símans Premium spannar tónlist, fræðslu, grín og ævintýri.

Að baki framboðinu liggur áhersla á íslenska tungu og innlenda dagskrárgerð. Síminn hefur staðið að framleiðslu barnaefnis á borð við Lubbi finnur málbein, Sólon, Bestu lög barnanna og Ævintýri Tulipop, auk upptaka á leiksýningum og fleiri verkefna fyrir yngstu áhorfendurna. Samhliða lætur Síminn talsetja hundruð erlendra þátta á íslensku.

Íslenskan hluti af leiknum
Íslenskt barnaefni gefur börnum tækifæri til að heyra eigið tungumál í sögum, söng og leik. Í Lubbi finnur málbein er leikið með málhljóðin, Bestu lög barnanna bjóða upp á söngstundir og hjá Sólon og í heimi Tulipop taka litríkar persónur á móti áhorfendum.

Í úrvalinu eru líka Vísinda Villi, Latibær og Söngvaborg. Þar geta börn fengið útrás fyrir forvitnina, hreyft sig og sungið með. Leiksýningar á borð við Draumþjófinn og Ávaxtakörfuna færa svo leikhúsupplifunina heim í stofu.

Uppáhaldspersónurnar tala íslensku
Meðal þekktustu þáttaraðanna í boði eru Hvolpasveitin, Svampur Sveinsson, Dóra landkönnuður og Ninja skjaldbökurnar. Þótt persónurnar og ævintýrin séu ólík eiga þau það sameiginlegt að börnin geta fylgst með á íslensku.

Úrvalið nær langt út fyrir þessar kunnuglegu hetjur. Þar má meðal annars finna Græneðlur, Smáskrímslin, Geimvini og Hundinn Ibba, ásamt sögum sem margar kynslóðir þekkja, svo sem Línu langsokk, Ronju ræningjadóttur og Múmínálfunum. Hrúturinn Hreinn og Maggi Mörgæs eru einnig á sínum stað.

Bíóstund fyrir fjölskylduna
Þegar fjölskyldan vill velja sér kvikmynd er af nógu að taka. Paddington og Paddington 2 bjóða upp á hlýju og húmor, en Hvolpasveitin: Ofurmyndin og kvikmyndir um Svamp Sveinsson færa kunnuglegar hetjur í stærri ævintýri.

Þá má finna myndir á borð við Strumpana, Týnda tígurinn, 100% Úlf, My Little Pony: Bíómyndina og Snædrottninguna. Fjöldi kvikmynda er með íslensku tali, þannig að yngri börnin geta líka notið sögunnar án þess að þurfa að lesa texta.

Hvort sem velja á stuttan þátt, syngja saman eða koma sér fyrir í notalegri bíóstund bíða fjölmargar sögur í barnaheimi Sjónvarps Símans Premium.