Verðbreytingar hjá Símanum 1. febrúar 2021
Reykjavík 30. desember 2020
Þann 1. febrúar 2021 mun Síminn breyta nokkrum verðum á þjónustum.
Síminn hvetur viðskiptavini sína til að kynna sér þær breytingar sem þá taka gildi. Viðskiptavinum á einstaklingsmarkaði er heimilt að segja upp þjónustum sínum án skaðabóta sætti þeir sig ekki við þessar breytingar.
Við hvetjum viðskiptavini Símans til að hafa samband við okkur og fá ráðgjöf um hvort að viðkomandi sé í þeim áskriftarleiðum og þjónustum sem henta best þeirra notkun. Hægt er að opna netspjall á siminn.is, hafa samband í gegnum tölvupóst, hringja í 8007000 eða heimsækja verslanir Símans.
Við minnum líka á Þjónustuvef Símans sem veitir öllum viðskiptavinum fulla yfirsýn yfir notkun og áskriftir hvers og eins ásamt Síma appinu sem er aðgengilegt í App Store og Play Store fyrir iPhone og Android síma.
Upplýsingar um breytingar á vörum og skilmálum þeirra á fyrirtækjamarkaði er að fá hjá Fyrirtækjaþjónustu Símans í síma 800 4000. Einnig er hægt að senda tölvupóst á radgjof@siminn.is.
FARSÍMI
Nokkrar breytingar eru á farsímaáskriftum.
Þannig mun Áskrift 10 MB verða að Áskrift 1 GB og hækka um hundrað krónur, innifalið gagnamagn í þeirri áskrift mun þannig hækka úr 10 MB og verða að 1000 MB eða einu gígabæti. Hún mun því kosta 1.900 kr. í stað 1.800 kr.
Áskrift 2 GB verður að Áskrift 5 GB og mun verð hækka um 100 krónur. Þannig mun hún eftir breytingar kosta 2.700 kr í stað 2.600 kr.
Áskrift 10 GB verður að Áskrift 20 GB, gagnamagnið tvöfaldast og mun verðið hækka um 100 krónur. Mun hún því kosta 3.700 kr í stað 3.600 kr eftir breytinguna.
Áskrift 25 GB mun tvöfaldast og verða að Áskrift 50 GB. Verðið mun þó ekki tvöfaldast heldur hækka um aðeins 100 kr. Hún mun því kosta 4.900 kr. eftir breytingarnar í stað 4.800 kr.
Áskrift 50GB mun að sama skapi fá tvöfald meira innifalið gagnamagn og verða að Áskrift 100 GB en verðið mun ekki breytast. Hún mun áfram kosta 6.500 kr. sem er vel.
Þrenna, fyrirframgreidda áskriftarleiðin með safnamagni mun taka lítilsháttar breytingum.
Þrenna 10 GB mun hækka um 100 kr. og kosta 2.300 kr. í stað 2.200 kr. og Þrenna 25 GB mun einnig hækka um 100 kr. og kostar 3.300 kr. í stað 3.200 kr.
HEIMTAUG
Línugjald heimtaugar mun hækka um 50 kr. þann 1. febrúar 2021. Þannig mun línugjaldið verða 3.540 kr. í stað 3.490 kr.
Nánara yfirlit yfir þær verðbreytingar sem taka gildi þann 1. febrúar 2021 má sjá hér.
