Verðbreytingar hjá Símanum 1. janúar 2022.
Reykjavík 1. desember 2021
Þann 1. janúar 2022 mun Síminn breyta verðum á nokkrum áskriftarleiðum og aukaþjónustu.
Síminn hvetur viðskiptavini sína til að kynna sér þær breytingar sem þá taka gildi. Viðskiptavinum á einstaklingsmarkaði er heimilt að segja upp þjónustu sinni án skaðabóta sætti þeir sig ekki við þessar breytingar.
Við hvetjum viðskiptavini Símans til að hafa samband við okkur og fá ráðgjöf um hvort að viðkomandi sé í þeim áskriftarleiðum og þjónustum sem henta best þeirra notkun. Hægt er að opna netspjall á siminn.is, hafa samband í gegnum tölvupóst, hringja í 8007000 eða heimsækja verslanir Símans.
Við minnum líka á Þjónustuvef Símans sem veitir öllum viðskiptavinum fulla yfirsýn yfir notkun og áskriftir hvers og eins ásamt Síma appinu sem er aðgengilegt í App Store og Play Store fyrir iPhone og Android síma.
Upplýsingar um breytingar á vörum og skilmálum þeirra á fyrirtækjamarkaði er að fá hjá Fyrirtækjaþjónustu Símans í síma 800 4000. Einnig er hægt að senda tölvupóst á radgjof@siminn.is.
TALSÍMI
Talsíma áskriftirnar Heimasími 0 kr. mínútan POTS og ISDN, Heimasími Endalaus POTS og ISDN og Heimasími – 3 GSM númer POTS og ISDN munu hækka um 100 kr.
Aukaþjónustur fyrir talsíma sem sífellt minna eru notaðar munu einnig hækka um 100 kr. Má þar helst nefna fasta lása í t.d. 900 númer og farsíma, allt nema innanlands, farsíma og útlönd. Verðhækkunin á einnig við um kóðalása.
Aukaþjónustan höfnun á númeraleynd mun hækka um 95 kr og númeraleynd mun hækka um 102 kr.
Viðtökugjald talsíma verður fellt niður, var 2.880 kr. en mun nú verða viðskiptavinum að kostnaðarlausu.
Upphafsgjöld talsíma munu hækka um 3 kr. fyrir utan upphafsgjöld talsíma innan hópáskriftar í gervihnattasíma sem mun hækka um 4 kr.
Mínútuverð mun einnig hækka á nokkrum tegundum símtala. Má þar t.d. nefna gagna símtöl, gervihnattasímtöl, símtals- og hringiflutninga.
Heildaryfirlit um verðbreytingar fyrir talsíma má sjá hér.
HEIMTAUG
Línugjald heimtaugar mun hækka um 50 kr. og mun því verða 3.590 kr. eftir breytinguna.
INTERNET
Internet áskriftin Internet 50 GB mun hækka um 200 kr. og Internet 500 GB um 100 kr. Gagnaflutningur á heimtaug mun hækka um 100 kr. og leiga á beini (e. router) um 90 kr.
Stakt pósthólf hjá @simnet.is mun hækka um 126 kr og kosta 1.400 kr. eftir breytinguna.
Stækkun internetáskriftar í Endalaust gagnamagn mun aftur á móti lækka um 100 kr.
SJÓNVARP
Aukaopnun á myndlykli mun hækka um 100 kr og kosta 1.200 kr eftir breytinguna. Síminn Sport mun hækka um 1.000 kr og Heimur Grunnur mun hækka um 350 kr. og mun kosta 1.600 kr. Heimur Grunnur með Sjónvarpi Símans Premium eða Síminn Sport mun hækka um 300 kr.
ÞJÓNUSTA
Gjald vegna pappírs reiknings, að fá útprentaðann reikning sendan heim mun hækka um 45 kr. og kosta 395 kr.
Opnunargjald hækkar um 700 kr. og mun kosta 1.900 kr og skilmálabreyting mun hækka um 600 kr og kosta 1.900 kr. sömuleiðis.
Greiðslugjald fyrir rafræna skeytamiðlun mun hækka um 160 kr., greiðslugjald fyrir rafrænann reikning mun hækka um 30 kr. en greiðslugjald fyrir skuldfærslu í boðgreiðslu mun lækka um 70 kr. og kosta 60 kr. eftir breytinguna
Nánara yfirlit yfir allar verðbreytingar sem taka gildi þann 1. janúar 2022 má sjá hér.
