"
Aðfaranótt miðvikudagsins 21. október 2020 fer fram frekar viðamikil viðhaldsvinna við farsímakerfi Símans. Vinnan fer fram frá klukkan 01:00 til 04:00 í nokkrum skrefum. Notendur gætu því upplifað truflanir á farsímasambandi á meðan sú vinna stendur yfir.
Almennt munu notendur lítið verða varir við þessa vinnu ef allt gengur að óskum eins og alla jafnan er með vinnu sem þessa enda aðdragandi þeirra vel skipulagður og undirbúinn af tæknifólki Símans. Vinnan fer líka fram að nóttu til svo hægt sé að lágmarka þær truflanir sem gætu orðið.
Á meðan vinnan fer fram gætu notendur þó lent í mögulegum truflunum og sambandsleysi en þó aðeins í stutta stund. Mögulega gætu einhver símtæki dottið út í lengri tíma, þá ætti að duga að slökkva og kveikja á símtækinu og það ætti að detta aftur inn.
Ef ekki hefur náðst samband að morgni miðvikudagsins 21. október mælum við með því að heyra í tæknilegri aðstoð 8007000 eða yfir netspjall á siminn.is
