Hægt er að velja um tvær leiðir til að nota þjónustuna. Annars vegar að nota vefsíðu sem Síminn leggur til og hins vegar að forrita á móti kerfinu. Með því að forrita á móti kerfinu geta fyrirtæki látið sín eigin kerfi senda sms skeyti og notað sms sendingar beint í innri ferlum í innviðum fyrirtækisins. Notandinn nálgast þjónustuna með sérstöku notendanafni og lykilorði.

Hægt er að senda sms magnsendingar á hvern sem er (innlend og erlend númer) og frá hvaða tölvu sem er að því skilyrði uppfylltu að hún sé tengd Internetinu.