Áherslur Símans í sjálfbærni ganga út á að tengja kjarnann í starfsemi okkar við ábyrgð gagnvart fólki og umhverfi. Síminn leggur áherslu á arðbæran rekstur og að umgangast umhverfið og samfélagið af virðingu. Þessi áhersla felur í sér lagalega, efnahagslega og siðferðislega ábyrgð. Hér er sjálfbærniskýrsla Símans fyrir árið 2022.
Skýrslan nær yfir þá þætti sem eru tilgreindir í UFS leiðbeiningum Nasdaq
Sem leiðandi fyrirtæki á fjarskiptamarkaði á Íslandi telur Síminn það ábyrgð sína að sýna ábyrgð í allri starfsemi sinni og að þjónusta félagsins skili sem mestum ávinningi fyrir einstaklinga, fyrirtæki, umhverfið og samfélagið.
Sjálfbærnistefna Símans leitast við að lágmarka neikvæð áhrif sem af starfsemi Símans hlýst og er hún tengd við kjarnastarfsemi Símans. Þrjú heimsmarkið Sameinuðu þjóðanna hafa verið sett í forgrunn með starfsemi Símans að leiðarljósi og getu Símans til að hafa jákvæð áhrif fyrir haghafa, samfélagið og umhverfið.
Síminn er ekki undanskilinn því að sýna ábyrgð í umhverfismálum og loftslagsbreytingum. Síminn hefur skilgreint tvo megin áhættuþætti í umhverfismálum sem tengjast starfsemi félagsins, þ.e. virðiskeðjuáhrif og notkun náttúruauðlinda.
Árið 2022 var sérstakt svið sett á fót innan Símans undir heitinu sjálfbærni og menning og þannig aukinn kraftur settur í sjálfbærnivegferð félagsins. Innleiðing á umhverfisstjórnunarkerfi stendur yfir sem mun gefa Símanum aukna innsýn í sjálfbærnitengda þætti, meðal annars um raunverulega losun gróðurhúsalofttegunda með mælanlegum hætti sem mun hjálpa Símanum við alla markmiðasetningu. Greining á virðiskeðju Símans stendur yfir og í kjölfarið verða gerð birgjamöt á helstu birgjum Símans og þau hvött til að sýna í verki að sjálfbærni sé hluti af starfsemi þeirra.
Stjórn Símans ber ábyrgð á að samþykkja og viðhalda skuldbindingum Símans samkvæmt sjálfbærnistefnu félagsins. Framkvæmdastjórn Símans ber ábyrgð á innleiðingu stefnunnar í daglegum rekstri og að til staðar sé aðgerðaáætlun sem byggir á stefnu félagsins í sjálfbærni. Framkvæmdastjórn ber einnig ábyrgð á að árangur náist í samræmi við aðgerðaáætlun, ásamt því að skýrsla um árangur í átt til aukinnar sjálfbærni sé gerð árlega.
Síminn hefur frá stofnun, árið 1906, notið trausts í íslensku samfélagi þar sem miklar væntingar eru gerðar til félagsins, enda styttir þjónusta Símans fjarlægðir og gerir fólki kleift að eiga í samskiptum um heim allan. Kjarnaþjónusta Símans eru fjarskipti (fastlína, farsími, internet) til heimila og fyrirtækja ásamt sjónvarpsþjónustu sem allar eru leiðandi í íslensku fjarskiptaumhverfi. Síminn á dótturfyrirtækin Radíómiðun sem sinnir fjarskiptaþjónustu til sjávarútvegs og Síminn Pay fjártæknifyrirtæki sem býður upp á greiðslulausnir og lán óháð fjarskiptafyrirtækjum eða viðskiptabanka.
Síminn er fyrsta val margra heimila og fyrirtækja á Íslandi. Árið 2022 var Síminn leiðandi á öllum helstu fjarkskiptamörkuðum með yfir 180.00 viðskiptavini í farsíma, yfir 65.000 viðskiptavini í internetþjónustu, 47.000 viðskiptavini í sjónvarpsþjónustu og yfir 71.000 viðskiptavini í fastaneti.
Árið 2022 var ekki aðeins besta rekstrarár í sögu Símans heldur einnig ár breytinga en Síminn seldi innviðafélagið Mílu til franska innviðasjóðsins Ardian sem ásamt íslenskum lífeyrissjóðum keyptu Mílu. Mikil tækifæri felast í þessum breytingum og þannig getur Síminn orðið kvikari þjónustufyrirtæki í fjarskiptum og afþreyingu og einbeitt sér enn frekar að því að auka sjálfvirkni, sjálfsafgreiðslu og að bæta þjónustu sína enn frekar.
Síminn vill veita framúrskarandi þjónustu til viðskiptavina sinna, skapa frábært vinnuumhverfi með traustu og reynslumiklu starfsfólki sem saman byggir öruggt og traust fjarskipta- og afþreyingarkerfi sem þjónar landsmönnum öllum og vinnur í sátt við samfélagið og umhverfið.
Síminn er skráð á aðallista NASDAQ OMX Iceland og er eignarhald mjög dreift.
Síminn er meðvitaður um þau umhverfisáhrif sem fjarskiptaiðnaðurinn hefur í för með sér enda felur reksturinn í sér nokkra auðlinda- og orkunotkun tengt notkun og förgun á búnaði og tækjum sem notuð eru í starfsemi félagsins sem og hýsingu gagna í gagnaverum. Starfsemi Símans er ekki mengandi í eðli sínu og því mikilvægt að Síminn horfi til annarra þátta t.d. virðiskeðju og ábyrgrar notkunar á náttúruauðlindum. Hér á eftir má sjá skilgreindar megináhættur í starfsemi Símans ásamt markmiðum.
**Minni losun á árinu 2021 skýrist að hluta til vegna þess að samstæðan inniheldur ekki lengur fyrirtækið Sensa sem var 5% af heildarlosun ársins 2020.
Áherslur Símans í félagslegum þáttum eru nátengdar áherslum félagsins í mannauðs- og jafnréttismálum. Í þeirri stafrænu umbreytingu sem samfélagið er að ganga í gegnum liggja tækifæri fyrir Símann að láta gott af sér leiða og vera virkur þáttakandi í samfélaginu t.d. með beinni þáttöku í verkefnum háskólasamfélagsins, góðgerðarsamtaka, sprotafyrirtækja o.fl.Síminn er með virka mannauðs- og mannréttindastefnu sem stuðlar að jafnri stöðu og jöfnum tækifærum starfsfólks óháð kyni, kynhneigð, kynþætti, þjóðerni, trúarbrögðum eða lífsstíl. Síminn hlaut jafnlaunavottun Jafnréttisstofu í lok árs 2018, fyrst íslenskra fjarskiptafélaga.
Árið 2021 gaf Síminn út samskiptasáttmála sem á að vera starfsfólki leiðarljós í samskiptum sín á milli. Starfsánægja Símans hefur hækkað og stendur í 8.2 stigum af 10.
Með siðareglum birgja sem gefnar voru út árið 2021 og grænni innkaupastefnu leggur Síminn áherslu á sanngjarna og umhverfisvæna aðfangakeðju. Símanum er umhugað um að eiga góð tengsl við nærsamfélagið. Liður í því er skýr stefna í styrktarmálum. Á árinu 2021 var styrktarstefna Símans endurskoðuð og samræmd við sjálfbærnistefnu félagsins.
Árið 2022 skrifaði Síminn undir samstarf við Háskólann í Reykjavík þar sem Síminn skuldbindur sig til að greiða skólagjöld allt að fimm kvenna á ári sem stunda nám í tæknigreinum með tækifæri á að fá greidd skólagjöld út námstímann. Síminn hefur einnig stutt við jafnréttisvog FKA sem og átt samstarf við meðal annars Vertonet, Stelpur í tækni ásamt því að halda Símamótið, stærsta knattspyrnumót landsins í samstarfi við Breiðablik þar sem stelpur af landinu mæta til leiks og sýna listir sínar.
Með þessu vill Síminn stuðla að auknum fjölbreytileika, betri þjálfun vinnuafls, stuðla að virðingu í samskiptum, tryggja vellíðan og aukin lífsgæði bæði innan sem og utan Símans. Hér á eftir má sjá skilgreindar megináhættur í starfsemi Símans ásamt markmiðum.
Síminn leggur áherslu ágóða forystu og stjórnarhætti og fylgir leiðbeiningum um stjórnarhættifyrirtækja sem gefnar voru út af Viðskiptaráði Íslands, Nasdaq OMX Iceland hf.og Samtökum atvinnulífsins, 6. útgáfu frá árinu 2021. Stjórnarhættir hjá Símanummarkast einnig af lögum nr. 2/1995 um hlutafélög, samþykktum félagsins,starfsreglum stjórnar, siðareglum félagsins auk þess sem félagið hefur innleittsamkeppnisréttaráætlun sem er mikilvægur hluti af stjórnarháttum þess.
Netöryggi er órjúfanlegur þáttur í starfsemi Símans og er vernd gagna ogpersónuupplýsinga því ávallt í fyrirrúmi enda mikið af mikilvægum gögnum semverða til í fjarskiptaþjónustu. Síminn hefur lengi haft virka upplýsingaöryggisstefnusem er hluti af menningu fyrirtækisins sem styður við samfelldan rekstur ogþjónustu. Með vottuðu upplýsingaöryggiskerfi (ISO 27001) lágmarkar Síminnrekstraráhættu og hámarkar öryggi upplýsinga í eigu eða umsjón félagsins enSíminn hefur eina víðtækustu ISO 270001 vottun meðal íslenskrafjarskiptafyrirtækja. Með virkri persónuverndarstefnuleggur Síminn jafnframt áherslu á að gæta friðhelgi einkalífs starfsfólks semog viðskiptavina.
Hjá Símanum er í gildi gæðastefna en með henni er lögð áhersla á að félagiðvinni að stöðugum umbótum, lágmarki sóun og auki gæði starfseminnar,starfsfólki og samfélaginu til hagsbóta.
Með siða-og verklagsreglum um vernd uppljóstrara er einnig stuðlað að ábyrgumstjórnarháttum hjá félaginu. Hér á eftir má sjá skilgreindar megináhættur ístarfsemi Símans ásamt markmiðum.
