Sagemcom hvítur

Staðsetning beinis

Best er að staðsetja beininn sem næst símainntaki (Þetta á einungis við þá sem eru með VDSL eða ADSL) . Því styttri sem símasnúran er á milli símainntaks og beinis, því minni líkur eru á truflunum eða skertum internet hraða.

• Ef tölva eða myndlykill er staðsettur langt frá símainntaki notið þá lengri ethernetkapal frá beini í tölvu frekar en lengri símasnúru.
• Rafsegulbylgjur frá öðrum tækjum geta truflað Internet og sjónvarpsumferð. Óæskilegt er að tengja spennubreyti beinis nálægt öðrum tækjum, t.d. í fjöltengi þar sem myndlykill eða sjónvarp er tengt.
• Varist að koma búnaði fyrir nálægt stórum hlutum úr málmi, svo sem járnsúlum, tengiskápum úr járni eða bakvið járnbundna veggi svo sem steinsteyptum bílskúr.

Ef þráðlausa sambandið er slæmt á einhverjum stöðum á heimilinu getur verið nauðsynlegt að framlengja netið. Í netverslun Símans er boðið upp á lausnir sem getað hjálpað til við að leysa þetta vandamál

‍

Tenging beinis við netsamband ADSL/VDSL

• Tengið smásíu við sérhvert símtæki (Á ekki við um VDSL).
• Símasnúran skal notuð til að tengja beininn við símtengil.
• Næst er straumbreytirinn settur í samband við rafmagn og tengdur við beininn.
• Að lokum er kveikt á beininum

‍

Tenging beinis við netsamband GPON ( Ljósleiðari )

• Tengja netsnúru frá hólfi merkt LAN1 eða Ethernet1 á ljósbreytu (ONT-u) í nettengi á beini merkt WAN (rautt á litinn).
• Netsnúra skal tengd milli nettengis í tölvu og nettengis í beini.
• Næst er straumbreytirinn settur í samband við rafmagn og tengdur við beininn.
• Að lokum er kveikt á beininum.

‍

Þessi beinir styður:

• GPON – Ljósleiðara Símans.
• VDSL – Ljósnet Símans.
• DHCP – Internetauðkenningu.
• PPP – auðkenningu.
• Sjónvarps Símans með allt að 5 háskerpurásum samtímis.
• Þráðlaust net: Dual-band 2.4GHz og 5.0GHz.
• Þráðlausa staðla: meðal annars n-,g- og ac-staðla og WPA2 öryggi

‍

Uppsetning á þráðlausu neti

Sagemcom Fast5366 er með tvær tíðnir sem eru 2.4GHz og 5GHz. Beinirinn skiptir sjálfkrafa á milli þessara tíðna eftir því hvor er betri hverju sinni.

5,0GHz þráðlausa netið er allt að 5-falt hraðara en 2.4GHZ en dregur mun styttra.

Sagemcom beinirinn er með WPA2 öryggi, þetta er öflugasti öryggisstaðall í almennri notkun í dag. Hægt er að skipta um öryggisstaðal á heimasíðu beinis, en ekki er mælt með því.

Hægt er að kveikja og slökkva á þráðlausa netinu með því að halda inni efri takkanum á vinstri hliðinni á beininum í 5 sekúndur og sleppa.

Aftan á beininum er miði með upplýsingum um hvernig á að tengja sig á þráðlausa netið. Á miðanum er NAME sem er nafnið á þráðlausa netinu, PASSWORD sem er lykilorðið til að tengjast þráðlausa netinu og ACCESSKEY sem er lykilorðið til að komast inná viðmótið á beininum sjálfum.

‍

Sjónvarpsport

Á Sagemcom beininum virka öll portin fyrir annars hvort sjónvarps- eða netport og því þarf ekki að stilla það sérstaklega.

Einnig er hægt að tengja snúru úr beini (e. Router) í netdeili (e. Switch) og tengja svo í myndlykil og/eða tölvu.

‍

Hvað þýða ljósin á beininum?

Sagemcom beinirinn er með eitt ljós á sér, það er undir beininum og ef það er grænt í 120 sekúndur þá slekkur það á sér. Ef þú villt kveikja á því aftur er hægt að smella á annann hvorn takkann á hliðinni í 1 sekúndu og þá kveikir hann á ljósinu aftur.

Appelsínugult hægt blikk – beinir er að ræsa sig – auðkenning að tengjast – sync að nást.

Rautt hægt blikk – sambandslaust, mögulega ekki samband við símasnúru eða ljósleiðarabox ekki að nást inn.

Rautt stöðugt ljós – auðkenning ekki að koma inn.

Grænt stöðugt ljós – Allt er komið inn eðlilega, eftir 120 sekúndur slekkur hann á þessu ljósi og hægt er að smella á takkann á hliðinni í 1 sekúndu til að sjá græna ljósið aftur.

‍

Hvernig fer ég inn á beininn?

Til þess að fara inná beininn þarftu að hafa tæki sem er tengt við beininn, annaðhvort í gegnum þráðlaust net eða beintengt með ethernet snúru.

Því næst þarf að opna netvafra (Microsoft Edge, Mozilla Firefox, Chrome eða Safari)
Slá inn slóðina 192.168.1.254

Þegar þú ferð inná þessa síðu þá kemur upp Login gluggi, þar þarf að skrifa inn Username sem er admin og Password sem er Accesskey sem þú finnur aftan á beininum sjálfum.

Stjórnborðið

My gateway
Hér getur þú fundið ýmsar upplýsingar um beininn, svo sem ip tölu á honum og breytt DNS stillingum.

Access control
Hér hefur þú yfirsýn yfir ýmsa hluti, svo sem foreldrastýringu og port forwarding.

Parental control
Hér er hægt að stilla hvenær ákveðin tæki fá aðgang að þráðlausa netinu hverju sinni, hægt er að kveikja og slökkva á því eftir hentisemi, svo sem slökkt á þráðlausu neti yfir nótt.

Ethernet
Hér getur þú séð umferð sem fer um gulu portin sem eru aftan á á beininum, hvort það sé tenging við portin hverju sinni og hversu mikil netumferð hefur farið yfir hólfið frá endurræsingu.

Internet connectivity
Hér getur þú auðkennt PPP beininn, sem er handvirk auðkenning í stað DHCP sem er sjálfvirk.

1. Velur DHCP og því næst PPP
3. Slærð inn notandanafnið Login (færð uppgefið í síma 8007000)
4. Slærð inn lykilorðið Password ( færð uppgefið í síma 8007000 )
5. Smellir á Apply

Wifi 2.4GHz OG Wifi 5GHz

• Hér getur þú breytt nafni á þráðlausa netinu á beini sem þú finnur undir SSID.
• Hægt er að breyta um rás á þráðlausa netinu. Ef ákveðin tæki eru í vandræðum með að tengjast netinu getur verið fínt að prufa aðrar rásir og sjá hvort tæki' bregst betur við.
• Hægt er að breyta um öryggisstaðal en beinirinn er á WPA2 þegar viðskiptavinur fær hann í hendurnar.
• Hægt er að breyta svo lykilorði á þráðlausa netið undir Password.
• Hægt er að slökkva á WiFi með hnappinum sem er efst á síðunni Enable 2.4GHz/5GHz Wireless. Ef smellt er á hnappinn er slökkt á þeirri tíðni.